follow us:
‘విరాట్ కోహ్లీ‘.. క్రికెట్ ప్రపంచానికి తానో ఐకాన్. రెండు దశాబ్దాలుగా క్రికెట్ ప్రపంచాన్ని శాసిస్తున్న పోరాటయోధుడు. సెంచరీలు చేయడంలో విఫలమైనా.. పరుగులు రాబట్టడంలో కోహ్లీ ఏనాడూ వెనకకపడ్డది లేదు. ఈ విషయాన్ని కుండల బద్దలు కొట్టి మరీ చెప్పాడు.. ఆస్ట్రేలియా దిగ్గజ పేసర్ బ్రెట్ లీ. “కోహ్లీ లాంటి ఆటగాడు తరానికి ఒక్కడే పుడుతారని, అతనికి తాను వీరాభిమానినని తెలిపాడు”. లెజెండ్స్ క్రికెట్ లీగ్ రెండో సీజన్ ఆడేందుకు భారత్‌కు వచ్చిన బ్రెట్ లీ.. మీడియాతో ఎన్నో ఆసక్తికర విషయాలు పంచుకున్నాడు.
తన ఆటతీరుతో లెజెండరీ క్రికెటర్లనే తన అభిమానులుగా మార్చుకున్న విరాట్ కోహ్లీ గురుంచి ప్రత్యేకంగా చెప్పక్కర్లేదు. తనో పరుగుల యంత్రం అంతే. గతకొంత కాలంగా పేలవ ఫామ్ తో సతమతమైన కోహ్లీ, ఆసియా కప్ లో తిరిగి పుంజుకున్నాడు. ఒక సెంచరీ, రెండు అర్ధ సెంచరీలతో విమర్శకులకు గట్టిగానే సమాధానమిచ్చాడు. ఇప్పుడు టీమిండియాకు టీ20 ప్రపంచ కప్ సాధించి పెట్టడమే లక్ష్యంగా సమాయత్తమవుతున్నాడు. ఈ తరుణంలో టీమిండియా మాజీ సారధిపై, ఆస్ట్రేలియా దిగ్గజ పేసర్ బ్రెట్ లీ పొగడ్తల వర్షం కురిపించాడు.
When @BrettLee_58 says it, it’s etched in stone! 😍
Drop a 💙if @imVkohli makes you #BelieveInBlue for the clash of the World’s no. 1 #T20I team vs the World champs!
MasterCard #INDvAUS | Starts Sep 20 | Star Sports & Disney+Hotstar pic.twitter.com/xhFv5GdZKT
— Star Sports (@StarSportsIndia) September 18, 2022
‘ప్రతి ఒక్కరూ విరాట్ కోహ్లీని గమినిస్తూ ఉంటారు. నేనూ అందులో ఒకడిని. కోహ్లీ గురించి ఎవరు ఏమేం చెప్పినా వింటా! కోహ్లీ అది అని, కోహ్లీ ఇది అని.. ఎవేవో అంటుంటారు.ఎవరేం చెప్పినా.. ప్రస్తుత ప్రపంచంలో కోహ్లీ బెస్ట్ క్రికెటర్. అంతేకాదు.. కోహ్లీ వరల్డ్ బెస్ట్ అథ్లెట్ కూడా. అతని ఫిట్‌నెస్ చూడండి. ఇన్ని ఏళ్లుగా ఎలాంటి పర్ఫామెన్స్ ఇస్తున్నాడో చూడండి. అతని గణాంకాలు గమనించండి. నిజానికి అతని ఫిట్‌నెస్ చూస్తేనే అతను ఎంత గొప్ప అథ్లెటో అనే విషయం అర్థమవుతుంది”.
Former Australian speedster Brett Lee lauds Virat Kohli and also calls him one of the best cricketers ever on Earth.#CricTracker #Australia #ViratKohli #BrettLee pic.twitter.com/4B2apFHV8V
— CricTracker (@Cricketracker) September 16, 2022
‘ఎంతటి రన్ మెషిన్ అయినా.. ప్రతి మ్యాచ్ లో కోహ్లీ వందకొట్టాలని ఆశించడం అత్యాశే అవుతుంది. ఇది అతనిపై మరింత ఒత్తిడి పెంచుతుంది. 1020 రోజుల పాటు కోహ్లి సెంచరీ చేయలేకపోవడానికి ఇదే కారణం. 130 కోట్ల మంది భర్తహీయులతో పాటు ప్రపంచవ్యాప్తంగా ఉన్న అతని అభిమానులు, కోహ్లీ ఆడిన ప్రతీ సారీ సెంచరీ చేయాలని కోరుకుంటారు. ఇంత ఒత్తిడిని తట్టుకుంటూ పర్ఫామెన్స్ ఇవ్వడం అంటే మామూలు విషయం కాదు. అది అందరూ గుర్తుపెట్టుకోవాలి. కోహ్లీ లాంటి ప్లేయర్లు తరానికి ఒక్కడే పుడతారు. అతను మరిన్ని రోజులు క్రికెట్ ప్రపంచాన్ని శాసిస్తాడు. అందులో ఎలాంటి సందేహం లేదు” అని బ్రెట్ లీ తెలిపాడు. బ్రెట్ లీ వ్యాఖ్యలపై, మీ అభిప్రాయాలను కామెంట్ల రూపంలో తెలియజేయండి.
