follow us:
సచిన్.. భారతదేశానికి క్రికెట్ ఒక మతం అయితే.. ఆ మతానికి ఏకైక దేవుడు సచిన్ టెండుల్కరే. టీమిండియాలో ఎంతో మంది ఆటగాళ్లు ఉన్నప్పటికీ సచిన్ కు ఉన్న క్రేజే వేరు. అప్పట్లో సచిన్ గ్రౌండ్ లోకి అడుగు పెడుతున్నాడు అంటే చాలు.. సచిన్.. సచిన్.. అన్న హోరు సముద్రపు అలల హోరు కంటే ఎక్కువగా వినిపించేది. అయితే సచిన్ రిటర్మైంట్ ప్రకటించి చాలా కాలమే అయినప్పటికీ అతడిలో మాత్రం ఆ కళాత్మకమైన క్లాస్ ఆట ఏమాత్రం తగ్గలేదు. భారత్ వేదికగా జరుగుతున్న రోడ్ సేఫ్టీ వరల్డ్ సిరీస్ లో భాగంగా తాజాగా న్యూజిలాండ్ తో మ్యాచ్ జరగాల్సి ఉండగా వర్షం కారణంగా కేవలం 5.5 ఓవర్లే మ్యాచ్ జరిగింది. మ్యాచ్ జరిగింది 5.5 ఓవర్లే అయినప్పటికీ ఈ గేమ్ లో సచిన్ కళాత్మక ఆటకు ఫ్యాన్స్ మాత్రం ఫిదా అయ్యారు. ఈ వార్తకు సంబంధించి మరిన్ని వివరాల్లోకి వెళితే..
రోడ్ సేఫ్టీ వరల్డ్ సిరీస్ 2022లో భాగంగా 12వ మ్యాచ్ ఇండియా లెజెండ్స్-న్యూజిలాండ్ లెజెండ్స్ మధ్య ఇండోర్ వేదికగా హోల్కర్ స్టేడియాంలో జరిగింది. టాస్ గెలిచిన న్యూజిలాండ్ లెజెండ్స్ ముందుగా బౌలింగ్ ఎంచుకుంది. దాంతో బ్యాటింగ్ కు దిగిన టీమిండియా మెుదటి నుంచే ఎదురుదాడికి దిగింది. సచిన్ తో ఓపెనర్ గా జతకట్టిన నమన్ ఓజా కివీస్ బౌలర్లపై ఎదురుదాడికి దిగాడు. ఓజా 15 బంతుల్లో 2 ఫోర్లు 1 సిక్స్ తో 18 పరుగులు చేసి షేన్ బాండ్ బౌలింగ్ లో అవుటయ్యాడు. అప్పటికే భారత్ స్కోర్ 3.5 ఓవర్లకు 32/1. మరో ఎండ్ లో సచిన్ కూడా నేటి కుర్రాళ్లకు ఏమాత్రం తీసిపోకుండా 13 బంతుల్లో 4 ఫోర్లతో 19 పరుగులు చేశాడు. రైనా (9)రన్స్ తో క్రిజ్ లో ఉండగా 5.5 ఓవర్ల దగ్గర వర్షం రావడంతో ఆటను నిలిపి వేశారు. వర్షం ఎంతకీ తగ్గక పోవడంతో ఆటను రద్దు చేస్తున్నట్లు అంపైర్లు ప్రకటించారు. అప్పటికి భారత లెజెండ్స్ స్కోరు 5.5 ఓవర్లకు 49/1 తో నిలిచింది.
అదేంటి సచిన్ కొట్టింది కేవలం 19 పరుగులే కదా? మీరేంటి సచిన్ క్లాస్ బ్యాటింగ్ అంటున్నారు అనుకుంటున్నారా! “అన్నం ఉడికిందా లేదా.. అని అన్ని మెతుకులు పట్టుకుని చూడాలా! ఒక్క మెతుకు పట్టుకుంటే తెలిదూ” అన్నట్లుగానే.. సచిన్ ఒక్క షాట్ చూస్తేనే అతడి కళాత్మకమైన ఆట ఇంకా తగ్గలేదు అని మనకు తెలుస్తుంది. తాజాగా న్యూజిలాండ్ లెజెండ్స్ తో జరిగిన మ్యాచ్ లో సచిన్ కొట్టింది కేవలం 4 ఫోర్లు మాత్రమే కానీ ఆ ఫుట్ వర్క్.. ఆ టెక్నిక్.. ఆ స్టైలిష్ నెష్.. ఆ క్లాస్ ఆటకు అభిమానులు ఫిదా అయ్యారు. ట్వీటర్ వేదికగా సచిన్ కొట్టిన ఫోర్ల వీడియోలను షేర్ చేస్తూ.. పొగడ్తలతో ముంచెత్తుతున్నారు. తొలి ఓవర్ లో మిల్స్ వేసిన 5వ బంతిని స్వీపర్ కవర్ లో ఫోర్ కొట్టాడు. రెండో ఓవర్ వేయడానికి షేన్ బాండ్ వచ్చాడు.
అయితే బాండ్ ఎంతటి గొప్ప బౌలరో మనందరికి తెలిసిందే. కానీ సచిన్ ఎంతటి వాడో ప్రపంచానికే తెలుసు. ఈ ఓవర్ లో సచిన్ బ్యాక్ వర్డ్ స్క్వేయర్ లెగ్ లో కొట్టిన కళాత్మకమైన షాట్ క్రీడాలోకమే ఆశ్చర్యపోయింది. 49 ఏళ్ల వయసులోను 23 ఏళ్ల కుర్రాడిలా ఆడుతున్నాడు అంటూ ప్రశంసలు కురిపించారు. “అది షాట్ కాదు అదో ఎమోషన్.. మా చిన్నతనం ఆటను గుర్తు చేశారు మాస్టర్ బ్లాస్టర్” అంటూ ఓ నెటిజన్ రాసుకొచ్చాడు. వయసు కేవలం నెంబర్ మాత్రమే.. ఆట ఎప్పటికీ పర్మినెంట్ అని మరో నెటిజన్ రాసుకొచ్చాడు. ప్రస్తుతం సచిన్ కొట్టిన షాట్లు నెట్టింట వైరల్ గా మారాయి. మరి 49వ సంవత్సరంలోనూ 20 ఏళ్ల కుర్రాడిలా బ్యాటింగ్ చేస్తున్న మాస్టర్ బ్లాస్టర్ సచిన్ పై మీ అభిప్రాయాలను కామెంట్స్ రూపంలో తెలియజేయండి.
At the age of 49🔥
Years may pass…But Class Remains Same 🐐#SachinTendulkar #GodofCricket#RoadSafetyWorldSeries2022 #Cricket pic.twitter.com/vzcUodkRuf— 𝘼𝘽𝙃𝙄𝙎𝙃𝙀𝙆 𝘼𝙂𝙉𝙄𝙃𝙊𝙏𝙍𝙄 🇮🇳 (@abhishekcrt) September 20, 2022
Q: What is class ?
Ans : 👇🏼👇🏼👇🏼👇🏼 pic.twitter.com/oh3P9W0uIC— Sachinist (@Sachinist) September 19, 2022
This is not just the shot.This is emotion.This is happiness.this is our childhood. Thanks @sachin_rt
once again for bringing our smiles back.#GodOfCricket #SachinTendulkar#RoadSafetyWorldSeries #Cricket pic.twitter.com/soD2E93W6Y— Rajesh🇮🇳 (@Cricket1045) September 20, 2022
