follow us:
సికింద్రాబాద్ లో సోమవారం రాత్రి ఘోర ప్రమాదం సంభవించిన సంగతి తెలిసిందే. ఓ లాడ్జీ లోకి మంటలు వ్యాపించి ఎనిమిది మంది మరణించారు. ఈ ఘటనలో మరో 10 మందికి గాయాలు అయ్యాయి. లాడ్జిలో బస చేస్తున్న వీరు అగ్నిప్రమాదం కారణంగా ఊపిరాడక మరణించారు. ముగ్గురు అక్కడికక్కడే ప్రాణాలు కోల్పోగా.. ఐదుగురు ఆస్పత్రిలో చికిత్స పొందుతూ మరణించారు. ఎలక్ట్రిక్ షోరూమ్ లో సంభవించిన అగ్నిప్రమాదం కారణంగానే వీరు మరణించారు. అయితే ఈ ఘటనపై ప్రధాని నరేంద్ర మోదీ, తెలంగాణ సీఎం కేసీర్ దిగ్భ్రాంతి వ్యక్తం చేశారు. మృతుల కుటుంబాలకు ఎక్స్ గ్రేషియా ప్రకటించారు.
సికింద్రబాద్ లోని లాడ్జీలో చోటుచేసుకున్న అగ్నిప్రమాద ఘటనపై ప్రధాని నరేంద్ర మోదీ, రాష్ట్రపతి శ్రీమతి ద్రౌపది ముర్మ దిగ్భ్రాంతి వ్యక్తం చేశారు. ఈ ప్రమాదం చాలా విచారకమన్నారు. ఇక ఈ ఘటనలో మరణించిన కుటుంబాలకు రూ.2 లక్షల ఎక్స్ గ్రేషియాను ప్రధాని మోదీ ప్రకటించారు. అలాగే ఘటనల గాయాలైన వారికి రూ.50 వేలు ప్రకటించారు. ఈ మేరకు ట్విట్టర్‌ వేదికగా ట్వీట్‌ చేశారు ప్రధాని మోడీ. తెలంగాణ సర్కార్ కూడా ఎక్స్ గ్రేషియాను ప్రకటించింది. మృతుల కుటుంబాలకు రూ.3 లక్షలు అందిస్తున్నట్లు ప్రకటించింది. తెలంగాణ హోం మంత్రి మహమూద్ అలీ ప్రమాదంపై ఆరా తీశారు. ఇక రూబీ లాడ్జి అగ్ని ప్రమాద ఘటనపై దర్యాప్తు ముమ్మరం చేశారు పోలీసులు.
గాయపడిన వారికి అపోలో, యశోద, గాంధీలో చికిత్స కొనసాగుతోంది. ప్రమాద సమయంలో మొత్తం 30 మంది అతిధుల తో పాటు ఎనిమిది మంది సిబ్బంది ఉన్నట్లు గుర్తించారు. క్షతగాత్రుల్లో బెంగళూరుకు చెందిన జయంత్ అనే వ్యక్తి పరిస్థితి విషమంగా మారడంతో సికింద్రాబాద్‌లోని అపోలో ఐసీయూలో చికిత్స పొందుతున్నారు. వైజాగ్‌కి చెందిన యోగిత మాదాపూర్ టీసీఎస్‌లో వర్క్ చేస్తున్నారు. తొమ్మిది మంది క్షతగాత్రుల్లో ఇద్దరు ఆంధ్రప్రదేశ్‌కు చెందినవారు కాగా ఒకరు హైదరాబాద్ వాసి. మరో వైపు ఘటనపై కేసు నమోదు చేసిన గోపాలపురం పోలీసులు.. రూబీ లాడ్జీ ఓనర్ రంజిస్ సింగ్ బగ్గా ను అదుపులోకి తీసుకుని విచారిస్తున్నారు.
Saddened by the loss of lives due to a fire in Secunderabad, Telangana. Condolences to the bereaved families. May the injured recover soon. Rs. 2 lakh from PMNRF would be paid to the next of kin of each deceased. Rs. 50,000 would be paid to the injured: PM @narendramodi
— PMO India (@PMOIndia) September 13, 2022
