follow us:
ICC ప్రతీ ఏడాది అత్యుత్తమైన ఆటగాళ్లను ఎంపిక చేసి ఓ జట్టును ప్రకటిస్తుంది. అయితే ఈ సంవత్సరం టీ20ల్లో అత్యుత్తమ ప్రదర్శన కనబర్చిన ఆటగాళ్ల జట్టును తాజాగా రిలీజ్ చేసింది అంతర్జాతీయ క్రికెట్ కౌన్సిల్(ఐసీసీ). ఇటు బ్యాటింగ్ తో పాటుగా బంతితో కూడా రాణించిన ఆల్ రౌండర్స్ ను జట్టులోకి ఎంపిక చేసింది. ఇక 2022 సంవత్సరానికి గాను టీమిండియా నుంచి ముగ్గురు ప్లేయర్లు టీ20 జట్టులో చోటు దక్కించుకున్నారు. ఈ జట్టులో భారత కెప్టెన్ రోహిత్ శర్మకు చోటు దక్కకపోవడం గమనార్హం. అయితే టీ20 టీమ్ లో ఐర్లాండ్ కు చెందిన ప్లేయర్ కూడా చోటు దక్కించుకోవడం విశేషం.
2022 సంవత్సరానికి గాను అంతర్జాతీయ టీ20ల్లో అత్యున్నత ప్రదర్శన కనబర్చిన ఆటగాళ్లను ఎంపిక చేసింది. ఇందులో టీమిండియా నుంచి ముగ్గురు ప్లేయర్స్ ఎంపికయ్యారు. 2022లో దారుణంగా విఫలం అయిన టీమిండియా సారథి రోహిత్ శర్మకు ఈ జట్టులో చోటుదక్కలేదు. ఈ జట్టులో ప్లేయర్స్ విషయానికి వస్తే.. 2022 టీ20 వరల్డ్ కప్ విజేత అయిన ఇంగ్లాండ్ సారథి కెప్టెన్ కమ్ వికెట్ కీపర్ గా ఎంపికయ్యాడు. పాక్ నుంచి మహ్మద్ రిజ్వాన్, టీమిండియా నుంచి విరాట్ కోహ్లీ, సూర్యకుమార్ యాదవ్ లు, ఆల్ రౌండర్ల జాబితాలో హార్దిక్ పాండ్యా జట్టులో చోటు దక్కించుకున్నాడు.
Presenting the ICC Men’s T20I Team of the Year 2022 🎉#ICCAwards | ✍: https://t.co/JkaUOcGZNR pic.twitter.com/mmi0k5mLzX
— ICC (@ICC) January 23, 2023
జట్టులో చోటు దక్కించుకున్న మిగతా ఆటగాళ్ల వివరాలు ఇలా ఉన్నాయి.. గ్లేన్ ఫిలిప్స్(న్యూజిలాండ్), సికిందర్ రజా(జింబాబ్వే), సామ్ కర్రన్(ఇంగ్లాండ్), వానిందు హసరంగా(శ్రీలంక), హారీస్ రౌఫ్(పాక్), జోష్ లిటిల్(ఐర్లాండ్). ఇక జట్టులో చోటు దక్కించుకున్న విరాట్ 2022 ఆసియా కప్ తో పాటుగా టీ20 వరల్డ్ కప్ లో కూడా పరుగుల వరద పారించిన విషయం తెలిసిందే. ఆసియా కప్ లో 5 మ్యాచ్ ల్లో 276 పరుగులు చేయగా, టీ20 వరల్డ్ కప్ లో 296 రన్స్ చేసి అత్యధిక పరుగులు చేసిన ఆటగాడిగా నిలిచాడు. ఇక 2022 టీ20 మ్యాచ్ అనగానే మనకు గుర్తుకు వచ్చేది సూర్యకుమార్ యాదవే.
The ICC Men’s T20I Team of the Year 2022 is here 👀
Is your favourite player in the XI? #ICCAwards
— ICC (@ICC) January 23, 2023
2022 సంవత్సరాన్ని సూర్య నామ సంవత్సరంగా పిలుచుకోవచ్చు. 2022లో 1164 రన్స్ చేసి అత్యధిక పరుగులు చేసిన బ్యాటర్ గా సూర్య రికార్డు నెలకొల్పాడు. అదీకాక టీ20ల్లో నెంబర్ వన్ ర్యాంకర్ గా అవతరించాడు సూర్య భాయ్. ఇక ఆల్ రౌండర్ హార్దిక్ పాండ్యా బ్యాట్ తో పాటు బంతితో కూడా మంచి ప్రదర్శన కనబర్చాడు. 2022 టీ20ల్లో 607 పరుగులు చేయడంతో పాటుగా 20 వికెట్లు కూడా పడగొట్టాడు. మరి టీమిండియా నుంచి టీ20 జట్టులో ముగ్గురు ప్లేయర్స్ చోటు దక్కించుకోవడంపై మీ అభిప్రాయాలను కామెంట్స్ రూపంలో తెలియజేయండి.
