వీడియో: తన పెళ్ళికి అనాథ పిల్లలను ఆహ్వానించిన హన్సిక! ఎంత గొప్ప మనసో అంటున్న నెటిజన్లు..

సినిమా ఇండస్ట్రీలో చాలా మంది హీరోలు, హీరోయిన్లు సమాజం నుంచి చాలా తీసుకున్నామని చెప్పి.. సేవ రూపంలో ఎంతో కొంత తిరిగిస్తూ ఋణం తీర్చుకుంటూ ఉంటారు. అలాంటి వారిలో మెగాస్టార్ చిరంజీవి,మహేష్ బాబు, పవన్ కళ్యాణ్ సహా అనేక మంది హీరోలు ఉన్నారు. హీరోలే కాదు సమంత, శ్రియ లాంటి హీరోయిన్లు కూడా సమాజం పట్ల తమ అంకితభావాన్ని ప్రదర్శిస్తున్నారు. అనాథ పిల్లలని దత్తత తీసుకుని చదివించడం, అనాధాశ్రమాలకి విరాళం ఇవ్వడం లాంటివి చేస్తున్నారు. నాంది ఫౌండేషన్ ద్వారా శ్రియ సరన్, ప్రత్యూష ఫౌండేషన్ ద్వారా సమంత ఇలా కొంతమంది హీరోయిన్లు తమ దాతృత్వాన్ని ప్రదర్శిస్తున్నారు. ఈ కోవలో హన్సిక కూడా ఉన్నారు. కొంతమంది పిల్లల చదువుకి అయ్యే ఖర్చు తానే భరిస్తున్నారు.

ఇదిలా ఉంటే మంచి మనసున్న హన్సిక వైవాహిక జీవితంలోకి అడుగుపెట్టారు. ప్రేమించిన వ్యక్తినే పెళ్లి చేసుకున్నారు. ముంబైకి చెందిన వ్యాపారవేత్త సోహెల్ ఖతురియాను వివాహం చేసుకున్నారు. జైపూర్ లోని ముందోటా ఫోర్ట్‌ ప్యాలెస్‌ లో చాలా గ్రాండ్ గా  వీరి వివాహం జరిగింది. ఈ వేడుకకు చాలా మంది సెలబ్రిటీలు హాజరయ్యారు. ఎంతమంది సెలబ్రిటీలు ఉన్నా ప్రత్యేక అతిథులు కొంతమంది ఉంటారు. ప్రత్యేక అతిథులంటే సెలబ్రిటీ హోదా, స్టార్ స్టేటస్, డబ్బు ఉంటేనే అనుకుంటే పొరపాటే. హన్సిక హృదయంలో స్థానం సంపాదించుకున్న ఈ అనాథ పిల్లలే హన్సిక పెళ్ళి వేడుకలో ముఖ్య అతిథులు. తన పెళ్లి వేడుకకు తప్పకుండా రావాలని వారి కోసం ప్రత్యేకంగా పెళ్లి పత్రికలు పంపించారు.

అంతేనా పెళ్ళిలో తనలా అందంగా మెరిసిపోవాలని కొత్త దుస్తులు కూడా పంపించి గొప్ప మనసు చాటుకున్నారు. తమని ఇలా పెళ్ళికి పిలుస్తున్నందుకు ఆ చిన్నారులు ఆనందం వ్యక్తం చేశారు. తమని పెళ్ళికి పిలిచినందుకు హన్సికకి కృతజ్ఞతలు తెలియజేశారు. చిన్నారుల్లో ఒక పాప.. ‘మేము భోజనం వృధా చేయమని ఒట్టు’ అంటూ చెప్పడం కంటతడి పెట్టిస్తోంది. ఇంతకీ ఈ పిల్లలు ఎవరో కాదు.. హన్సిక దాతృత్వ గుణం వల్ల చదువుకి నోచుకుంటున్న పిల్లలు. ఈ పిల్లల్ని హన్సిక దత్తత తీసుకుని చదివిస్తున్నారు. తన సొంత పిల్లల్లా చూసుకుంటున్నారు. అందుకే వాళ్ళని తన పెళ్ళికి స్పెషల్ గెస్టులుగా ఆహ్వానించారు. పిల్లల్ని ఇలా తన పెళ్ళికి పిలవడంపై నెటిజన్లు హర్షం వ్యక్తం చేస్తున్నారు. తమకి హన్సిక పంపిన పెళ్లి పత్రికలను చూసి మురిసిపోతున్న పిల్లల వీడియో ప్రస్తుతం సోషల్ మీడియాలో వైరల్ అవుతోంది

These guests are ready for your wedding @ihansika ! Thank you for adding them to your Extended Guest List and sharing your big day with them 💚#ExtendedGuestList #rha #robinhoodarmy #FoodForThought #weddingideas pic.twitter.com/B78qiVkwjv

— Robin Hood Army (@rha_india) December 2, 2022

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.