follow us:
ఇంగ్లాండ్-పాకిస్థాన్ మధ్య 7 మ్యాచ్ ల టీ20 సిరీస్ నువ్వా.. నేనా.. అన్నట్లు సాగుతోంది. ఇప్పటికే ఇరు జట్లు సిరీస్ లో 3-3తో సమంగా నిలిచాయి. ఇక చివరి మ్యాచ్ ఆదివారం జరగనుంది. అయితే 6వ టీ20లో 8 వికెట్ల తేడాతో ఇంగ్లాండ్ పాక్ ను మట్టికరిపించిన సంగతి మనకు తెలిసిందే. ఇక మ్యాచ్ అనంతరం మీడియా సమావేశాలు జరగడం సంప్రదాయం. దానిలో భాగంగానే పాక్ జట్టు కూడా విలేకరుల సమావేశంలో పాల్గొంది. సాధారణంగా ఇలాంటి సమావేశాలకు కెప్టెన్ లేదా వైస్ కెప్టెన్ లు వస్తారు. కానీ ఇక్కడ పాక్ బౌలింగ్ కోచ్ షాన్ టైట్ వచ్చాడు. రావడమే కాకుండా” వారు ఘోరంగా ఓడిపోయినప్పుడే నన్ను పంపిస్తారు” అంటూ.. సంచలన వ్యాఖ్యలు చేశాడు. ఈ వార్తకు సంబంధించి మరిన్ని వివరాల్లోకి వెళితే..
పాక్-ఇంగ్లాండ్ మధ్య 6 వ టీ20 మ్యాచ్ శుక్రవారం జరిగింది. ఈ మ్యాచ్ లో పాకిస్థాన్ జట్టు 8 వికెట్ల తేడాతో పరాజయం పాలైంది. ఈ మ్యాచ్ లో ఇంగ్లాండ్ బ్యాటర్ ఫిలిప్ సాల్ట్ పాక్ బౌలర్లను ఊచకోత కోస్తూ.. 88 పరుగులు చేశాడు. ఇక ఈ మ్యాచ్ అనంతరం జరిగిన సంఘటన పాక్ క్రికెట్ బోర్డును ఇరకాటంలో పెట్టింది. అదేంటంటే? సాధారణంగా మ్యాచ్ అనంతరం జరిగే ప్రెస్ మీట్ లో కెప్టెన్ లు తమ ఓటమికి లేదా గెలుపునకు గల కారణాలను వెళ్లడిస్తారు. ఈ క్రమంలోనే పాకిస్థాన్ బౌలింగ్ కోచ్ షాన్ టైట్ ప్రెస్ మీట్ కు వచ్చాడు. వచ్చీ రావడంతోనే “మ్యాచ్ ఓడిపోతే వారు నన్ను పంపిస్తారు” అని వ్యంగ్యంగా అన్నాడు. దాంతో పక్కనే ఉన్న కో-ఆర్డినేటర్ వచ్చి మైక్ ఆఫ్ చేసి మీరు సరిగానే ఉన్నారా? అంటూ అడిగాడు.
అదీ కాక సమావేశాన్ని త్వరగా ముగించాలి అని చెప్పి.. మైక్ ఆన్ చేసి పక్కకు వెళ్లాడు. అప్పుడు షాన్ టైట్ ఫేస్ లో బాధ స్పష్టంగా కనిపించింది. అనంతరం షాన్ టైట్ విలేకర్లు అడిన ప్రశ్నలకు సమాధానం చెప్పాడు. ప్రస్తుతం ఈ వీడియో నెట్టింట వైరల్ గా మారడంతో పాక్ క్రికెట్ బోర్డు పై సర్వత్రా విమర్శలు వెళ్లువెత్తుతున్నాయి. ఓ బౌలింగ్ కోచ్ కు ఇచ్చే గౌరవం ఇదేనా అంటూ నెటిజన్స్ మండిపడుతున్నారు. అసలైతే మ్యాచ్ తర్వాత ప్రెస్ మీట్ కు జట్టు కెప్టెన్ వస్తారు. కానీ ఈ ఓటమితో కెప్టెన్, కోచ్ లు మీడియాను ఫేస్ చేయడానికి అంత సహసం చేయలేదు. దాంతో బౌలింగ్ కోచ్ రావాల్సి వచ్చింది. షాన్ టైట్ మాటలు గొడవలకు దారి తీస్తాయనే కో-ఆర్డినేటర్ మైక్ ఆఫ్ చేశాడని బోర్డు సమాధానం ఇచ్చింది.
Pakistan bowling coach Shaun Tait speaks to the media after the sixth T20I#PAKvENG | #UKSePK https://t.co/bS03Yp0WJf
— Pakistan Cricket (@TheRealPCB) September 30, 2022
