follow us:
స్మార్ట్‌ ఫోన్‌ అందుబాటులోకి రావడం.. సోషల్‌ మీడియా వినియోగం పెరగడంతో.. మన చుట్టూ జరుగుతున్న అనేక విషయాలు వెంటనే తెలుస్తున్నాయి. మంచైనా చెడైనా సరే.. నిమిషాల్లో వైరలవుతోంది. ఇక మన కళ్ల ముందు జరిగే అన్యాయాలను వెంటనే సెల్‌ఫోన్‌లో కెమరాలో బంధించి.. దాన్ని సోషల్‌ మీడియాలో పోస్ట్‌ చేయడం.. ఆ వెంటనే అవి వైరలవ్వడం జరుగుతున్నాయి. ఎన్నో అక్రమాలు ఇలా సోషల్‌ మీడియా వేదికగా బయటకు వచ్చాయి. వాటిపై అధికారులు స్పందించి చర్యలు తీసుకున్న ఘటనలు అనేకం ఉన్నాయి. ఈ క్రమంలో తాజాగా ఓ వీడియో వైరలవుతోంది. ఆస్పత్రిలో అక్రమాలను తమ సెల్‌ఫోన్‌లో వీడియో తీసే ప్రయత్నం చేసిన యువకులను గదిలో బంధించి.. చితకబాదారు. నర్సు.. ఇద్దరు యువకులను రూళ్ల కర్రతో చితకబాదుతున్న వీడియో వైరలవుతోంది. ఆ వివరాలు..
ఈ సంఘటన బిహార్‌లో చోటు చేసుకుంది. సరన్‌ జిల్లా ఛప్ర ఆస్పత్రిలో ఈ సంఘటన చోటు చేసుకుంది. మెడికల్‌ సర్టిఫికెట్‌ కోసం ఇద్దరు యువకులు ఆస్పత్రికి వెళ్లారు. అయితే అక్కడ సిబ్బంది చాలా నిర్లక్ష్యంగా ప్రవర్తిస్తున్నారు. ఆస్పత్రిలో పరిస్థితులు చాలా దారుణంగా ఉన్నాయి. ఈ క్రమంలో యువకులు వీడియో తీయడం ప్రారంభించారు. ఇది గమనించిన ఆస్పత్రి సిబ్బంది, నర్సులు వారిని ఓ గదిలో బంధించారు. కర్రలతో చితకబాదుతూ.. వీడియోలను డిలీట్‌ చేయాలని బలవంతం చేశారు.
అయితే ఇక్కడ మరో సంఘటన చోటు చేసుకుంది. ఆస్పత్రి సిబ్బంది యువలకుపై దాడి చేస్తున్న దృశ్యాలను ఎవరో చాకచక్యంగా తమ సెల్‌ఫోన్‌లో రికార్డు చేసి.. సోషల్‌ మీడియాలో పోస్ట్‌ చేయడంతో ఈ సంఘటన వెలుగులోకి వచ్చింది. దీనిపై నెటిజనులు పెద్ద ఎత్తున ఆగ్రహం వ్యక్తం చేస్తున్నారు. ఈ వీడియోని బిహార్‌ ఆరోగ్య శాఖకు ట్యాగ్‌ చేస్తూ.. సదరు ఆస్పత్రి సిబ్బందిపై వెంటనే తగిన చర్యలు తీసుకోవాలని డిమాండ్‌ చేస్తున్నారు. అయితే మరికొందరు మాత్రం.. ఆ యువకులు నర్సులతో అసభ్యంగా ప్రవర్తించడంతోనే ఇలా బంధించి చితకబాదారని కామెంట్స్‌ చేస్తున్నారు. మరి దీనిలో ఏది వాస్తవమో తెలియదు కానీ వీడియో మాత్రం వైరలవుతోంది.
#MohammadShami #ManishSisodia #INDvsAUS #BiharPolice #Bihar
Sadar bazar hospital Chapra Bihar. two youths capturing improper hospital facility on video, taken hostage by 2 nurses pooja and sakshi,beaten with rod for 4 hours. No FIR registered. Why?
Hospital denies.@NitishKumar pic.twitter.com/4xEMW18aFO— Saurabh Bahuguna46 (@bahuguna46) October 17, 2022
