గోపీచంద్ మలినేనికి ఫోన్ చేసిన సూపర్ స్టార్ రజినీకాంత్.. ఎందుకంటే?

గోపీచంద్ మలినేని.. ప్రస్తుతం టాలీవుడ్ లో ఈ డైరెక్టర్ పేరు బాగా వైరల్ అవుతోదిం. సంక్రాంతి కానుగా గోపీచంద్ మలినేని- బాలయ్య కాంబోలో వచ్చిన వీరసింహారెడ్డి బాక్సాఫీస్ వద్ద కాసుల వర్షం కురిపించింది. సినిమాకి మిక్స్ డ్ టాక్ వచ్చినా కూడా కలెక్షన్స్ విషయంలో మాత్రం రికార్డులు సృష్టించింది. అటు విదేశాల్లో కూడా ఈ సినిమాకి మంచి టాక్, వసూళ్లు వచ్చాయి. బాలకృష్ణను ఆ రేంజ్ లో చూపించిన తర్వాత అందరూ గోపీచంద్ గురించే మాట్లాడుకోవడం మొదలు పెట్టారు. అతను మంచి టాలెంట్ ఉన్న డైరెక్టర్ అంటూ టాలీవుడ్ వర్గాలు పొగిడేస్తున్నాయి. అయితే ఇప్పుడు ఈ పొగడ్తలు వేరే ఇండస్ట్రీల నుంచి కూడా రావడం మొదలైంది. ఏకంగా ఇండియన్ సూపర్ స్టార్ గోపీచంద్ మలినేనికి ఫోన్‌ చేసి పొగిడేశారంట.

విషయం ఏంటంటే.. వీర సింహారెడ్డి డైరెక్టర్ గోపీచంద్ మలినేనికి సూపర్ స్టార్ రజినీకాంత్‌ ఫోన్‌ చేశారంట. అవును ఆ విషయాన్ని స్వయంగా గోపీచంద్ తన ట్విట్టర్ ఖాతాలో వెల్లడించాడు. రజినీకాంత్ తన సినిమా చూడటమే కాకుండా.. ఆ సినిమాపై తన అభిప్రాయాన్ని వ్యక్త పరిచేందుకు నేరుగా గోపీచంద్ కి కాల్ చేశారు. “తలైవా, సూపర్ స్టార్ రజినీకాంత్ సార్ నాకు ఫోన్ చేశారు. వీర సింహారెడ్డి సినిమా చూశానని.. తనకెంతో నచ్చిందని చెప్పారు. నా సినిమా గురించి ఆయన పొడుగుతూ మాట్లాడటం, సినిమా గురించి ఆయన భావోద్వేగానికి లోనవడం.. ఇంతకంటే విలువైనది నాకు ఈ ప్రపంచంలో ఏదీ లేదనిపిస్తోంది. థాంక్యూ రజినీకాంత్ సార్” అంటూ గోపీచంద్ మలినేని ట్వీట్ చేశాడు.

ఒక అభిమాని తన అభిమాన హీరోని డైరెక్ట్ చేస్తే ఎలా ఉంటుందో గోపీచంద్ మలినేని చూపించాడు. తాను చిన్నప్పటి నుంచి అభిమానించిన హీరోని తాను డైరెక్ట్ చేయడం తన లైఫ్ టైమ్ అచీవ్మెంట్ అని ఇప్పటికే చాలా సందర్భాల్లో గోపీచంద్ చెప్పుకొచ్చాడు. ఈ సినిమాకి మిక్స్ డ్ టాక్ వచ్చినా కూడా ఫ్యాన్స్ మాత్రం తెగ ఎంజాయ్ చేశారు. ఇలా కదా బాలయ్యని మేము చూడాలి అనుకునేది అంటూ సంబరాలు చేసుకున్నారు. ఈ సినిమాని 110 కోట్లు బడ్జెట్ తో తెరకెక్కిస్తే దాదాపు రూ.127 కోట్లకు పైగానే వసూలు చేసినట్లు ట్రేడ్ పండితులు చెబుతున్నారు. ఈ సినిమాతో గోపీచంద్ మలినేని తర్వాతి ప్రాజెక్టుల మీద కూడా అంచనాలు భారీగా పెరిగిపోయాయి.

This is a surreal moment for me🤩🤗

Received a call from the Thalaivar, The Superstar @rajinikanth sir. He watched #VeeraSimhaReddy and loved the film.

His Words of praise about my film and the emotion he felt are more than anything in this world to me. Thankyou Rajini sir🙏

— Gopichandh Malineni (@megopichand) January 29, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.