ఎన్టీఆర్, చరణ్ ఫ్యాన్స్​కు సారీ చెప్పిన కాలభైరవ.. కావాలని తప్పు చేయలేదంటూ..!

ఆస్కార్ అవార్డుల కార్యక్రమం ముగియడంతో ‘ఆర్ఆర్ఆర్’ టీమ్ స్వదేశానికి చేరుకుంది. శుక్రవారం తెల్లవారుజామున హైదరాబాద్​కు చేరుకున్న చిత్ర బృందానికి అభిమానులు ఘనస్వాగతం పలికారు. వారితో ఫొటోలు దిగేందుకు ఎగబడ్డారు. దీంతో ఎయిర్​పోర్టు ప్రాంగణం చాలా రద్దీగా మారింది. కట్టుదిట్టమైన భద్రత మధ్య రాజమౌళి, ఆయన సతీమణి రమ్య, కీరవాణి, కాలభైరవ, కార్తికేయ తదితరులు వారి ఇళ్లకు చేరుకున్నారు. ఇదిలాఉండగా.. ‘నాటు నాటు’కు ఆస్కార్ దక్కడం, ఆస్కార్ వేదికపై లైవ్ పెర్ఫామెన్స్ ఇవ్వడంపై సింగర్ కాలభైరవ హర్షం వ్యక్తం చేశారు. తన సంతోషానికి అవధుల్లేవని ట్విట్టర్ వేదికగా ఓ నోట్​ రాశారు కాలభైరవ. ఇందుకు సహకరించిన అందరికీ ప్రత్యేక కృతజ్ఞతలు తెలియజేస్తూ ట్వీట్ చేశారు.

‘‘ఆర్ఆర్ఆర్​’కు ప్రాతినిధ్యం వహించి బెస్ట్ ఒరిజినల్ సాంగ్ కేటగిరీ కోసం ఆస్కార్స్​లో పెర్ఫార్మెన్స్ ఇచ్చే అవకాశాన్ని కలిగించినందుకు కృతజ్ఞతుడిగా భావిస్తున్నా. దీనికి ప్రత్యక్షంగా, పరోక్షంగా అందరూ సహకరించడం వల్లే సాధ్యమైంది. రాజమౌళి బాబా, నాన్న, ప్రేమ్ రక్షిత్ మాస్టర్, ఎస్ఎస్ కార్తీకేయ అన్న.. వారందరి కృషి, పనితనం వల్లే ఈ పాట ప్రపంచంలోని అన్ని ప్రాంతాలకు చేరుకుంది. ప్రపంచవ్యాప్తంగా ఉన్న సినీ ప్రేమికులతో, సంగీత ప్రియులతో డాన్స్ చేయించిందీ పాట’ అంటూ థ్యాంక్యూ నోట్ రాసుకొచ్చారు కాలభైరవ. అయితే ఇందులో యంగ్ టైగర్ జూనియర్ ఎన్టీఆర్, మెగా పవర్ స్టార్ రామ్ చరణ్​ పేర్లను మాత్రం ప్రస్తావించలేదు. దీంతో వారి ఫ్యాన్స్ కాలభైరవపై ఫైర్ అయ్యారు. వెంటనే తేరుకున్న కాలభైరవ సారీ చెబుతూ మరో ట్వీట్ చేశారు.

‘‘నాటు నాటు’, ‘ఆర్‌ఆర్‌ఆర్‌’ ఇంతగా సక్సెస్ అవ్వడానికి తారక్‌ అన్న, చరణ్‌ అన్నలే కారణమని చెప్పడంలో నాకు ఎలాంటి సందేహం లేదు. అయితే అకాడమీ వేదికపై ప్రదర్శనలో అవకాశం రావడానికి నావైపుగా ఎవరెవరు సహకరించారనేది మాత్రమే మాట్లాడా. అంతకుమించి ఇంకేమీ లేదు. అయితే అది తప్పుగా అర్థమైంది. ఇందుకు హృదయపూర్వకంగా క్షమాపణలు కోరుతున్నా’ అంటూ కాలభైరవ ట్వీట్ చేశారు. ఇకపోతే, అమెరికా లాస్ ఏంజెట్స్​లోని డాల్బీ థియేటర్​లో మార్చి 13న ఆస్కార్స్ అవార్డుల వేడుక అట్టహాసంగా జరిగింది. ఈ కార్యక్రమానికి ప్రపంచవ్యాప్తంగా ఉన్న సినీ ప్రముఖులు హాజరయ్యారు. ఈ ఫంక్షన్​లో వేదికపై ‘నాటు నాటు’ పాట లైవ్ మ్యూజిక్ పెర్ఫామెన్స్​తో కాలభైరవ, రాహుల్ సిప్లిగంజ్ అదరగొట్టారు. వీళ్ల పాటకు హాలీవుడ్ డాన్సర్లు స్టేజీ పెర్ఫామెన్స్ ఇచ్చి అందర్నీ ఆకట్టుకున్నారు.

I have no doubt Tarak anna and Charan anna are the reason for the success of naatu naatu and RRR itself.
I was ONLY talking about who all helped me get my opportunity for the academy stage performance. Nothing else.

I can see that it was conveyed wrongly and for that, I… https://t.co/Je17ZDqthj

— Kaala Bhairava (@kaalabhairava7) March 17, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.