ప్రభాస్ పెళ్లిపై మంచు విష్ణు ట్వీట్! ఫ్యాన్స్ అసహనం!

మంచు విష్ణు గానీ, మంచు వారి కుటుంబంలో ఎవరు మాట్లాడినా, ఏం మాట్లాడినా దారుణంగా ట్రోల్ చేస్తున్నారు జనం. తాజాగా డార్లింగ్ ప్రభాస్ పై మంచు విష్ణు చేసిన ట్వీట్ ఒకటి ట్రోలర్స్ మరోసారి అవకాశమిచ్చినట్టు అయ్యింది. డార్లింగ్ ప్రభాస్ పుట్టినరోజు సందర్భంగా నిన్న (అక్టోబర్ 23న) మంచు విష్ణు ప్రభాస్ కి జన్మదిన శుభాకాంక్షలు చెప్పే ఉద్దేశంతో చేసిన ట్వీట్ ఇప్పుడు ప్రభాస్ అభిమానుల ఆగ్రహానికి కారణమైంది. ప్రస్తుతం డార్లింగ్ ప్రభాస్ వరుస సినిమాలతో బిజీగా ఉన్న విషయం తెలిసిందే. మొన్నా మధ్య ఆదిపురుష్ టీజర్ పై మంచు విష్ణు నెగిటివ్ కామెంట్స్ చేశారంటూ పెద్ద ఎత్తున వార్తలు వచ్చాయి. అవి మంచు విష్ణు దృష్టికి వెళ్లడంతో ఆ వార్తలను ఖండించారు.

ప్రభాస్ ని అలా అనలేదు.. అవన్నీ ఫేక్ వార్తలు అంటూ మంచు విష్ణు క్లారిటీ ఇచ్చారు. అసలు నా బ్రదర్ ప్రభాస్ ని నేనెందుకు అలా అంటాను అని అన్నారు. అయితే ఇప్పుడు ప్రభాస్ ని ఉద్దేశించి మంచు విష్ణు చేసిన ట్వీట్ మాత్రం వివాదాస్పదమైంది. ‘వేరే తల్లి కడుపు నుంచి వచ్చిన నా సోదరుడికి జన్మదిన శుభాకాంక్షలు. వచ్చే పుట్టినరోజుకైనా పెళ్లి చేసుకుంటాడో లేదో తెలీదు గానీ ఖచ్చితంగా బ్లాక్ బస్టర్ హిట్ ఇస్తాడని తెలుసు. నీ మీద ఎంతో ప్రేమ ఉంది నా డార్లింగ్ బ్రదర్’ అంటూ ట్వీట్ వేశారు.

దీంతో ప్రభాస్ ఫ్యాన్స్ అసహనం వ్యక్తం చేస్తున్నారు. ప్రభాస్ పెళ్లి ప్రస్తావన లేకుండా ట్వీట్ చేయలేవా అంటూ మంచు విష్ణుపై ఫ్యాన్స్ మండిపడుతున్నారు. ట్వీట్ తొలగించమని రిక్వస్ట్ చేస్తున్నారు. మంచు విష్ణు ఫ్యాన్స్ మాత్రం.. అన్న అన్నదాంట్లో తప్పేముందన్న అభిప్రాయాలు వ్యక్తం చేస్తున్నారు. మంచు విష్ణు ట్వీట్ లో తప్పేముంది? మామూలుగా ఇంట్లో ఎవరైనా చనిపోతే ఆ ఇంట శుభకార్యం జరగాలని అంటారు. ఆ సెన్స్ తోనే మంచు విష్ణు ట్వీట్ చేసి ఉండచ్చునని అంటున్నారు. మరి ఈ వివాదానికి మంచు విష్ణు ఫుల్ స్టాప్ పెడతారో లేదో చూడాలి.

Wishing my brother from another mother, a wonderful birthday. I don’t know if he will get hooked by the next birthday but I am sure he will give a huge kick ass blockbuster. Much love to you my darling brother #prabhas 🥰

— Vishnu Manchu (@iVishnuManchu) October 23, 2022