follow us:
టీమిండియాకి ఈ మధ్య అస్సలు కలిసి రావడం లేదు. భారీ స్కోరులు చేస్తున్నా.. బౌలర్స్ తమ శక్తి మేర రాణిస్తున్నా ఫలితం మారడం లేదు. దీంతో ఎక్కడ తప్పు జరుగుతుందా అని బీసీసీఐ ఆలోచనలో పడిపోయింది. ఆసియాకప్ అంటే పర్వాలేదు గానీ త్వరలో ఆస్ట్రేలియా వేదికగా టీ20 ప్రపంచకప్ జరగనుంది. అంతలోపు జట్టులోని చిన్న చిన్న పొరపాట్లు సరిదిద్దుకోకపోతే మాత్రం భారీ మూల్యం చెల్లించక తప్పదని అర్ధమైపోయింది. ఇందులో భాగంగానే కోచ్ ద్రవిడ్ పై బీసీసీఐ అధ్యక్షుడు గంగూలీ సీరియస్ అయినట్లు తెలుస్తోంది.
ఇక వివరాల్లోకి వెళ్తే.. టీమిండియా అనగానే రోహిత్ శర్మ, విరాట్ కోహ్లీ లాంటి మ్యాచ్ విన్నర్స్ గుర్తొస్తారు. ఎలాంటి మ్యాచునైనా సరే ఒంటిచేత్తో గెలిపించగల సత్తా వీళ్లకు ఉంది. అలా అని వీళ్లిద్దరూ మాత్రమే కరెక్ట్ గా ఆడితే సరిపోదు కదా! అవును గతేడాది టీ20 ప్రపంచకప్ తర్వాత వరస విజయాలు సాధిస్తూ వచ్చిన భారత జట్టుకు.. ఆసియాకప్ లో పెద్ద దెబ్బ తగిలింది. లీగ్ దశలో రెండు మ్యాచుల్ని సులభంగా గెలిచిన మనవాళ్లు.. సూపర్ 4 దశకు వచ్చేసరికి మాత్రం చేతులెత్తేశారు. దీంతో పాటు కోచ్ ద్రవిడ్ చేసిన ప్రయోగాలు కూడా బెడిసికొట్టాయి.
టీ20 ప్రపంచకప్ సన్నాహాకంగా, టైటిల్ ఫేవరెట్ గా ఈ టోర్నీలో బరిలోకి దిగిన టీమిండియా.. ఒట్టి చేతులతో ఇంటిముఖం పట్టాల్సి వచ్చింది. ఇకపోతే ఇందులో భారత్ ఓటమిపై కారణాలని విశ్లేషించుకునేందుకు బీసీసీఐ తాజాగా సమీక్ష సమావేశం నిర్వహించింది. ఈ టోర్నీలో వైఫల్యంపై బోర్డు అధ్యక్షుడు గంగూలీ, సెక్రటరీ జైషా ఆగ్రహం వ్యక్తం చేసినట్లు ప్రముఖ వార్త సంస్థ పీటీఐ పేర్కొంది. ఇన్నింగ్స్ మధ్య ఓవర్లో స్లో బ్యాటింగ్.. భారత విజయాల్ని దెబ్బతీసిందని తమ సమీక్షలో గుర్తించారని, కోచ్ ద్రవిడ్ ని కూడా మందలించారని పీటీఐ తెలిపింది. టీ20 ప్రపంచకప్ దగ్గరపడుతున్న నేపథ్యంలో ఈ సమస్యని వీలైనంత తర్వగా పరిష్కరించాలని బీసీసీఐ పెద్దలు, టీమ్ మేనేజ్ మెంట్ కి సూచించారని.. బోర్డుకు చెందిన ఓ అధికారి, తమతో చెప్పారని పీటీఐ పేర్కొంది.
ప్రస్తుతం ఆస్ట్రేలియాతో టీ20 సిరీస్ ఆడుతున్న టీమిండియా… తొలి మ్యాచులో ఓడిపోయింది. మిగతా రెండు మ్యాచుల్లోనూ తప్పకుండా గెలిస్తేనే సిరీస్ సొంతమవుతుంది. లేదంటే ఇది కూడా కోల్పోవాల్సి వస్తుంది. దీని తర్వాత దక్షిణాఫ్రికా జట్టుతో స్వదేశంలో మూడు టీ20లు, మూడు వన్డేలు ఆడనుంది. వీటి తర్వాత టీ20 ప్రపంచకప్ లో పాల్గొనుంది. మరి టీ20 ప్రపంచకప్ కంటే ముందే భారత్ ప్రాబ్లంని పరిష్కరించుకుంటుందా లేదా అనేది చూడాలి. మరి కోచ్ ద్రవిడ్ పై గంగూలీ సీరియస్ కావడంపై మీ అభిప్రాయాన్ని కామెంట్స్ లో పోస్ట్ చేయండి.
ఇదీ చదవండి: ఆసియా కప్‌లో టీమిండియా చెత్త ప్రదర్శన! కెప్టెన్‌గా రోహిత్ చేసిన తప్పులేంటి?
ఇదీ చదవండి: ద్రవిడ్ సర్ అతి ప్రయోగాలే టీమిండియా కొంపముంచాయా?
ఇదీ చదవండి: ఈ ఒక్కటి సరిగ్గా జరిగి ఉంటే టీమిండియా ఆసియా కప్‌ ఫైనల్‌ ఆడేది!
