బంగ్లా లెజండ్స్ మ్యాచ్ లో పిచ్చ కామెడీ! ఫోర్ పోతున్నా పట్టించుకోని ఫీల్డర్!

రోడ్ సేఫ్టీ వరల్డ్ సిరీస్ లో భాగంగా తాజాగా ఆస్ట్రేలియా లెజెండ్స్ వర్సెస్ బంగ్లాదేశ్ లెజ్ండ్స్ మధ్య మ్యాచ్ జరిగింది. ఉత్కంఠగా జరిగిన ఈ మ్యాచ్ లో ఆస్ట్రేలియా లెజెండ్స్ విజయం సాధించిన సంగతి మనకు తెలిసిందే. చివరి ఓవర్లో 21 పరుగులు కావాల్సిన దశలో ఆసిస్ బ్యాటర్ బ్రాడ్ హడిన్ తుపాన్ ఇన్నింగ్స్ ముందు బంగ్లా బౌలర్లు తేలిపోయారు. మరిప్పుడెందుకు ఈ మ్యాచ్ గురించి మాట్లాడుతున్నారు అనుకుంటున్నారా? దానికి ఓ కారణం ఉండందోయ్! ప్రస్తుతం ఈ మ్యాచ్ కు సంబంధించిన ఓ ఆసక్తికరమైన వీడియో నెట్టింట వైరల్ గా మారింది. ఈ వార్తకు సంబంధించిన మరిన్ని వివరాల్లోకి వెళితే..

బంగ్లాదేశ్.. క్రికెట్ లో సంచలనాలకు మారు పేరు. అనామక జట్టు అన్న ప్రతీసారి అంచనాలకు మించి ఆడి తమ సత్తా ఏంటో ఈ ప్రపంచానికి తెలియపరచింది. కానీ ఈ జట్టుకు ఉన్న అతిపెద్ద బలహీనత ఏంటంటే గెలిచే మ్యాచ్ లను ఓడిపోవడం. గతంలో చాలా మ్యాచ్ ఇలాగే ఓడిపోయింది. ఈ క్రమంలోనే రోడ్ సేఫ్టీ వరల్డ్ సిరీస్ లో బంగ్లా లెజెండ్స్ పాల్గొంటోంది. వయసు పై బడుతున్నా గానీ వారిలో మాత్రం సత్త తగ్గలేదు. కానీ కొన్ని కొన్ని చిన్న తప్పుల వల్ల మ్యాచ్ లను చేతులారా చేజార్చుకుంటోంది. ఆస్ట్రేలియా లెజెండ్స్ తో జరిగిన మ్యాచ్ లో కూడా తన బలహీనతను మరోసారి బయటపెట్టుకుంది. గెలవాల్సిన మ్యాచ్ లో ఓడిపోయింది. ఇక విషయంలోకి వస్తే.. 19 ఓవర్లకు ఆసిస్ లెజెండ్స్ స్కోర్ 138/7. వారికి లాస్ట్ ఓవర్ లో విజయానికి 21 రన్స్ కావాలి. క్రీజ్ లో అప్పటికే కుదురుకున్న బ్రాడ్ హడిన్ ఉన్నాడు. చివరి ఓవర్ వేయడానికి అబుల్ హసన్ వచ్చాడు.

హసన్ తొలి బాల్ అద్బుతమైన యార్కర్ వేయడంతో పరుగులేమీ రాలేదు. ఇక 2వ బంతిని హడిన్ నేరుగా స్టాడ్స్ లోకి సిక్సర్ గా మలిచాడు. దాంతో సమీకరణాలు 4 బంతుల్లో 15 పరుగులుగా మారింది. మూడో బంతిని హసన్ నోబ్ వేశాడు. హడిన్ 2 రన్స్ తీశాడు. ఫ్రీ హిట్ బాల్ కి పరుగులేమీ రాలేదు. దాంతో 3 బంతుల్లో 12 రన్స్ కావాలి. ఈక్రమంలోనే 3వ బాల్ ను హడిన్ బలంగా బదాడు.. బంతిని ఆపడానిక ఫీల్డర్లు ప్రయత్నించి నప్పటికీ ఫలితం లేదు. బంతి బౌండరీకి తరలివెళ్లింది. దాంతో 2 బంతుల్లో 8 పరుగులుగా సమీకరణాలు మారాయి. ఇక నాలుగో బంతిని వేయగా సేమ్ టూ సేమ్ అదే ప్లేస్ కు బాల్ వెళ్లింది. కానీ ఈ సారి ఇందాక బాల్ కు డైవ్ వేసిన ఫీల్డర్ ఈ సారి బాల్ ను అందుకునే ప్రయత్నం మత్రం చేయలేదు.. కదా కనీసం కాలు కూడా కదపలేదు. దాంతో బాల్ బౌండరీకి వెళింది. ఆశ్చర్యపోవడం బౌలర్, కెప్టెన్ వంతు అయ్యింది. ఇద్దరూ తెల్ల మెుహాలు వేసుకుని ఆ ఫీల్డర్ నే చూస్తున్నారు. కనీసం ఆపడానికి కూడా ట్రైచేయవా అంటూ బౌలర్ హసన్ చేయి చూపిస్తూ.. తన అసహనాన్ని వ్యక్తం చేశాడు.

ప్రస్తుతం వీరి ఎక్స్ ప్రెషన్స్ నెట్టింట వైరల్ గా మారడంతో నెటిజన్స్ సరదాగా స్పందిస్తున్నారు. కొందరు నెటిజన్స్ సోషల్ మీడియా వేదికగా స్పందిస్తూ..”ఈ వయసులో అంత సాహసం చేయడం ఎందుకులే అని వదిలేశాడేమో అంటే.. ఎలాగో ఓడిపోతాం కదా ఇంక పరిగెత్తడం ఎందుకు” అంటూ మరో నెటిజన్ రాసుకొచ్చాడు. పాపం ఇందాకే డైవ్ వేసినాగాని బాల్ ఆగలే! ఇక ఇప్పుడాగుతుందా? అంటూ మరికొందరు నెటిజన్స్ రాసుకొచ్చారు. బంగ్లా లెజెండ్సే కాదు గతంలో యువ బంగ్లా ఆటగాళ్లు సైతం ఇలాగే బంతులను వదిలేసి అపజయాలను మూట గట్టుకున్నారు. బంగ్లా లెజెండ్స్ నిర్ణీత 20 ఓవర్లలో 9 వికెట్లు కోల్పొయి 158 పరుగులు చేసింది. ఆసిస్ లెజెండ్స్ 7 వికెట్లు కోల్పొయి 159 పరుగులు చేసి విజయం సాధించింది. మరి ఈ వీడియోపై మీ అభిప్రాయాలను కామెంట్స్ రూపంలో తెలియజేయండి.

What a thriller! 🤩@aussie_legends defeat @Bangla_Legends by 3 wickets in a nail biting finish! #AUSLvsBANL #RoadSafetyWorldSeries #RSWS #yehjunghailegendary pic.twitter.com/CQH3RuKoVa

— Road Safety World Series (@RSWorldSeries) September 18, 2022

• ఇదీ చదవండి: హర్మన్ ప్రీత్ కౌర్ విధ్వంసం.. ఇంగ్లాండ్ ను చిత్తు చేసిన టీమిండియా!