ఉపాసనకు సీమంతం చేసిన ఫ్రెండ్స్.. ఫొటోలు వైరల్​

తెలుగు చిత్రపరిశ్రమలో క్యూట్​ కపుల్స్​గా మెగా పవర్​ స్టార్​ రామ్​ చరణ్​ – ఉపాసన జంటకు ప్రత్యేక స్థానం ఉంది. వీళ్ల జీవితంలో జరిగే ప్రతి విషయాన్ని తెలుసుకోవాలని అనుకుంటారు ఫ్యాన్స్. మోస్ట్ బ్యూటిఫుల్​ కపుల్స్​గా పేరు తెచ్చుకున్న చెర్రీ – ఉప్సీలు త్వరలో తల్లిదండ్రులు కాబోతున్నారు. 2012లో పెళ్లిపీటలెక్కిన ఈ జంట.. సంతానం విషయమై ఎట్టకేలకు గుడ్​న్యూస్​ చెప్పడంతో మెగా ఇంట ఆనందాలు వెల్లివిరిశాయి. వీళ్లిద్దరూ త్వరలో పేరెంట్స్ కాబోతున్నారనే విషయం మెగా అభిమానుల్లోనూ సంతోషాన్ని నింపింది.

వివాహమైన పదకొండేళ్ల తర్వాత ఉపాసన తల్లి కాబోతుండటంతో మెగా ఇంట సంబురాలు మొదలయ్యాయి. ఈ క్రమంలో ఆమె ఫ్రెండ్స్ చరణ్ ఇంటికి వెళ్లి ఉపాసనకు చిన్నపాటి సీమంతం చేశారు. అందులో భాగంగా ఆమె మెడలో పూలదండ వేసి తనకు బహుమతులు అందించారు. ఈ వేడుకలో ఉపాసన, చరణ్ దంపతులతో పాటు ఆమె స్నేహితులు, సన్నిహితులు పాల్గొన్నారు. ఈ సందర్భంగా దిగిన ఫొటోలను బేబీ కమింగ్ సూన్ అంటూ చరణ్ సతీమణి తన ఇన్​స్టాగ్రామ్​ స్టోరీస్​లో షేర్ చేశారు. ఈ ఫొటోలు ఇప్పుడు సోషల్ మీడియాలో వైరల్​గా మారాయి.

ఇదిలా ఉండగా.. ఉపాసన తాతయ్య, అపోలో సంస్థ వ్యవస్థాపకులు ప్రతాప్ రెడ్డి జన్మదిన వేడుకలు ఇటీవలే ఘనంగా జరిగాయి. ఈ పుట్టిన రోజు వేడుకలకు ప్రముఖ ఆధ్యాత్మిక గురువు సద్గురు జగ్గీవాసుదేవ్, ఆయన కుమార్తె రాధే జగ్గీ హాజరయ్యారు. ఈ ఈవెంట్​లో వారితో దిగిన ఫొటోలను ఉప్సీ సోషల్ మీడియాలో షేర్ చేశారు. సద్గురు ఈ వేడుకకు రావడం ఎంతో సంతోషాన్ని కలిగించిందని ఈ పోస్ట్​లో ఉపాసన రాసుకొచ్చారు. సద్గురుకు ఇద్దరు కూతుళ్లని.. అందులో ఒకరు సొంత కూతురు (రాధే జగ్గీ), మరొకరు దత్తత తీసుకున్న (ఉపాసన) వారని ఆమె పేర్కొన్నారు.

Latest 📸 Baby👶Coming Soon ☺️#RamCharan and Upasana garu with Smitha reddy☺️ Her Instagram Story☺️ pic.twitter.com/v0TvPEZAfU

— Ujjwal Reddy (@HumanTsunaME) February 16, 2023

Always a pleasure to be in the presence of @sadhguru 🙏
Thank you for coming for Thatha’s birthday❤️
Big hug to @radhejaggi 🤗 pic.twitter.com/9LziijVQVv

— Upasana Konidela (@upasanakonidela) February 16, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.