వీడియో: ఇండియన్‌ ఉమెన్స్‌ టీమ్‌లో మరో దినేష్‌ కార్తీక్‌! ఈ ఒక్క షాట్‌ చాలు..

టీమిండియా స్టార్‌ ఫినిషర్‌ దినేష్‌ కార్తీక్‌ డెత్‌ ఓవర్స్‌లో ఎంతటి విధ్వంసం సృష్టించగలడో మనకు తెలిసిందే. కెరీర్‌ ఆరంభంలో మిడిల్డార్‌ బ్యాటర్‌ కమ్‌ వికెట్‌ కీపర్‌గా ఉన్న డీకే.. తర్వాత ఫినిషర్‌గా మారిపోయాడు. ప్రస్తుతం టీమిండియాలో డీకే ఒక సెన్సేషన్‌. టీ20 వరల్డ్‌ కప్‌ 2022లో టీమిండియాకు తురుపుమొక్కగా ఉన్నాడు. కాగా.. దినేష్‌ కార్తీక్‌ బ్యాట్‌ నుంచి వచ్చే షాట్లు ఎంత అద్భుతంగా ఉంటాయో వర్ణించడం కష్టం. ఒకదానికి మించి మరొకటి ఉంటాయి. వాటిల్లో దిల్‌ స్కూప్‌ షాట్‌ ఒకటి. డీకే దిల్‌ స్కూప్‌ షాట్‌ ఆడితే.. ఫీల్డర్లు సైతం అలా కళ్లు అప్పగించి చూడాల్సిందే. అంత పర్ఫెక్ట్‌గా ఉంటుంది డీకే ఆ షాట్‌ ఆడితే. అయితే అదే దిల్‌ స్కూప్‌ షాట్‌ను సేమ్‌ దినేష్‌ కార్తీక్ స్టైల్లోనే టీమిండియా విమెన్‌ క్రికెటర్‌ రిచా ఘోష్‌ ఆడారు.

టీమిండియా విమెన్‌ టీమ్‌ వికెట్‌ కమ్‌ బ్యాటర్‌ అయిన రిచా ఘోష్‌ సైతం డీకేలా డెత్‌ ఓవర్స్‌లో విధ్వంసం సృష్టించగల బ్యాటరే. శుక్రవారం ఇంగ్లండ్‌ ఉమెన్స్‌ టీమ్‌- ఇండియన్‌ ఉమెన్స్‌ టీమ్‌ మధ్య జరిగిన మ్యాచ్‌లో రిచా ఘోష్‌ 22 బంతుల్లోనే 5 ఫోర్లలో 33 పరుగులు చేసి అదరగొట్టారు. ఇంగ్లండ్‌ బౌలర్ల ధాటికి టీమిండియా టాప్‌ బ్యాటర్లంతా పెవిలియన్‌ బాటపడితే.. రిచా ఒక్కరే ఎదురుదాటికి దిగారు. ఈ క్రమంలో ఇంగ్లండ్‌ బౌలర్‌ వాంగ్‌ వేసిన ఇన్నింగ్స్‌ 18వ ఓవర్‌ మూడో బంతికి అద్భుతంగా దిల్‌ స్కూప్‌ షాట్‌ ఆడి ఔరా అనిపించారు. ప్రస్తుతం రిచా ఆడిన దిల్‌ స్కూప్‌ షాట్‌ వీడియో సోషల్‌ మీడియాలో వైరల్‌గా మారింది. ఇండియన్‌ ఉమెన్స్‌ టీమ్‌కు దినేష్‌ కార్తీక్‌ దొరికేశాడంటూ క్రికెట్‌ అభిమానులు సోషల్‌ మీడియాలో సంతోషం వ్యక్తం చేస్తున్నారు.

కాగా ఈ మ్యాచ్‌లో టీమిండియా ఘోరంగా ఓడింది. తొలి వన్డేలో ఓడి రెండో వన్డేలో అద్భుత విజయం సాధించిన టీమిండియా. మూడో వన్డేలో మళ్లీ చేతులు ఎత్తేసింది. ఈ మ్యాచ్‌లో తొలుత బ్యాటింగ్‌ చేసిన భారత్‌.. నిర్ణీత 20 ఓవర్లలో 8 వికెట్ల నష్టానికి 122 పరుగులు చేసింది. షఫాలీ వర్మ(5), స్మృతి మంధాన(9), మేఘన(0), కెప్టెన్‌ హర్మన్ ప్రీత్‌ కౌర్‌(5) దారుణంగా విఫలం అవ్వడంతో టీమిండియా వందలోపే ఆలౌట్‌ అయ్యేలా కనిపించింది. కానీ.. దీప్తి శర్మ(24), రిచా ఘోష్‌(33) రాణించడంతో ఆ మాత్రం స్కోర్‌ అయినా చేయగలిగింది. ఈ స్వల్ప స్కోర్‌ను ఇంగ్లండ్‌ 18.2 ఓవర్లలో 3 వికెట్లు కోల్పోయి ఛేదించింది. మరి ఈ మ్యాచ్‌ ఫలితం ఎలా ఉన్నా.. రిచా ఘోష్‌ తన బ్యాటింగ్‌తో అందర్ని ఆకట్టుకుంది. ముఖ్యంగా తను ఆడిన దిల్‌ స్కూప్‌ షాట్‌ అయితే మ్యాచ్‌కే హైలెట్‌గా నిలిచింది. మరి రిచా దిల్‌ స్కూప్‌పై మీ అభిప్రాయాలను కామెంట్ల రూపంలో తెలియజేయండి.

ఇది కూడా చదవండి: వెంకటేశ్ అయ్యర్ బలమైన గాయం..! కావాలనే కొట్టిన బౌలర్?