follow us:
నిఖత్ జరీన్‌ చరిత్ర సృష్టించింది. వరుసగా రెండో సారి బాక్సింగ్‌లో వరల్డ్ ఛాంపియన్‌గా నిలిచింది. ఆమె సాధించిన విజయంపై ప్రధాని నరేంద్ర మోదీ ప్రశంసల వర్షం కురిపించారు.
తెలంగాణ కీర్తి పతాకం నిఖత్ జరీన్‌ మరోసారి దేశం గర్వపడేలా చేసింది. బాక్సింగ్‌లో వరుసగా రెండో సారి ప్రపంచ ఛాంపియన్‌గా నిలిచింది. ఈ ఘనత సాధించిన రెండో భారత బాక్సర్‌గా నిఖత్ నిలిచింది. అంతకుముందు లెజెండరీ బాక్సర్ మేరీ కోమ్ సైతం రెండు వరల్డ్ టైటిల్స్ నెగ్గింది. న్యూఢిల్లీ వేదికగా జరిగిన బాక్సింగ్ పోటీల్లో 50 కేజీల విభాగంలో స్వర్ణపతకం గెలిచిన నిఖత్.. చరిత్ర సృష్టించింది. సెమీఫైనల్ బౌట్‌లో 5-0 తేడాతో రియో ఒలింపిక్స్ కాంస్య పతక విజేత, కొలంబియా బాక్సర్ ఇంగ్రిట్‌ వాలెన్సిని ఓడించి ఫైనల్ చేరిన నిఖత్.. ఫైనల్‌లో వియత్నాం బాక్సర్ ఎన్గుయెన్ థి టామ్‌ను 5-0 తేడాతో చిత్తుగా ఓడించి.. ఛాంపియన్‌గా నిలిచింది.
ఈ విజయంతో మరోసారి నిఖత్ పేరు దేశవ్యాప్తంగా మారుమోగిపోతుంది. మన తెలంగాణ అమ్మాయి ఇంతటి ఘతన సాధించడంతో రాష్ట్ర ముఖ్యమంత్రి కేసీఆర్‌, మంత్రి కేటీఆర్‌లు నిఖత్‌ను అభినందించారు. నిఖత్ ఒక్క తెలంగాణకే కాదు దేశానికే గర్వకారణమంటూ పేర్కొన్నారు. అలాగే ప్రధాని నరేంద్ర మోదీ సైతం నిఖత్ జరీన్‌ సాధించిన విజయంపై స్పందించారు. ‘ప్రపంచ బాక్సింగ్ ఛాంపియన్‌షిప్‌లో అద్భుత విజయం సాధించి స్వర్ణం సాధించినందుకు నిఖత్ జరీన్‌కు అభినందనలు. ఆమె ఒక అత్యుత్తమ ఛాంపియన్, ఈ విజయంతో ఆమె దేశం పర్వపడేలా చేశారు.’ అంటూ సోషల్‌ మీడియాలో వేదికగా ప్రధాని మోదీ ప్రశంసలు కురిపించారు. అయితే.. ఈ గోల్డ్‌ మెడల్‌ను నిఖత్ దేశానికి అంకితం ఇచ్చారు. నిఖత్ జరీన్‌ సాధించిన ఘనతపై మీ అభిప్రాయాలను కామెంట్ల రూపంలో తెలియజేయండి.
Congratulations to @nikhat_zareen for her spectacular victory at the World Boxing Championships and winning a Gold. She is an outstanding champion whose success has made India proud on many occasions. pic.twitter.com/PS8Sn6HbOD
— Narendra Modi (@narendramodi) March 26, 2023
