కోహ్లీని గెలికిన నవీన్​ ఉల్​ హక్​ను ట్రోల్ చేసిన స్విగ్గీ..!

ఈ ఏడాది ఇండియన్ ప్రీమియర్ లీగ్​లో హాట్​ టాపిక్​గా నిలిచిన వాటిల్లో విరాట్ కోహ్లీ, గౌతం గంభీర్​ల వివాదం ఒకటి. ఈ ఇద్దరు క్రికెటర్లు ఒకరిపై ఒకరు దూసుకుంటూ వెళ్లడం, గొడవకు దిగడం విదితమే. ఈ కాంట్రవర్సీలో లక్నో పేసర్ నవీన్ ఉల్​ హక్ కూడా కలుగజేసుకోవడం తెలిసిందే. ఆ మ్యాచ్ ముగిసిన తర్వాత ఈ వివాదాన్ని కోహ్లీ ఫ్యాన్స్ వదల్లేదు. గంభీర్, నవీన్ ఉల్ హక్​ కనిపించిన ప్రతి చోట కోహ్లీ, కోహ్లీ అని అరుస్తూ వారిని రెచ్చగొట్టారు. నవీన్ ఉల్ హక్ కూడా ఏమీ తక్కువ తినలేదు. ఒక మ్యాచ్​లో కోహ్లీ ఔట్ కాగానే స్వీట్ మ్యాంగోస్ అంటూ మామిడికాయలు తిన్న ఫొటోను సోషల్ మీడియాలో పెట్టాడు. దీంతో కోహ్లీ ఫ్యాన్స్ కోపంతో ఊగిపోయారు. లక్నో సూపర్ జెయింట్స్, సన్​రైజర్స్​కు మధ్య హైదరాబాద్​లో జరిగిన మ్యాచ్​లో కోహ్లీ అభిమానులను దాడికి పాల్పడ్డారు.

గంభీర్, నవీన్ ఉల్​ హక్ కూర్చున్న లక్నో డగౌట్ మీద కోహ్లీ ఫ్యాన్స్ నీళ్ల సీసాలు విసిరారు. అంతేగాక వారిపై నట్లు, బోల్టులు కూడా విసిరేశారు. దీంతో మ్యాచ్​ను కాసేపు నిలిపివేశారు నిర్వాహకులు. ఇక్కడితో ఈ వివాదం ముగిసిందని అందరూ అనుకున్నారు. గురువారం సన్​రైజర్స్​తో రాయల్ ఛాలెంజర్స్ బెంగళూరు తలపడింది. ప్లేఆఫ్స్ క్వాలిఫికేషన్​కు కీలకంగా మారిన ఈ మ్యాచ్​లో ఆర్సీబీ 8 వికెట్ల తేడాతో ఘన విజయం సాధించింది. స్టార్ బ్యాటర్ విరాట్ కోహ్లీ (100) సెంచరీతో చెలరేగి జట్టు గెలుపులో కీలక పాత్ర పోషించాడు. చిరస్మరణీయ ఇన్నింగ్స్ ఆడిన కోహ్లీని ప్రముఖ ఫుడ్ డెలివరీ సంస్థ స్విగ్గీ ప్రశంసించింది. అదే తరుణంలో కోహ్లీని గెలికిన నవీన్ ఉల్ హక్​ను ట్రోల్ చేస్తూ ఒక ట్వీట్ చేసింది. ‘సారీ మ్యాంగో.. చీకూనే రియల్ కింగ్’ అంటూ విరాట్​పై తమకు ఉన్న ప్రేమను చూపించింది.

Sorry mango.. cheeku is the real King 👑

— Swiggy Instamart (@SwiggyInstamart) May 18, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.