Sikandar Raza: జింబాబ్వే బ్యాటర్‌ సికందర్‌ రజాను రౌండప్‌ చేసిన భారత ఆటగాళ్లు!

జింబాబ్వేతో సోమవారం జరిగిన చివరి వన్డేలో టీమిండియా విజయం సాధించింది. ఈ విజయంతో మూడు వన్డేల సిరీస్‌ను 3-0తో క్లీన్‌స్వీప్‌ చేసింది. కాగా.. తొలి రెండు వన్డేల్లో సునాయాసంగానే లొంగిన జింబాబ్వే.. చివరి వన్డేలో మాత్రం భారత్‌కు గట్టిపోటీ ఇచ్చింది. ముఖ్యంగా సికందర్‌ రజా సెంచరీతో చెలరేగి భారత్‌ను ఓటమి కోరల్లోకి నెట్టాడు. కానీ.. జింబాబ్వేకు విజయాన్ని అందించలేకపోయాడు. సెంచరీతో అదరగొట్టిన శుబ్‌మన్‌ గిల్‌ అద్భుతమైన డైవ్‌క్యాచ్‌తో సికందర్‌ రజాను పెవిలియన్‌ పంపడంతో జింబాబ్వే పోరాటం ముగిసింది. దీంతో 13 పరుగుల తేడాతో భారత్‌ విజయం సాధించింది.

కాగా.. మ్యాచ్‌ అనంతరం సికందర్‌ రజాను టీమిండియా ఆటగాళ్లు ఇషాన్‌ కిషన్‌, కుల్దీప్‌ యాదవ్‌, శుబ్‌మన్‌ గిల్‌ రౌండప్‌ చేశారు. గొడవ పెట్టుకుని రౌండప్‌ చేశారేమో అని అనుకుంటున్నారా? కాదులేండి.. అతన్ని అభినందించడానికి రజాను చుట్టుముట్టారు. భారత్‌తో పోల్చుకుంటే ఆట పరంగా జింబాబ్వే చాలా చిన్న టీమ్‌. అలాంటి జట్టు చివరి వన్డేలో భారత్‌ను ఓడించేంత పని చేసింది. ఆ జట్టు సీనియర్‌ ప్లేయర్‌ సికందర్‌ రజా.. 95 బంతుల్లో 9 ఫోర్లు, 3 సిక్సులతో 115 పరుగులు చేసి.. భారత్‌ను వణికించాడు. కానీ.. విజయానికి 15 పరుగుల దూరంలో అవుట్‌ అయ్యాడు. దీంతో 290 పరుగుల భారీ లక్ష్యాన్ని ఛేదించే క్రమంలో జింబాబ్వే కేవలం 13 పరుగుల తేడాతో ఓడింది. భారత్‌ ఊపిరి పీల్చుకుంది.

ఈ మ్యాచ్‌లో టీమిండియా విజయం సాధించినప్పుటికీ జింబాబ్వే పోరాటానికి ఎక్కువ మార్కులు పడ్డాయి. సికందర్‌ రజాపై కూడా ప్రశంసల వర్షం కురిసింది. ఇక మ్యాచ్‌లో రజా ఇన్నింగ్స్‌ ఎంత ఇంపార్టెంటో తెలిసిన ఇషాన్‌ కిషన్‌, కుల్దీప్‌, శుబ్‌మన్‌ గిల్‌ అతన్ని అభినందించకుండా ఉండలేకపోయారు. అతను అవుటై పెవిలియన్‌కు వెళ్తున్న సమయంలో పరుగు పరుగున అతని వద్దకు వెళ్లి మరీ.. ఈ ముగ్గురు రజాను అభినందించారు. కాగా.. రజాను ఇషాన్‌ కిషన్‌, కుల్దీప్‌ యాదవ్‌ చుట్టుముట్టేసి అభినందిస్తున్న వీడియో ప్రస్తుతం సోషల్‌ మీడియాలో వైలర్‌గా మారింది. మరి ఈ విషయంలో మీ అభిప్రాయాలను కామెంట్ల రూపంలో తెలియజేయండి.

First with the bat and then with a diving catch, this man won our hearts more than once today 😍

How good was this effort from @ShubmanGill to dismiss the dangerous Sikandar Raza? 🤩💯#ShubmanGill #ZIMvIND #TeamIndia #SirfSonyPeDikhega pic.twitter.com/u5snCqECBw

— Sony Sports Network (@SonySportsNetwk) August 22, 2022

ఇది కూడా చదవండి: ఈ సారికి వదిలేస్తున్న..! జింబాబ్వే బ్యాటర్‌కు దీపక్‌ చాహర్‌ స్వీట్‌ వార్నింగ్‌!