కొందరిలో సంస్కారం అనేది లోపించి తోటి వ్యక్తులను అవమానిస్తుంటారు. చదువు వాళ్లకి సంస్కారం నేర్పకపోవడంతో అలా పశువులగా ప్రవర్తిస్తుంటారు. మరి..ముఖ్యంగా కొన్ని చోట్ల పనిచేసే వారైతే దారుణం. వారు చక్కగా తయారు అయి ఆఫీస్ కి వెళ్లినా.. అక్కడ చేసేది కూలీ పని అని మరచి.. ఎదుటి వారిని హేళనగా చూస్తుంటారు. ఇలా విమానాశ్రయాల్లో, విమానాల్లో మరికొన్నిచోట్ల పనిచేసే సిబ్బంది ప్రవర్తిస్తుంటారు. తాజాగా ఇండిగో విమానంలో ఓ తెలుగు మహిళను అవమానం జరిగింది. మూడు రోజుల క్రితం చోటు చేసుకున్న ఈ ఘటన ఆలస్యంగా వెలుగులోకి వచ్చింది. ఈ ఘటనపై తెలంగాణ మంత్రి కేటీఆర్ సీరియస్ అయ్యారు. అసలు విషయంలోకి వెళ్తే..
మూడ్రోజుల క్రితం ఓ మహిళ ఇండిగో విమానంలో విజయవాడ నుంచి హైదరాబాద్ కు ప్రయాణిస్తున్నారు. ఈ జర్నీ సమయంలో ఇండిగో సిబ్బంది సదరు మహిళకు హిందీ, ఇంగ్లీష్ రాదనే కారణంతో కూర్చున్న సీటు నుంచి వేరే సీటులోకి మార్చారు. వాస్తవంగా ఆమె సీటు 2ఏ(ఎక్స్ఎల్ సీటు, ఎగ్జిట్ రో)లో కూర్చోని ఉండగా.. విమానంలోని సిబ్బంది ఆమెను 3సీ సీట్లోకి మార్చేశారు. అహ్మదాబాద్‌కు చెందిన అసిస్టెంట్ ప్రొఫెసర్‌ దేవస్మిత ట్విట్టర్‌ ద్వారా ఇదే విషయాన్ని షేర్ చేశారు. ఇండిగో విమాన సర్వీసు సిబ్బంది తీరును ఆమె విమర్శించారు. ఎందుకింత వివక్ష అంటూ ప్రశ్నించారు.
Indigo 6E 7297. Vijayawada (AP) to Hyderabad (Telangana), Sept 16-2022. The woman in green originally sitting in 2A (XL seat, exit row) was forced to seat 3C because she understood only Telugu, not English/Hindi. The attendant said it’s a security issue. #discrimination @IndiGo6E pic.twitter.com/bHa8hQj5vz
— Devasmita Chakraverty, PhD, MPH (@DevasmitaTweets) September 17, 2022
విమానంలో తెలుగు ప్రయాణికురాలికి జరిగిన అవమానంపై తెలంగాణ మంత్రి కేటీఆర్ స్పందించారు. హిందీ, ఇంగ్లీష్ భాషలు మాట్లాడటం రానంత మాత్రాన వాళ్లను అవమానపరచడం సరికాదన్నారు. ప్రయాణికులను గౌరవించాలని సూచించారు. విమానాలు ప్రయాణించే రూట్స్ ఆధారంగా ప్రాంతీయ భాష మాట్లాడ గలిగే సిబ్బందిని నియమించుకోవాలని సూచించారు మంత్రి. ఇండిగో సిబ్బందిని ట్యాగ్ చేస్తూ కేటీర్ పోస్ట్ పెట్టారు. ఇప్పుడు ఈ వార్తే సోషల్ మీడియాలో తెగ వైరల్ అవుతోంది. దీంతో సదరు సిబ్బందిపై, సంస్థపై నెటిజన్లు తీవ్రస్థాయిలో మండిపడుతున్నారు.
Dear @IndiGo6E Management, I request you to start respecting local languages & passengers who may not be well conversant in English or Hindi
In regional routes, recruit more staff who can speak the local language like Telugu, Tamil, Kannada etc. This will be a win-win solution https://t.co/GbJGi5nl0W
— KTR (@KTRTRS) September 18, 2022
