follow us:
కరణ్ జోహార్.. బాలీవుడ్ బడా నిర్మాత. ఓ వైపు భారీ సినిమాలు నిర్మిస్తూనే.. కాఫీ విత్ కరణ్ అనే షో కి హోస్ట్ గా వ్యవహరిస్తున్న సంగతి మనకు తెలిసిందే. ఇక ఈ షోలో కరణ్ జోహార్ అడిగే ప్రశ్నలకు హద్దంటూ ఏమీ ఉండదు. దాంతో అతడిపై అనేక విమర్శలు సైతం వచ్చాయి కానీ అవేవీ అతడు పట్టించుకోవట్లేదు. ఈ నేపథ్యంలోనే స్టార్ హీరోయిన్ తాప్సీ పన్ను కాఫీ విత్ కరణ్ షో పై సంచలన వ్యాఖ్యలు చేసిన సంగతి మనకు తెలిసిందే. ఆ వ్యాఖ్యలపై తాజాగా కౌంటర్ వేశాడు కరణ్. ఈ వార్తకు సంబంధించి మరిన్ని వివరాల్లోకి వెళితే..
తాప్సీ.. ఝమ్మంది నాదం సినిమాతో తెలుగు తెరకి పరిచయం అయిన ఈ సొట్ట బుగ్గల సుందరి.. ఆ తరువాత వరుస సినిమా ఆఫర్లు కొట్టేసింది. తెలుగులో చాలా చిత్రాలే చేసినప్పటికీ అనుకున్నంత పేరు మాత్రం రాలేదనే చెప్పాలి. దాంతో ఈ అమ్మడు తన మకాం ను చిన్నగా ముంబాయికి మార్చింది. అక్కడ వరుస సినిమాలు చేస్తూ బిజీగా మారిపోయింది. హిట్టు.. ప్లాపులతో సంబంధం లేకుండా సినిమాలు చేస్తూ.. దూసుకెళ్తోంది. ఈ క్రమంలోనే ఓ సినిమా ప్రమోషన్స్ లో భాగంగా మీరు కాఫీ విత్ కరణ్ షో కు ఎందుకు వెళ్లటం లేదు అన్న ప్రశ్నకు సమాధానం ఇస్తూ..”బహుశా ఆ షోలో చెప్పేంత బాగా నా జీవితం లేదు.. అందుకే వెళ్లలేదు” అని సమాధానం ఇచ్చిన సంగతి మనకు తెలిసిందే. అప్పట్లో తాప్సీ చేసిన ఈ వ్యాఖ్యలు తీవ్ర రచ్చలేపాయి.
ఈ వ్యాఖ్యలపై తాజాగా కరణ్ జోహార్ కౌంటర్ వేశాడు. తాజాగా ఎపీసోడ్ కు సోషల్ మీడియా సెలబ్రిటీస్ రాగ.. వారు కరణ్ కు కొన్ని ప్రశ్నలు వేశారు. అందులో భాగంగానే తాప్సీని షోకు ఎందుకు పిలవలేదు? అనే ప్రశ్న కరణ్ కు ఎదురైంది. దానికి సమాధానం చెబుతూ..”తాప్సీకి సరైన జోడీ కోసం వెతుకుతున్నాం.. దొరకగానే పిలుస్తాను. ఇక నేను పిలిచినప్పటికీ తను రాకపోతే అప్పును నేను చాలా బాధపడతాను. అదీ కాక ఇప్పటి వరకు బాగా అలరించిన జోడీలనే తీసుకొచ్చాం” అని వివరించాడు. అతడు తాప్సీపై స్పందించిన విధానం వ్యంగ్యంగా ఉందంటూ వాదనలు వినిపిస్తున్నాయి. మరి తనపై వచ్చే కౌంటర్లకు తాప్సీ కూడా అంతే స్ట్రాంగ్ రీ కౌంటర్లు ఇవ్వడం మనం చూస్తూనే ఉన్నాం. ఇప్పుడు కరణ్ కౌంటర్ పై ఈ సొట్టబుగ్గల సుందరి ఏ విధంగా స్పందిస్తుందో వేచి చూడాలి.
Karan Johar has opened up about why he didn’t invite Taapsee Pannu to ‘Koffee With Karan 7’.
Find out here ⤵️#KoffeeWithKaran7 #KaranJohar #TaapseePannu https://t.co/3hrGu8OmsA
— editorji (@editorji) September 29, 2022
