follow us:
తెలంగాణ ఐటీ మినిస్టర్‌ కేటీఆర్ రాజకీయాల్లో చాలా చురుగ్గా ఉంటారు. సందర్భం దొరికిన ప్రతి సారి బీజేపీపై విరుచుకుపడుతుంటారు కేటీఆర్. అలానే బీజేపీని విమర్శిస్తూ.. సోషల్‌ మీడియాలో పోస్ట్‌ చేయడంలో కూడా ముందుంటారు కేటీఆర్. ఇక తాజాగా మోదీని ఉద్దేశిస్తూ.. మరోసారి విమర్శలు చేశాడు కేటీఆర్. ఆర్థికమంత్రి నిర్మలా సీతారామన్‌ని టార్గెట్‌ చేస్తూ కేటీఆర్ ఈ ట్వీట్‌ చేసినట్లు తెలుస్తోంది. ఇక గతంలో కూడా నిర్మలా సీతారామన్ పర్యటన సందర్భంలో కూడా కేటీఆర్ ఇలానే ట్వీట్‌ చేశాడు. కలెక్టర్‌తో నిర్మలా సీతారామన్ ప్రవర్తన చూస్తే తనకు భయం వేస్తుందని చెప్పుకొచ్చాడు. ప్రస్తుతం ఆయన చేసిన ట్వీట్‌ నెట్టింట వైరలవుతోంది.
ఈ సందర్భంగా కేటీఆర్ ‘‘అహ్మాదాబాద్‌లోని ఎల్‌జీ మెడికల్‌ కాలేజీ పేరుని.. నరేంద్ర మోదీ మెడికల్‌ కాలేజీగా మార్చారు. ఇప్పటికే సర్దార్‌ పటేల్‌ స్టేడియం పేరును నరేంద్రమోదీ స్టేడియంగా మార్చారు. ఇది ఇలానే కొనసాగితే.. త్వరలోనే ఆర్థిక శాఖ మంత్రి నిర్మలా సీతారామన్ జీ.. కరెన్సీ నోట్ల మీద గాంధీజీ ఫోటో స్థానంలో మోదీ ఫోటో పెట్టాలని ఆర్‌బీఐని ఆదేశిస్తారేమో’’ అంటూ సెటైరికల్‌గా ట్వీట్‌ చేశాడు.
LG medical college in Ahmedabad renamed as Narendra Modi medical college!
Already Sardar Patel stadium has been renamed as Narendra Modi stadium
If FM Nirmala Ji has her way, RBI may soon be ordered to print new currency notes where Mahatma Gandhi Ji will be replaced by Modi Ji
— KTR (@KTRTRS) September 16, 2022
కేటీఆర్ చేసిన ట్వీట్‌పై నెటిజనులు భిన్నంగా స్పందిస్తున్నారు. కొందరు కేటీఆర్‌కు మద్దతు తెలపడమే కాక.. ఏకంగా మోదీ ఫోటోతో ఉన్న కరెన్సీ నోట్లను షేర్‌ చేస్తున్నారు. ఇక మరికొందరు కేటీఆర్‌కు కౌంటర్‌ ఇస్తున్నారు. ఎంతసేపు మోదీ, అంబానీ, అదానీ అంటూ వాళ్ల మీద పడతారు.. తెలంగాణలో పాలన మీద కాస్త దృష్టి పెట్టండి.. ముందు మన రాష్ట్రం గురించి ఆలోచించండి అని కామెంట్స్‌ చేస్తున్నారు. మరి కేటీఆర్ ట్వీట్‌పై మీ అభిప్రాయాలను కామెంట్స్‌ రూపంలో తెలియజేయండి.
