Punjab Kings: ఇంజక్షన్లు తీసుకుని మరీ IPLకు.. పంజాబ్ కోసం స్టార్ హిట్టర్ సాహసం!

ఇండియన్ ప్రీమియర్ లీగ్ పదహారో సీజన్ ఆసక్తికరంగా సాగుతోంది. ఈ పది రోజుల్లో జరిగిన మ్యాచులు అభిమానులకు మస్తు వినోదాన్ని పంచాయి. జట్ల పెర్ఫామెన్స్ విషయానికొస్తే.. ఈ సీజన్​లో పంజాబ్ కింగ్స్ బాగానే ఆడుతోంది. తొలి రెండు మ్యాచుల్లో విజయాలతో ఆ టీమ్ పటిష్టంగా కనిపించింది. అయితే సన్​రైజర్స్ హైదరాబాద్​తో జరిగిన మూడో మ్యాచ్​లో మాత్రం ఆ టీమ్ బ్యాటింగ్ డొల్లతనం బయటపడింది. ముఖ్యంగా రైజర్స్​తో మ్యాచ్​లో పంజాబ్ బ్యాటింగ్ చాలా బలహీనంగా కనిపించింది. సారథి శిఖర్ ధావన్ తప్ప ఎవరూ స్థాయికి తగ్గ ప్రదర్శన చేయలేదు. ధవన్ మాత్రం తన సహజ శైలిలో అదరగొట్టాడు. ఈ నేపథ్యంలో ఆ జట్టుకో శుభవార్త.

పవర్ హిట్టర్, ఇంగ్లండ్ స్టార్ బ్యాటర్ లియామ్ లివింగ్​స్టోన్ త్వరలో పంజాబ్ జట్టులో చేరనున్నాడు. ఈ విషయాన్ని స్వయంగా లివింగ్​స్టనే వెల్లడించాడు. ‘గత రెండు నెలలుగా కఠిన పరిస్థితులు ఎదురయ్యాయి. త్వరలోనే తిరిగి గ్రౌండ్​లో అడుగుపెట్టబోతున్నా. త్వరలోనే మీతో జాయిన్ అవుతా పంజాబ్ కింగ్స్’ అని లివింగ్​స్టోన్ సోమవారం ట్వీట్ చేశాడు. రూ.11.50 కోట్లు ఖర్చు చేసి పంజాబ్ కొనుగోలు చేసిన లివింగ్​స్టోన్.. గాయం కారణంగా గతేడాది డిసెంబర్ నెల నుంచి క్రికెట్​కు దూరంగా ఉన్నాడు. ఇన్నాళ్లూ అతడు ట్రీట్​మెంట్ తీసుకున్నాడు.

చికిత్స తర్వాత కొన్నాళ్లు విరామం తీసుకున్న లివింగ్​స్టోన్ క్రమంగా కోలుకున్నాడు. తాజాగా ఒక టీవీ ఇంటర్వ్యూలో మాట్లాడుతూ.. ‘గతవారం కొన్ని ఇంజక్షన్లు తీసుకున్నా. అవి అద్భుతమైన ప్రభావం చూపించాయి. మరో 48 గంటల్లో భారత్​కు పయనమవుతా’ అని లివింగ్​స్టోన్​ పేర్కొన్నాడు. దీనిపై ట్విట్టర్​లో మరోమారు అప్​డేట్ ఇచ్చాడు. దీంతో పంజాబ్ టీమ్ ఫ్యాన్స్ ఖుషీ అవుతున్నారు. ఈ పవర్ హిట్టర్ వస్తే తమ బ్యాటింగ్ ఆర్డర్ మరింత బలపడుతుందని భావిస్తున్నారు. మరి.. ఒంటిచేత్తో మ్యాచ్​ను మలుపుతిప్పే సత్తా కలిగిన లివింగ్​స్టోన్ రాక పంజాబ్ జట్టు విజయావకాశాలను పెంచుతుందని మీరు భావిస్తున్నారా? అయితే మీ అభిప్రాయాలను కామెంట్ల రూపంలో తెలియజేయండి.

Liam Livingstone’s inclusion will give a huge boost to Punjab Kings!

📸: IPL#LiamLivingstone #PunjabKings #IPL2023 pic.twitter.com/FXzPVi2Uar

— CricTracker (@Cricketracker) April 10, 2023