follow us:
టీమిండియా స్టార్ క్రికెటర్ విరాట్ కోహ్లీ ఫ్యాన్స్ తెగ సంతోషపడుతున్నారు. ఆసియాకప్ తో తిరిగి ఫామ్ లోకి రావడం ఓ కారణం. ఈ టోర్నీలో విరాట్ ఐదు మ్యాచులాడగా, మొత్తంగా 276 పరుగులు చేశాడు. ఇందులో రెండు హాఫ్ సెంచరీలు కూడా ఉండటం విశేషం. ఇకపోతే ఆసియాకప్ లో అద్భుతమైన బ్యాటింగ్ చేయడంతో కోహ్లీ.. ర్యాంకింగ్స్ రయ్ అని పైకి దూసుకొచ్చాడు. ఏకంగా 14 స్థానాలు ఎగబాకాడు. రోహిత్ పక్కకు వచ్చేశాడు. ప్రపంచ బ్యాటర్స్ ర్యాంకింగ్స్ లో 15వ స్థానానికి చేరుకున్నాడు. ఈ జాబితాను ఐసీసీ విడుదల చేసింది.
ఇంగ్లాండ్ పర్యటన తర్వాత దాదాపు నెలన్నర పాటు విశ్రాంతి తీసుకోవడం, అంతకు ముందు కొన్నాళ్లపాటు భారీ స్కోర్లు చేయకపోవడంతో కోహ్లీ ర్యాంకు.. ఏకంగా 29కి పడిపోయింది. ఆసియాకప్ లో ఫామ్ లోకి వచ్చిన విరాట్.. ర్యాంకుల వేటని మళ్లీ ఆరంభించాడు. అఫ్ఘాన్ జట్టుపై భారీ సెంచరీ చేయడం, అంతకు ముందు హాంకాంగ్, పాకిస్థాన్ పై హాఫ్ సెంచరీలు చేశాడు. టోర్నీలో రెండో టాప్ స్కోరర్ గా నిలిచాడు. దీంతో ర్యాంక్ మెరుగుపరుచుకుని 15కు చేరుకున్నాడు.
మిగిలిన వారిలో టీమిండియా నుంచి సూర్య కుమార్ యాదవ్ ఒక్కడే 755 పాయింట్లతో నాలుగో స్థానంలో కొనసాగుతున్నాడు. రోహిత్ శర్మ 14, ఇషాన్ కిషన్ 22, కేఎల్ రాహుల్ 23వ స్థానాల్లో ఉన్నారు. ఆసియాకప్ టాప్ స్కోరర్, పాక్ క్రికెటర్ మహ్మద్ రిజ్వాన్, ఈ ర్యాంకింగ్స్ లో అగ్రస్థానంలో కొనసాగుతున్నాడు. ఇక బౌలింగ్ విషయానికొస్తే పేసర్ భువనేశ్వర్ కుమార్.. ఓ ర్యాంక్ తగ్గి ఏడుకు పడిపోయడు. ఆల్ రౌండర్ల జాబితాలో హార్దిక్ పాండ్య.. 160 రేటింగ్ పాయింట్లతో ఏడో స్థానంలో ఉన్నాడు.
Big rewards for star performers from the #AsiaCup2022 in the latest update of the @MRFWorldwide ICC Men’s T20I Player Rankings 📈
Details ⬇️ https://t.co/B8UAn4Otze
— ICC (@ICC) September 14, 2022
ఇదీ చదవండి: కోహ్లీ ఖాతాలో అరుదైన రికార్డ్‌! ప్రపంచంలోనే ఏకైక క్రికెటర్
ఇదీ చదవండి: కింగ్‌ కోహ్లీ సెంచరీ చేస్తే రికార్డుల వర్షమే! 1 కాదు, 2 కాదు.. ఏకంగా 12 రికార్డులు
