follow us:
రఘువరన్.. ఈ పేరు తెలియని సినీ అభిమానులుండరేమో. విభిన్న పాత్రల్లో నటిస్తూ తనకంటూ ఓ ప్రత్యేక గుర్తింపును మూటగట్టుకున్నాడు. విలన్, తండ్రి వంటి అనేక పాత్రల్లో నటించి రఘువరన్ దాదాపు అన్ని భాషల్లో 150కి పైగా సినిమాల్లో నటించి తన నట విశ్వరూపాన్ని చూపించాడు. ఇక ముఖ్యంగా ఆ రోజుల్లో ఆయన నటించిన సినిమా విడుదలవుతుందంటే చాలు అభిమానులు థియేటర్ కు పరుగులు తీసేవారు. ఎన్నో సినిమాల్లో నటించిన రఘువరన్ ఎన్నో అవార్డులు కూడా అందుకోవడం విశేషం.
ఇదిలా ఉంటే రఘువరన్ చిత్ర పరిశ్రమలో అడుగు పెట్టిన తొలినాళ్ళల్లో ఆయనకు మంచి మిత్రుడుగా ఉన్న ప్రముఖ హీరో పృధ్వి. పెళ్లి సినిమాలో ఫేమస్ అయిన పృధ్వి అనేక సినిమాల్లో నటించి మెప్పించాడు. ఆ తర్వాత ఆయన తమిళ సీరియల్స్ లో బిజీగా మారిపోయారు. అలా పృధ్వి, రఘువరన్ సినిమాల్లో నటిస్తూనే మంచి స్నేహితులుగా ఉన్నారు. మరో విషయం ఏంటంటే? వీళ్లిద్దరి గర్ల్ ఫ్రెండ్స్ స్నేహితులు కావడంతో వీరిద్దరు ఇంకాస్త క్లోజ్ అయ్యారు. అలా రోజులు గడుస్తున్న కొద్ది రఘువరన్ కు సినిమా అవకాశాలు చేజారడం.., పైగా విలన్, తండ్రి వంటి పాత్రలు రావడంతో రఘువరన్ బాగా మనస్థాపానికి లోనయ్యాడు.
దీంతో చాలా రోజులు తనలో తాను కుమిలిపోయిన రఘువరన్.., మెల్లమెల్లగా డ్రగ్స్ కు అలవాటు పడ్డాడు. దీంతో అదే పనిగా డ్రగ్స్ కు అడిక్ట్ అయి తనను తానే మరిచిపోయాడు. అలా ఒకటి కాదు, రెండు కాదు ఏకంగా చాలా ఏళ్ల కాలం పాటు అదే మత్తులో ఉండిపోయిన రఘువరన్ చివరికి మార్చి 19, 2008న చెన్నైలో గాఢనిద్ర ఉండగానే గుండె పోటుతో మరణించాడు. ఇక తన స్నేహితుడు మరణించడంతో పృధ్వి అనేక ఇంటర్వ్యూల్లో రఘువరన్ మంచి తనం గురించి చెబుతూ వచ్చాడు.
