follow us:
జబర్దస్త్ షోలో చమ్మక్ చంద్ర టీమ్ లో లేడీ గెటప్ లతో బాగా పాపులర్ అయిన కమెడియన్ జబర్దస్త్ వినోద్. లేడీ గెటప్ వేస్తే తప్ప గుర్తుపట్టలేనంతగా క్రేజ్ తెచ్చుకున్న వినోద్.. ఇప్పుడు గుర్తుపట్టలేని విధంగా మారిపోయారు. జబర్దస్త్ లో ఎన్నో స్కిట్ లు చేసి తన కామెడీ టైమింగ్ తో అందరి ఇంట నవ్వులు పూయించిన జబర్దస్త్ వినోద్ ఇంట ప్రస్తుతం ఆ నవ్వులు లేవు. ప్రస్తుతం జబర్దస్త్ కి దూరంగా ఉన్న వినోద్.. అనారోగ్యంతో బాధపడుతున్నారు. లంగ్స్ ఇన్ఫెక్షన్ బారిన పడిన వినోద్.. ఇప్పుడిప్పుడే కోలుకుంటున్నారు. ఈ క్రమంలో ఆయన తాజాగా సుమన్ టీవీకి ఇంటర్వ్యూ ఇచ్చారు. ఇంటర్వ్యూలో భాగంగా ఆయన పలు విషయాలను వెల్లడించారు. ఈ క్రమంలో ఆయన తన కొత్త ఇల్లు కొనుగోలు ప్రక్రియలో కోల్పోయిన 13 లక్షల విషయాన్ని వెల్లడించారు.
ఇంటిని కొనేందుకు ఇంటి యజమానితో ఒప్పందం కుదుర్చుకుని.. అడ్వాన్స్ గా రూ. 13 లక్షలు ఇచ్చినట్లు చెప్పుకొచ్చారు. నోటి మాట ద్వారా రూ. 3 లక్షలు, లిఖిత పూర్వకంగా రూ. 10 లక్షలు ఇచ్చానని తెలిపారు. అయితే సదరు వ్యక్తి వినోద్ ని వేధిస్తుండడంతో పాటు డబ్బులు వెనక్కి ఇవ్వడం లేదని గత ఏడాది నుంచి తిరుగుతున్నా న్యాయం దొరకలేదని అన్నారు. ఇంకా పోరాటం చేస్తున్నట్లు చెప్పుకొచ్చారు. ఆ మనీ ఇంకా రాలేదని అన్నారు. ఆ ఇంటి యజమానికి అడ్వాన్స్ గా ఇచ్చిన 10 లక్షలకి ప్రూఫ్ ఉందని, రూ. 3 లక్షలకు మాత్రం ప్రూఫ్ లేదని అన్నారు. ఇలా 13 లక్షలు కోల్పోయిన వినోద్.. మరో వ్యక్తిని నమ్మి 5 లక్షలు కోల్పోయినట్లు చెప్పుకొచ్చారు.
ఒక వ్యక్తి తనతో ప్రేమగా మాట్లాడుతున్నాడని, తనను బాగా చూసుకుంటున్నాడని నమ్మిన వినోద్.. ఆ వ్యక్తిని నమ్మి 5 లక్షల వరకూ పోగొట్టుకున్నారు. ఈ వ్యక్తికి ఎవరో అప్పు ఇస్తే.. గ్యారంటీగా వినోద్ ఉన్నారు. మధ్యవర్తిత్వం ఉండి షూరిటీ ఇవ్వడం వల్ల 5 లక్షల అప్పు తాను చెల్లించవలసి వచ్చిందని అన్నారు. ఈ కష్టాలు తప్పవన్నట్టు.. ఆయన ఆరోగ్యం క్షీణించడంతో మరో 3 లక్షలు కోల్పోవాల్సి వచ్చిందని అన్నారు. ఊపిరితిత్తుల్లో నీరు చేరడం వల్ల సన్నగా అయిపోయి.. చాలా వీక్ గా మారిపోయారు. దీంతో ఎవరైనా చేతబడి చేయించారేమో, చెడు ప్రభావం ఉందేమో అన్న అనుమానంతో పూజలకు, తాయత్తులు వంటి వాటికి.. ట్రీట్మెంట్ కి కలిపి రూ. 3 లక్షల దాకా ఖర్చు పెట్టాల్సి వచ్చిందని అన్నారు.
ఇలా తన జీవితంలో ఎంతో కష్టపడి పైసా పైసా కూడబెట్టుకుని సంపాదించుకున్న ఆస్తి రూ. 21 లక్షల వరకూ కోల్పోయారు. అయినప్పటికీ బౌన్స్ బ్యాక్ అవుతానని.. తనను ఆదరించిన, అభిమానించిన అభిమానులకు మరలా నవ్వించడానికి వస్తానని ధీమా వ్యక్తం చేశారు. ఇంకా మరెన్నో విషయాలను సుమన్ టీవీతో పంచుకున్నారు. వీడియో కింద ఉంది. చూసి జబర్దస్త్ వినోద్ కోసం ప్రార్థన చేయండి. అలానే జబర్దస్త్ స్టేజ్ మీదకి రావాలని, మనల్ని మరలా నవ్వులతో ముంచెత్తాలని ఆశిద్దాం. మీరు కూడా తనకి సపోర్ట్ గా మేమున్నాం అంటూ కామెంట్స్ ద్వారా వినోద్ లో ఆత్మస్థైర్యాన్ని నింపండి.
