వీడియో: కూలీ డబ్బులు చెల్లించనందుకు కోటి రూపాయల కారు తగలబెట్టాడు!

మన దేశంలో రోజువారి కూలీ డబ్బుల మీద ఆధారపడి బతికే వారు ఎందరో ఉన్నారు. దేశంలో సగానికి పైగా జనాభా.. రోజువారి కూలీలే. పని ఉన్న రోజు పండుగ.. లేని నాడు పస్తు అన్నట్లు ఉంటుంది వారి జీవితం. ఇక రోజు కూలీ మీదనే ఆధారపడి బతికే వారికి.. జీతం డబ్బులు వెంటనే చెల్లించకపోతే ఎన్ని ఇబ్బందులు ఎదురవుతాయో చాలా మందికి తెలియదు. కూలి డబ్బులతో ఏ రోజుకు ఆరోజు ఆహారపదార్థాలను కొనుగోలు చేసేవారు ఎందరో ఉన్నారు. ఆ రోజు జీతం డబ్బుల మీదనే వారి జీవితాలు ఆధారపడి ఉంటాయి. ఈ విషయాలు అన్ని తెలిసి కూడా కొందరు.. పనులు చేయించకున్న తర్వాత వారికి సకాలంలో డబ్బులు చెల్లించరు. రోజుల తరబడి తిప్పించుకుంటారు. ఏం చేస్తారులే అనే ధైర్యంతో ఇలా ప్రవర్తిస్తారు కొందరు యజమానులు.

అయితే అందరూ మౌనంగా ఉండరు. వారికి చిర్రెత్తుకువస్తే.. ఆ తర్వాత జరిగే పరిణామాలు ఊహించడం కష్టం. తాజాగా ఈ కోవకు చెందిన సంఘటన ఒకటి చోటు చేసుకుంది. కూలీ డబ్బులు ఇవ్వనందుకు ఓ వ్యక్తి ఏకంగా కోటి రూపాయల విలువైన ఖరీదైన కారును తగలబెట్టాడు. ప్రస్తుతం ఇందుకు సంబంధించిన వీడియో వైరలవుతోంది. ఆ వివరాలు..

ఈ సంఘన ఉత్తరప్రదేశ్‌ నోయిడాలో చోటు చేసుకుంది. కూలీ డబ్బులు ఇవ్వకుండా వేధిస్తున్న యజమానికి బుద్ధి చెప్పడం కోసం ఏకంగా యజమాని కారు తగలబెట్టాడు ఓ వ్యక్తి. పోలీసులు తెలిపిన వివరాల ప్రకారం.. సదరు యజమాని 2020లో అతడి ఇంట్లో టైల్స్‌ వేయించకున్నాడు. ఆ పనికి సంబంధించి సుమారు 2 లక్షల రూపాయలు పని చేసిన వ్యక్తి ఇవ్వాల్సి ఉంది. ఇక రెండేళ్లుగా డబ్బులు అడుగుతుంటే.. యజమాని.. రేపు, మాపు అని తిప్పుకోసాగాడు.

దాంతో విసిగిపోయిన వ్యక్తి.. యజమానికి బుద్ధి చెప్పాలని భావించాడు. ఈ క్రమంలో రెండు రోజుల క్రితం యజమాని ఇంటి దగ్గరకు వెళ్లాడు. తనను ఎవరు గుర్తు పట్టకుండా ఉండటం కోసం తల మీద హెల్మెట్‌ ధరించాడు. ఇక వీధిలో ఎవరూ లేరని నిర్ధారించుకున్న తర్వాత.. వెంట తెచ్చుకున్న పెట్రోల్‌ తీసి బయట ఉన్న కోటి రూపాయల విలువైన మెర్సిడెజ్‌ బెంజ్‌ కారు మీద పోసి.. నిప్పు పెట్టాడు. ఇందుకు సంబంధించిన దృశ్యాలు పక్కనే ఉన్న సీసీటీవీలో రికార్డయ్యాయి.

ఈ క్రమంలో యజమాని ఫిర్యాదు మేరకు కేసు నమోదు చేసిన పోలీసులు.. సీసీటీవీ ఫుటేజ్‌ ఆధారంగా నిందితుడిని గుర్తించి అరెస్ట్‌ చేశారు. ఈ క్రమంలో సదరు వ్యక్తి.. సుమారె రెండేళ్లుగా తనకు రావాల్సిన కూలి డబ్బులు 2 లక్షల రుపాయలు ఇవ్వకుండ యజమాని ఇబ్బంది పెడుతున్నాడని.. అందుకే ఇలా చేశానని చెప్పుకొచ్చాడు. ప్రస్తుతం ఇందుకు సంబంధించిన వీడియో వైరలవుతోంది. మరి దీనిపై మీ అభిప్రాయాలను కామెంట్స్‌ రూపంలో తెలియజేయండి.

Man sets #MercedesBenz on fire in #Noida because the car owner did not pay him money due for tiles installation. #UttarPradesh #ViralVideo pic.twitter.com/4OriOvp1M4

— The Viral Finder (@TheViralFinder) September 14, 2022

• ఇది కూడా చదవండి: హోటల్‌ వాష్‌ రూమ్‌లో అర్థనగ్నంగా యువతి శవం.. ఇంతకీ ఏం జరిగింది?
• ఇది కూడా చదవండి: ఊరంతా కలిసి సాధువులపై దాడి! ఈ దారుణానికి కారణం?