follow us:
భారతీయ దిగ్గజ వ్యాపార వేత్తల్లో ఆనంద్ మహేంద్ర ఒకరు. ఆయన ఎప్పుడూ సోషల్ మీడియాలో తెగ యాక్టీవ్ గా ఉంటారు. ఎన్నో సృజనాత్మకత అంశాలతో కూడుకున్న కథనాలు, ఫోటోలు, వీడియోలు తన ట్విట్టర్ లో పోస్ట్ చేస్తుంటారు. ఆయన చేసే ప్రతి పోస్ట్ క్షణాల్లో వైరల్ అవుతూ ఉంటాయి. ఒక విధంగా చెప్పాలంటే.. ఆనంద్ మహేంద్ర ట్విట్టర్ ఫాలో అయితే చాలు కొత్త కొత్త విషయాలు ఎన్నో చూడొచ్చు, తెలుసుకోవచ్చని అంటుంటారు ఆయనను ఫాలో అయ్యే నెటిజన్లు. తాజాగా ‘మొబైల్ మ్యారేజ్ హాల్’ వీడియోను తన ట్విట్టర్ ఖాతాలో షేర్ చేశారు.
ఒక షిప్పింగ్ కంటైనర్ ని కనీవినీ ఎరుగని రీతిలో అద్భుతమైన మ్యారేజ్ హాల్ గా తీర్చిదిద్దిన తీరు చూసి ఆనంద్ మహేంద్ర ఆశ్చర్యపోయాడు. అంతేకాక ఇంత గొప్పగా డిజైన్ చేసి ఆ వ్యక్తిని తప్పకుండా కలవాలని తన ట్విట్టర్ లో పేర్కొన్నారు. ఇది ఒక అద్భుతమైన క్రియేటివిటీ. ఈ సదుపాయాన్ని మారుమూల ప్రాంతాల్లో కూడా వాడుకోవొచ్చు. ఇందులో ఎన్నో సదుపాయాలు ఉన్నాయని.. పర్యావరణానికి ఇది అనుకూలమైనదని.. ఇలాంటి మొబైల్ మ్యారేజ్ హాల్స్ కి శాశ్వత స్థలం కూడా అవసరం ఉండదు అంటూ దీనికి సంబంధించిన వీడియో తన ట్విట్టర్ లో పోస్ట్ చేశారు. 40 అడుగుల పొడవు ఉన్న ఈ మొబైల్ మ్యారేజ్ కంటైనర్ లో ఫోల్డ్ చేసే విధానం ఎంతో అద్భుతంగా ఉందని మహేంద్ర అన్నారు.
ఈ మొబైల్ మ్యారేజ్ హాల్ లో ఎన్నో ప్రత్యేకతలు ఉన్నాయి. కంటైనర్ తెరుచుకున్నపుడు ముప్పై అడుగుల వరకు విస్తరిస్తుంది.. కళ్యాణ వేదికను మనకు నచ్చిన విధంగా ముస్తాబు చేసుకోవచ్చు. ఇందులో అద్భుతమైన ఇంటీరియర్ డిజైన్ తో పాటు రెండు ఏసీలు కూడా ఉన్నాయి. అంతేకాదు భోజన వసతి తో పాటు ఇతర సౌకర్యాలు కూడా ఉన్నాయి. ఈ మొబైల్ మ్యారేజ్ హాల్ లో సుమారు రెండు వందల మందికి అతిథ్యం ఇవ్వవొచ్చు. కేవలం మ్యారేజ్ ఫంక్షన్ మాత్రమే కాకుండా ఇతర ఫంక్షన్లకు కూడా ఇది సౌలభ్యంగా ఉంటుంది. ఈ వీడియోపై మీ అభిప్రాయాలు కామెంట్స్ రూపంలో తెలియజేయండి.
I’d like to meet the person behind the conception and design of this product. So creative. And thoughtful. Not only provides a facility to remote areas but also is eco-friendly since it doesn’t take up permanent space in a population-dense country pic.twitter.com/dyqWaUR810
— anand mahindra (@anandmahindra) September 25, 2022
