రోహిత్‌ని పొగుడుతూనే ఆగ్రహం వ్యక్తం చేస్తున్న ఫ్యాన్స్‌.. ముందే ఎందుకు రాలేదు?

టీమిండియానే కాదు.. టీమిండియా క్రికెట్‌ ఫ్యాన్స్‌ మొత్తం ఇప్పుడు ఫుల్‌ డిప్రెషన్‌లోకి వెళ్లిపోయారు. చేతులు దాకా వచ్చిన మ్యాచ్‌ చేజారిపోవడంతో అంతా తీవ్ర నిరాశలో ఉన్నారు. తొలి వన్డేలో ఓడిపోతే ఇంకో రెండు ఉన్నాయిగా అని ధీమాగా ఉన్న ఫ్యాన్స్‌.. ఈ మ్యాచ్‌తో సిరీస్‌ కోల్పోవడంతో తీవ్ర ఆగ్రహం వ్యక్తం చేస్తున్నారు. అదే పేలవ ప్రదర్శనను కొనసాగించారంటూ నిప్పులు చెరుగుతున్నారు. బౌలర్లు మరీ తేలిపోవడాన్ని తప్పుబడుతున్నారు. అసలు టీమిండియాలో ఒక్క డెత్‌ ఓవర్‌ స్పెషలిస్ట్‌ అయినా ఉన్నాడా? అంటూ సూటి ప్రశ్నలు సంధిస్తున్నారు. ఇప్పుడు ఆ ఆగ్రహ సెగలు అటు కెప్టెన్‌ రోహిత్‌ శర్మకు కూడా తగులుతున్నాయి. అంతా బాగా బ్యాటింగ్‌ చేసినా కూడా ఫ్యాన్స్‌ వదలట్లేదు.

ఈ మ్యాచ్‌లో రోహిత్‌ శర్మ పోరాటానికి సర్వత్రా ప్రశంసలు లభిస్తున్నాయి. తొలి ఇన్నింగ్స్‌ రెండో ఓవర్లో సిరాజ్‌ వేసిన బంతి హుక్‌ బ్యాట్‌ ఎడ్జ్‌ తీసుకుంది. స్లిప్‌లో ఉన్న రోహిత్‌ శర్మ క్యాచ్‌ తీసుకునేందుకు ప్రయత్నించాడు. అయితే ఆ క్రమంలో అతని వేలుకు గాయం అయ్యింది. రోహిత్ వెంటనే మైదానం నుంచి బయటకు వెళ్లిపోయాడు. తర్వాత అతడిని ఎక్స్‌ రే తీయించేందుకు ఆస్పత్రికి కూడా తరలించారన్నారు. ఇంక రోహిత్ శర్మ మ్యాచ్‌ నుంచి తప్పుకున్నాడని అందరికీ అర్థమైపోయింది. ఇలాంటి కీలక మ్యాచ్‌లో రోహిత్‌ శర్మ లేకపోవడంతో అందరూ నిరాశ చెందారు. అసలే పెద్ద టార్గెట్‌ ఉంది.. అంతా ఔట్‌ అవుతున్నారంటూ నీరుగారిపోయారు.

Gets hit

Comes back for the team

Walks in at No.9 in a run-chase

Scores 51*(28) to get us close to the target

Take a bow captain! 🙌 🙌#TeamIndia | #BANvIND | @ImRo45 pic.twitter.com/v47ykcbMce

— BCCI (@BCCI) December 7, 2022

అలాంటి సమయంలో రోహిత్‌ శర్మ మైదానంలోకి అడుగుపెట్టాడు. రోహిత్‌ని బంగ్లాదేశ్‌ బౌలర్లుకూడా తక్కువ అంచనావేసినట్లే కనిపించారు. గాయపడ్డ సింహం నుంచి వచ్చే శ్వాస గర్జన కంటే భయంకరంగా ఉంటుంది అనే.. కేజీఎఫ్‌ డైలాగ్‌ మాదిరిగా వచ్చిన కాసేపటికే బంగ్లా బౌలర్లకు చెమటలు పట్టించాడు. ప్రతి ఓవర్లో సిక్సులు, ఫోర్లతో విజృంభించాడు. ఏ బౌలర్‌ని కూడా వదల్లేదు. రోహిత్‌ ఊచకోతకు బంగ్లా బౌలర్లు వణికిపోయారు. రోహిత్‌ కేవలం 28 బంతుల్లోనే 5 సిక్సులు, 3 ఫోర్ల సాయంతో 51 పరుగులు చేసి అజేయంగా నిలిచాడు. మైదానంలో వీర విహారం చేశారు. ఒకానొక సమయంలో రోహిత్‌ బాల్‌ వేయడానికి బంగ్లా బౌలర్లు భయపడ్డారు. కానీ, రోహిత్‌ శర్మ వీరోచిత పోరాటం వృథా పోవడంతో అందరూ ఆగ్రహం వ్యక్తం చేస్తున్నారు.

Opener on most days but a fighter when his country needs him the most.

Well done, Rohit Sharma. 🇮🇳 pic.twitter.com/8G4PfwLgiy

— Rajasthan Royals (@rajasthanroyals) December 7, 2022

ఇంత అద్భుతంగా బ్యాటింగ్‌ చేసిన రోహిత్ శర్మ 7 వికెట్లు పడే వరకు ఎందుకు ఆగాడంటూ ప్రశ్నిస్తున్నారు. రోహిత్‌ శర్మ ఒక్క వికెట్‌ ముందు వచ్చినా కూడా ఈరోజు మ్యాచ్‌ గెలిచే వాళ్లం. సిరీస్‌ మీద ఆశలు కూడా సజీవంగా ఉండేవంటూ అసహనం వ్యక్తం చేస్తున్నారు. చేతికి గాయం అయినందున రోహిత్‌ శర్మ మ్యాచ్‌ నుంచి తప్పుకున్నాడనే భావించాం. మళ్లీ వచ్చి కచ్చితంగా ఓడిపోతామనుకున్న మ్యాచ్‌ మీద ఆశలు రేకెత్తించి చివర్లో ఇలా చేస్తావా అంటూ పెదవి విరుస్తున్నారు. మరోవైపు సిరాజ్‌ 12 బంతుల్లో 2 పరుగులు చేశాడు. ఒక ఓవర్ మొత్తం సింగిల్‌ కూడా తీయలేకపోయాడు. ఈ మ్యాచ్‌లో శ్రేయాస్‌ అయ్యర్‌(82), అక్షర్‌ పటేల్‌(56), రోహిత్‌ శర్మ(51*) మినహా మరెవరూ రాణించలేదు.

Massive Respect Hitman @ImRo45 What a fight 🙏🙏💞💞#RohitSharma #IndvBan pic.twitter.com/2a790Ar6qF

— Rahul Sisodia (@Sisodia19Rahul) December 7, 2022