follow us:
అనసూయ భరద్వాజ్‌.. ఈ పేరు గురించి తెలుగు ప్రేక్షకులకు ప్రత్యేకంగా పరిచయం అక్కర్లేదు. తెలుగులో ప్రముఖ యాంకర్‌గా గుర్తింపు తెచ్చుకుంది అనసూయ. ఓ వైపు బుల్లితెర మీద రాణిస్తూనే.. సినిమాల్లో నటించే ప్రయత్నాలు చేసింది. సక్సెస్‌ అయ్యింది. ఈ క్రమంలో క్షణం, రంగస్థలం వంటి సినిమాల్లో అనసూయ చేసిన పాత్రలు.. ఆమె కెరీర్‌ని మలుపు తిప్పాయి. తాజాగా బ్లాక్‌ బాస్టర్‌ హిట్‌గా నిలిచిన పుష్ప సినిమాలో కూడా ఆమె కీలక పాత్రలో నటించింది. ప్రస్తుతం ఆమె చేతిలో క్రేజీ ప్రాజెక్ట్స్‌ ఉన్నాయి. వరుస సినిమాలతో ఫుల్‌ బిజీగా ఉంది అనసూయ. ఇక సినిమాల విషయం పక్కన పెడితే.. సోషల్‌ మీడియాలో కూడా ఫుల్‌ యాక్టీవ్‌గా ఉంటుంది అనసూయ. అప్పుడప్పుడు తన కామెంట్స్‌, సోషల్‌ మీడియా పోస్టింగులతో వివాదాల్లో నిలుస్తుంది.
అయితే వివాదాలను ఏమాత్రం లెక్క చేయదు అనసూయ. సోషల్‌ మీడియాలో పోస్టింగ్‌లు సైతం ఆపదు. ఫోటో షూట్స్‌, కుటుంబంతో కలిసి బయటకు వెళ్లిన ఫోటోలు ఇలా నిత్యం ఏదో పోస్ట్‌ చేస్తూనే ఉంటుంది. అంతేకాక.. అప్పుడప్పుడు సోషల్‌ మీడియాలో ఫ్యాన్స్‌తో చిట్‌చాట్‌ చేస్తుంది అనసూయ. ఆస్క్‌ మీ ఎనిథింగ్‌ అంటూ క్వశ్చన్‌ అండ్‌ ఆన్సర్‌ సెషన్‌ని నిర్వహిస్తుంటుంది. ఈ క్రమంలో తాజాగా అనసూయ ఇన్‌స్టాగ్రామ్‌ లో ఆస్క్‌ మీ ఎనిథింగ్‌ అంటూ అభిమానులతో ముచ్చటించింది. ఈ క్రమంలో ఆమెకు కాస్త వింత అనుభవం ఎదురయ్యింది.
ఇటీవలే తన ఇన్‌స్టాగ్రామ్‌ అకౌంట్‌లో అస్క్‌ మీ ఎనిథింగ్‌ సెషన్‌ నిర్వహించింది అనసూయ. దానిలో ఫాలోవర్లు అడిగిన పలు ప్రశ్నలకు సమాధానాలు ఇచ్చింది. ఈక్రమంలో ఓ నెటిజన్‌ నుంచి అనసూయకు ఊహించని ప్రశ్న ఎదురయ్యింది. అందుకు ఆమె ఇచ్చిన రిప్లై నెట్టింట వైరల్‌గా మారింది. సదరు నెటిజన్‌ అనుసూయను ఉద్దేశించి.. ‘‘నన్ను పెళ్లి చేసుకోమని.. నిన్ను ఎన్నోసార్లు అడిగాను. కానీ నువ్వు మాత్రం అస్సలు స్పందించడం లేదు’’ అని అడిగాడు. అందుకు అనసూయ ఏమి మాట్లాడకుండా కామ్‌గా ఉండే ఎమోజీని పోస్ట్‌ చేసింది. దాంతో పాటు ఆలోచిస్తున్నట్లుగా ఉన్న తన ఫోటోని కూడా షేర్‌ చేసింది. ఈ క్రమంలో సదరు నెటిజన్‌ అడిగిన ప్రశ్న.. అనసూయ ఇచ్చిన రిప్లై నెట్టింట వైరల్‌గా మారాయి.
ఇక సినిమాల విషయానికి వస్తే.. ప్రస్తుతం అనసూయ చేతిలో.. ‘రంగమార్తాండ’, ‘వేదాంతం రాఘవయ్య’, ‘పుష్ప 2’, ‘భోళా శంకర్’ వంటి భారీ చిత్రాలు ఉన్నాయి. ఇక చిరంజీవి నటించిన గాడ్‌ఫాదర్‌ చిత్రంలో కూడా అనసూయ కీలక పాత్రలో నటించింది. జబర్దస్త్‌ నుంచి బయటకు వచ్చిన అనసూయ.. ఆ తర్వాత మాటీవీలో ఓ షో చేసింది. ప్రస్తుతం బుల్లితెర మీద ఆమె ఏ షో చేయడం లేదు. సినిమాలతోనే ఫుల్‌ బిజీగా ఉంది.
