follow us:
నిన్నటి వరకు చాట్ జీపీటీ వల్ల ఆ అనర్థం ఈ అనర్థం అని చెప్పుకొచ్చారు. అయితే ఇప్పుడు యూజర్లు ఎక్కువగా ఈ ఆర్టిఫీషియల్ ఇంటిలిజెన్స్ చాట్ బాట్ ని వాడటం మొదలు పెట్టిన తర్వాత చాలా వరకు అంతా పాజిటివ్ రివ్యూలే వస్తున్నాయి. చాట్ జీపీటీ తమకు ఎంతగానో సహాయం చేస్తోందంటూ చెప్పుకొస్తున్నారు.
చాట్ జీపీటీ.. ఈ ఆర్టిఫీషియల్ ఇంటిలిజెన్స్ ఓపెన్ ఏఐ చాట్ బాట్ గురించి ఎంత చెప్పుకున్నా తక్కువనే చెప్పాలి. ప్రస్తుతం టెక్ రంగాన్ని ఈ చాట్ బాట్ ఊపేస్తోంది. ఎక్కడ చూసినా ఈ చాట్ జీపీటీ గురించే చర్చ జరుగుతోంది. అయితే ఈ చాట్ జీపీటీ మీద విమర్శలు కూడా లేకపోలేదు. కానీ, ప్రయోజనాలే ఎక్కువగా ఉన్నాయని చెబుతున్నారు. ఇప్పటికే ఈ చాట్ జీపీటీ సాయంతో ఎంతోమంది కంటెంట్ క్రియేటర్లు కొత్త కొత్త ఆలోచనలతో ముందుకెళ్తున్నారు. చాలామందికి ఈ చాట్ బాట్ మంచి సలహాలు ఇస్తున్నట్లు చెబుతున్నారు. తాజాగా ఈ చాట్ జీపీటీ సాయంతో ఓ వ్యక్తికి ఏకంగా రూ.90 లక్షలు అందాయి. ఆ వివరాలు ఏంటో చూద్దాం.
చాట్ జీపీటీతో ఇప్పటికే చాలా మంది లబ్ధి పొందారు, పొందుతున్నారు. చాలామంది ఈ చాట్ జీపీటీ సాయంతో ఐడియాలు పొందడం, కంటెంట్ క్రియేట్ చేయించుకోవడం చేస్తున్నారు. వారి అవసరాలను బట్టి ఈ చాట్ జీపీటీని వాడుతున్నారు. అయితే ఓ వ్యక్తి మాత్రం చాలా తెలివిగా ఈ చాట్ జీపీటీని వాడాడు. దీని సాయంతో అతను ఇంక రావు అనుకున్న రూ.90 లక్షలను తిరిగి పొందాడు. అది కూడా ఒకే ఒక్క ఈమెయిల్ తో. అవును చాట్ జీపీటీ రాసిన కేవలం ఒక ఈమెయిల్ సాయంలో ఆ వ్యక్తికి రావాల్సిన రూ.90 లక్షలు వచ్చాయి. ఆ విషయాన్ని అతనే స్వయంగా ట్విట్టర్ వేదికగా పంచుకున్నాడు. ఇలా జరగడం నిజంగా అద్భుతం అంటూ అతను అభివర్ణించాడు.
గ్రెగ్ ఐసన్ బర్గ్ అనే వ్యక్తి చాట్ జీపీటీ తనకు ఏ విధంగా సహాయం చేసింది అనే విషయాన్ని వెల్లడించాడు. నిజానికి ఓ మల్టీ బిలియనీర్ కంపెనీ నుంచి అతనికి 1,09,500 డాలర్లు రావాల్సి ఉంది. వాళ్లు అతనికి ఆ డబ్బు చెల్లించేందుకు సుముఖంగా ఉన్నట్లు అనిపించలేదు. ఇంక న్యాయ పోరాటానికి దిగాల్సిందే అంటూ గ్రెగ్ కంపెనీ ప్రతినిధులు వెల్లడించారు. అందుకు చాలా ఖర్చు అవుతుంది. వాళ్లు ఒక పెద్ద లాయర్ ను హైర్ చేసుకోవాలి. ఆ కంపెనీకి నోటీసులు పంపాలి. ఇందతా ఎప్పుడు ఒక కొలిక్కి వస్తుందో కూడా తెలియని పరిస్థితి. అయితే గ్రెగ్ ఐసన్ బర్గ్ కు ఒక ఐడియా వచ్చింది. ఆ ఐడియా అతనికి రూ.లక్షల ఆదాయం తెచ్చిపెట్టింది.
ఆ ఐడియా ఏంటంటే.. పెద్ద లాయర్ ని కలిసే బదులు ఎందుకు చాట్ జీపీటీని సహాయం కోర కూడదు అనుకున్నాడు. అప్పుడు చాట్ జీపీటీకి “నువ్వొక ఫైనాన్స్ డిపార్ట్ మెంట్ లో పనిచేస్తున్నావు అనుకో. నువ్వు ఒక మొండి బకాయినీ వసూలు చేయాలి. అతను 5 నెలలుగా చెల్లింపులు చేయలేదు. అతడిని బెదిరిస్తూ నువ్వు ఒక ఈమెయిల్ రాయి” అంటూ చాట్ జీపీటీని కోరాడు. అందుకు చాట్ జీపీటీ ఒక ఈమెయిల్ రాసిచ్చింది. దానిలో కొన్ని మార్పులు చేసి డబ్బు ఇవ్వాల్సిన వారికి గ్రెగ్ మెయిల్ చేశాడు. కొన్ని నిమిషాల్లోనే గ్రెగ్ కి వారు సమాధానాం చెప్పారు. మీకు చెల్లింపులు చేస్తామని హామీ ఇచ్చారు. ఈ విషయాన్ని గ్రెగ్ ఐసన్ బర్గ్ ట్విట్టర్ ఖాతా ద్వారా వెల్లడించారు. ప్రస్తుతం ఈ వ్యవహారం తెగ వైరల్ అవుతోంది. గ్రెగ్ కి చాట్ జీపీటీ అందించిన సహాయంపై మీ అభిప్రాయాలను కామెంట్స్ రూపంలో తెలియజేయండి.
Imagine a multi-billion dollar client who refused to pay you for good work rendered. Most people would turn to lawyers
I turned to ChatGPT
Here's the story of how I recovered $109,500 without spending a dime on legal fees:
— GREG ISENBERG (@gregisenberg) February 24, 2023
