జొమాటో డెలివరీ బాయ్‌గా గోల్డ్‌ మెడల్‌ సాధించిన అథ్లెట్‌! కన్నీటి గాథ

క్రీడా రంగానికి చెందిన మట్టిలో మాణిక్యాలు తళుక్కున మెరిసి మళ్లీ మాయం అయిపోతున్నాయి. సరైన ఆర్థిక ప్రోత్సాహం లేక ఆటను వదిలి జీవనపోరాటంలో వేరే మార్గాల్లో సాగుతున్నారు. రాష్ట్రస్థాయిలో క్రీడల్లో గోల్డ్‌మెడల్‌ సాధించిన అథ్లెట్‌ ప్రస్తుతం ప్రముఖ ఫుడ్‌ డెలివరీ కంపెనీ జొమాటోలో డెలివరీ బాయ్‌గా పనిచేస్తున్నాడు. ఆ యువ అథ్లెట్‌కు సంబంధించిన వీడియోను జొమాటో కంపెనీ సోషల్‌ మీడియాలో పోస్టు చేసింది. ప్రస్తుతం ఈ వీడియో నెట్టింట వైరల్గా మారింది. అతని కథ ప్రతి ఒక్కరి మనసును కలిచివేస్తుంది. బీహార్‌లోని వైశాలి జిల్లాకు చెందిన ముఖేష్ కుమార్ అనే యువకుడు రెండో తరగతి చదువుతున్న రోజుల్లోనే అథ్లెటిక్స్‌లో 4 బంగారు పతకాలు సాధించాడు. ఆ పసివాడి తాపత్రయం బడిలో పాఠాలు చెప్పే ఉపాధ్యాయులను అమితంగా ఆకట్టుకుంది. భవిష్యత్తులో మరెన్నో శిఖరాలను అధిరోహించాలని ముఖేష్‌ను మరింతగా ప్రోత్సహించారు.

400 మీటర్ల అథ్లెట్‌గా రాష్ట్ర స్థాయి ఛాంపియన్‌షిప్‌లో గోల్డ్‌ మెడల్‌ సాధించాడు. ఆంధ్రప్రదేశ్‌లోని విశాఖపట్నం జిల్లాలో జరిగిన జాతీయ స్థాయి అథ్లెటిక్స్‌లో కూడా పాల్గొన్నాడు. ఐతే ఈ పోటీలో నాలుగో స్థానానికే పరిమితమైన ముఖేష్‌.. తీవ్ర మనస్తాపంతో డిప్రెషన్‌లోకి వెళ్లాడు. అథ్లెటిక్స్‌లో మళ్లీ గెలవలేనని భావన అతన్ని బాగా కుంగదీసింది. ఐతే విద్యా బుద్ధులతోపాటు, తనలోని ఆటగాడిని తట్టిలేపిన ఉపాధ్యాయులు ఈ క్లిష్ట సమయంలో మద్దతుగా నిలిచి తిరిగి మనిషిని చేశారని ముకేశ్ ఈ వీడియోలో తెలిపాడు. ఉపాధ్యాయుల సహాయంతో, తిరిగి పుంజుకున్న ఆత్మవిశ్వాసంతో, నూతన ఉత్సాహంతో శిక్షణ ప్రారంభించాడు. కోవిడ్ కల్లోల కాలంలోనూ అన్ని స్టేడియంలు మూతబడినప్పటికీ, వెనుదిరగకుండా గంగా నది ఒడ్డున ప్రాక్టీస్ చేసేవాడు. మానసికంగా బలం పుంజుకున్న తన కుటుంబ ఆర్థిక పరిస్థితి మరో సవాలు విసిరింది.ముఖేష్‌ తండ్రి ఓ పేద రైతు. తండ్రి సంపాదన తన కలలను నెరవేర్చుకోవడానికి సరిపోదని, డబ్బు సంపాదించడానికి తనకోమర్గం చూపమని స్నేహితుడిని అడగగా.. జొమాటోలో ఫుడ్‌ డెలివరీ బాయ్‌గా పనిచేసే ఐడియా ఇచ్చినట్లు పేర్కొన్నాడు. తన మొదటి సంపాదనతో చెల్లెలికి షూస్‌ కొన్నానని, ఆమె కూడా స్టేట్‌ లెవల్‌ ఛాంపియన్‌ అని తెలిపాడు. ఆమె ఇంకా.. ఇంకా.. సాధన చేసి జాతీయ, అంతర్జాతీయ స్థాయిల్లో బంగారు పతకాలు సాధించాలని, నాకు కూడా సాధించాలని ఉందని ఈ వీడియోలో ముఖేష్‌ చెప్పుకొచ్చాడు. తనకు ప్రభుత్వం చేయూత నిస్తే దేశం గర్వపడేలా గొప్ప ఆటగాడినవుతాననే ఆశాభావం వ్యక్తం చేశాడు ముఖేష్‌. ఈ పేదింటి ఆటగాడి ప్రతిభ ఏ హృదయాన్నైనా స్పందింపజేస్తుందనే ఆశతో జొమాటో ఈ వీడియోనూ యూట్యూబ్‌లో అప్‌లోడ్‌ చేసింది. మరి ముఖేష్‌ కన్నీటివ్యథపై మీ అభిప్రాయాలను కామెంట్ల రూపంలో తెలియజేయండి.

మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.