పాపం.. పాకిస్థాన్‌! రూల్స్‌ తెలియకుండా సబ్‌స్టిట్యూడ్‌ ఫీల్డర్‌ను కెప్టెన్‌ చేసి..

రూల్స్‌ విషయంలో మరోసారి పాకిస్థాన్‌ జట్టు నవ్వుల పాలైంది. ప్రపంచంలోని చాలా జట్లలా మంచి టాలెంటెడ్‌ ప్లేయర్లు ఉన్న పాక్‌ జట్టు.. ఐసీసీ రూల్స్‌ విషయంలో మాత్రం చాలా వీక్‌. మరోసారి వారి అజ్ఞానం బయటపడింది. ఇంగ్లండ్‌తో మూడు టెస్టుల సిరీస్‌లో వైట్‌ వాష్‌కు గురైన తర్వాత.. న్యూజిలాండ్‌తో స్వదేశంలోనే టెస్టు సిరీస్‌ ఆడుతున్న పాకిస్థాన్‌, తొలి టెస్టులో తొలుత బ్యాటింగ్‌ చేసి 438 పరుగులు చేసింది. కెప్టెన్‌ బాబర్‌ అజమ్‌, అఘా సల్మాన్‌ సెంచరీలు సాధించడంతో పాక్‌ మంచి స్కోరే చేసింది. అయితే.. న్యూజలాండ్‌ వారికంటే చాలా గట్టిగా బదులిస్తోంది. పాక్‌ బౌలర్లను సమర్థవంతంగా ఎదుర్కొంటున్న కివీస్‌ బ్యాటర్లు.. కేవలం 4 వికెట్లు కోల్పోయి ఇప్పటికే 416 పరుగులు బాదేశారు.

అయితే.. ఆరోగ్యం సరిగ్గా లేకపోవడంతో పాక్‌ కెప్టెన్‌ బాబర్‌ అజమ్‌ మూడో రోజు ఫీల్డింగ్‌కు రాలేదు. అతని స్థానంలో మొహమ్మద్‌ రిజ్వాన్‌ సబ్‌స్టిట్యూడ్‌గా ఫీల్డ్‌లోకి వచ్చాడు. బాబర్‌ లేకపోవడంతో కెప్టెన్‌గా సైతం అతనే వ్యవహరించాడు. ఈ క్రమంలో డెవాన్‌ కాన్వె ఎల్బీడబ్ల్యూ కోసం రిజ్వాన్‌ డీఆర్‌ఎస్‌ కోరగా.. ఫీల్డ్‌ అంపైర్‌ తిర్కసరించాడు. నువ్వు కెప్టెన్‌వి ఎలా అవుతావు.. నువ్వు కేవలం ఒక సబ్‌స్టిట్యూడ్‌ ఫీల్డర్‌ మాత్రమే.. నీకు కెప్టెన్సీ చేసే రూల్‌ లేదు అంటూ.. గాలి తీసేశాడు. దీంతో.. మరో సీనియర్‌ ప్లేయర్‌ సర్ఫారాజ్‌ ఖాన్‌.. రిజ్వాన్‌తో సంప్రదించకుండానే డీఆర్‌ఎస్‌ కోసం అప్పీల్‌ చేశాడు. సర్ఫారాజ్‌ అప్పీల్‌ను స్వీకరించిన అంపైర్‌.. థర్డ్‌ అంపైర్‌కు రిఫర్‌ చేశాడు.

ఇలా.. సబ్‌స్టిట్యూడ్‌ ఫ్లీడర్‌ కెప్టెన్సీ చేయకూడదనే విషయం తెలియకుండా.. మరోసారి తమ అజ్ఙానం బయటపెట్టుకుంది పాకిస్థాన్‌. ఎంసీసీ రూల్ 24.1.2 ప్రకారం సబ్‌స్టిట్యూట్ ప్లేయర్ మైదానంలో అధికారిక కెప్టెన్‌గా వ్యవహరించలేడు. అయితే.. న్యూజిలాండ్‌తో తొలి టెస్టుకు తుది జట్టులో వైస్‌ కెప్టెన్‌గా ఉన్న రిజ్వాన్‌ను పక్కన పెట్టిన పాక్‌ మేనేజ్‌మెంట్‌.. వైస్‌ కెప్టెన్‌ను ప్రకటించలేదు. అనూహ్యంగా బాబర్‌ బరిలోకి దిగకపోవడంతో కెప్టెన్‌గా ఎవరు వ్యవహరించాలనే విషయం క్లారిటీ లేకుండా.. సబ్‌స్టిట్యూడ్‌గా వచ్చిన రిజ్వాన్‌.. రెగ్యులర్‌ వైస్‌ కెప్టెన్‌ కాబట్టి.. తానే కెప్టెన్‌గా ఫీలైపోయాడు. అంపైర్‌ గాలి తీసేసిన తర్వాత.. సర్ఫారాజ్‌ ఖాన్‌ కెప్టెన్‌గా పాక్‌ను నడిపిస్తున్నాడు. మరి ఈ విషయంలో మీ అభిప్రాయాలను కామెంట్ల రూపంలో తెలియజేయండి.

News Alert

Pakistan team management doesn’t aware of the ICC rules they sent substitute Rizwan to captain the side but according to the rules a substitute fielder cannot captain the side

Sarfraz is now captaining the side in the absence of Babar pic.twitter.com/lny9ztTpee

— ٰImran Siddique (@imransiddique89) December 28, 2022