పాకిస్థాన్‌ మాజీ క్రికెటర్‌, దిగ్గజ బౌలర్‌ వసీం అక్రమ్‌ ఆటోబయోగ్రఫీ ‘సుల్తాన్‌, ఒక జ్ఞాపకం’లో సంచలన విషయాలు వెల్లడించాడు. ఒక్కొక్కటిగా పలు ఆసక్తికరమైన విషయాలు బయటికి వస్తున్నాయి. ఇప్పటికే పాకిస్థాన్‌ మాజీ కెప్టెన్‌ సలీమ్‌ మాలిక్‌.. తనను మసాజ్‌ చేయడని, అతని బూట్లు, బట్టలు శుభ్రం చేయమనేవాడని పేర్కొని సంచలనం సృష్టించిన అక్రమ్‌.. తాజాగా పాకిస్థాన్‌ మాజీ క్రికెటర్‌, పాకిస్థాన్‌ క్రికెట్‌ బోర్డు ప్రస్తుత ఛైర్మన్‌ రమీజ్‌ రాజా గురించి షాకింగ్ విషయం బయటపెట్టాడు. పాకిస్థాన్‌ జట్టులో రమీజ్‌ రాజాకు ఇచ్చే ఫీల్డింగ్‌ ప్లేస్‌ వెనుక ఉండే అసలు కారణం ఇదే అంటూ.. పాకిస్థాన్‌లో జరిగే రాజకీయాలను, లాబియింగ్‌లను ఉద్దేశిస్తూ.. అక్రమ్‌ తన ఆత్మకథలో రాసుకున్నాడు.
రమీజ్‌ రాజాను స్లీప్‌లోనే ఫీల్డింగ్‌ ఉంచేందుకు కారణం వాళ్ల నాన్న పోలీస్‌ కమీషనర్‌ కావడమే అంటూ పేర్కొన్నాడు. న్యూజిలాండ్‌తో సిరీస్‌ సందర్భంగా రమీజ్‌ రాజాను సెకండ్‌ స్లిప్‌లో ఫీల్డింగ్‌ ఉంచారు. కానీ.. అతను పట్టిన క్యాచ్‌ల కంటే వదిలేసిన క్యాచ్‌ల సంఖ్యే ఎక్కువ. అయినా కూడా అతన్ని స్లిప్‌లోనే టీమ్‌ ర్యాంక్‌ ఆధారంగా ఫీల్డింగ్‌ ఉంచేవారు. ఎందుకంటే వాళ్ల నాన్న పోలీస్‌ కమీషనర్‌ కనుక అతనికి ఆ ఫీల్డింగ్‌ ప్లేస్‌ ఇచ్చేవారు.. అంటూ వసీం అక్రమ్‌ పేర్కొన్నారు. వసీం అక్రమ్‌ బౌలింగ్‌లో న్యూజిలాండ్‌ ఆటగాడు జాన్‌ రైట్‌ స్లిప్‌లో క్యాచ్‌ ఇవ్వగా.. దాన్ని రమీజ్‌ నేలపాలుచేశాడు. అయినా అతన్ని అక్కడి నుంచి తప్పించలేదు. ఈ విషయాన్ని ఉదహరిస్తూ.. అక్రమ్‌ వెల్లడించాడు.
అయితే.. 1985 నుంచి 1997 వరకు రమీజ్‌ రాజా, వసీం అక్రమ్‌ కలిసి జాతీయ జట్టుకు ఆడారు. వారిద్దరూ కలిసి 188 అంతర్జాతీయ మ్యాచ్‌ల్లో పాకిస్థాన్‌కు ప్రాతినిథ్యం వహించారు. అంతర్జాతీయ క్రికెట్‌కు గుడ్‌బై చెప్పిన తర్వాత.. వసీం అక్రమ్‌ కోచింగ్‌తో పాటు కామెంటేటర్‌గా కొనసాగగా.. రమీజ్‌ రాజా కామెంటేటర్‌గా సెకండ్‌ ఇన్నింగ్స్‌ మొదలు పెట్టి.. ప్రస్తుతం పాకిస్థాన్‌ క్రికెట్‌ బోర్డుకు చైర్మన్‌గా ఉన్నారు. ఇటివల వసీం అక్రమ్‌ తన క్రికెట్‌ కెరీర్‌తో పాటు తన జీవతం గురించి తెలుపుతూ పుస్తకం రూపంలో ఆటో బయోగ్రఫీని అభిమానుల ముందుకు తీసుకొచ్చారు. అయితే.. ఈ పుస్తకంలో పలు ఆసక్తికరమైన విషయాలు వెల్లడించిన వసీం.. ప్రపంచానికి తెలియని పలు డ్రెస్సింగ్‌ రూమ్‌ రహస్యాలను సైతం వెల్లడించారు.
Wasim akram says ramiz raza was son of a wealthy man and thats why he kept playing and always used to field on slip coz he was the worst ever
And yet he played , and still made the chairman . Howz pcb suffered loss in crores i think 82 crores . Who did it , who ate it ? Fixers— ਅਮਨ ਦੀਪ (@AmanRehanaman) November 27, 2022
