Reels Contest: రీల్స్ చేసేవారికి తెలంగాణ సర్కారు బంపర్ ఆఫర్.. రూ.లక్ష గెలిచే ఛాన్స్!

ప్రస్తుత కాలంలో అందరూ మొబైల్స్​కు అడిక్ట్ అయిపోతున్నారు. చిన్నాపెద్ద అనే తేడాల్లేకుండా ప్రతి ఒక్కరూ ఫోన్లకు అతుక్కుపోతున్నారు. సోషల్ మీడియా యాప్స్​ను విరివిగా వాడుతున్నారు. యువత అయితే ఇన్​స్టాగ్రామ్ యాప్​లో రీల్స్ చూస్తూ గడిపేస్తున్నారు. రీల్స్ చూడటమే కాదు.. చేస్తూ ఫాలోవర్లను పెంచుకోవడంపై దృష్టి పెడుతున్నారు. ఈ రీల్స్ ద్వారా ఎంతో మంది ఫేమ్ సంపాదించారు కూడా. వీరి దెబ్బకు సెలబ్రిటీలు కూడా రీల్స్ చేయాల్సి వస్తోంది. ఫాలోవర్లను పెంచుకుంటే సినీ అవకాశాలు వచ్చే ఛాన్స్ ఉండటం, అలాగే ధనార్జనకు ఇదో మార్గంగా మారడంతో చాలామంది దీనిపై ఆసక్తి చూపిస్తున్నారు. ఈ నేపథ్యంలో రీల్స్ చేసేవారికి తెలంగాణ ప్రభుత్వం బంపర్ ఆఫర్ ఇచ్చింది. రాష్ట్ర రాజధాని హైదరాబాద్​ మీద రీల్స్ చేస్తే ఏకంగా రూ.1 లక్ష బహుమతిగా ఇస్తామని ప్రకటించింది.

ఈ మేరకు తెలంగాణ డిజిటల్ మీడియా వింగ్ తాజాగా ఓ ప్రకటనను రిలీజ్ చేసింది. ఈ పోటీకి సంబంధించిన వివరాలను పంచుకుంది. గడిచిన 9 ఏళ్లలో హైదరాబాద్​లో జరిగిన అభివృద్ధిపై 60 సెకన్ల వీడియో తీయాలని పేర్కొంది. దీన్ని సోషల్ మీడియాలో #HappeningHyderabad హ్యాష్​ట్యాగ్​తో @DigitalMediaTSతో ఫేస్​బుక్, ఇన్​స్టాగ్రామ్, ట్విట్టర్, యూట్యూబ్​లో అప్​లోడ్ చేయాలని, అలాగే షేర్ కూడా చేయాలని చెప్పింది. దీంతో పాటు dir_dm@telangana.gov.in ఈ-మెయిల్​కు కూడా షేర్ చేయాలి. ఈ కాంటెస్ట్ ఏప్రిల్ 30వ తేదీతో ముగుస్తుందని తెలంగాణ డిజిటల్ మీడియా వింగ్ తెలిపింది. ఇందులో గెలిచిన వారికి రూ.లక్ష విలువైన గిఫ్ట్స్ గెలుచుకోవచ్చు అని వివరించింది. మరిన్ని వివరాల కోసం http://it.telangana.gov.in/contest ను సందర్శించాలని చెప్పుకొచ్చింది.

Great with Reels? Love Hyderabad? Here’s something exciting for you!

Capture the charm and vividness of #HappeningHyderabad and share with us by tagging @DigitalMediaTS

Win cash prizes worth Rs 1,00,000/-

Entries close on April 30. For details visit https://t.co/8J20OoaI9v pic.twitter.com/oaL1KTlI0Y

— Telangana Digital Media Wing (@DigitalMediaTS) April 4, 2023