పంజాబ్ టీమ్ నుంచి బయటికి రావడంపై నోరు విప్పిన కేఎల్ రాహుల్

సినీ గ్లామర్‌, భారీ ఫ్యాన్‌ బేస్‌, సూపర్‌ టీమ్‌, పరుగుల వరద పారించే కెప్టెన్‌, కుంబ్లే లాంటి కోచ్‌ ఉన్నా కూడా పంజాబ్‌ కింగ్స్‌ జట్టు ఇప్పటి వరకు ఐపీఎల్‌ టైటిల్‌ను కొట్టలేకపోయింది. గత నాలుగు సీజన్లకు ఆ జట్టుకు కెప్టెన్‌ ఉన్న టీమిండియా స్టార్‌ ప్లేయర్‌ కేఎల్‌ రాహుల్‌ గత ఐపీఎల్‌ సీజన్‌ తర్వాత ఆ జట్టు నుంచి బయటికి వచ్చేశాడు. 2022లో కొత్త జట్టు లక్నో సూపర్‌ జెయింట్స్‌కు కెప్టెన్‌గా వ్యవహరించనున్నాడు. పంజాబ్‌ ఐపీఎల్‌ మెగా వేలానికి ముందు రాహుల్‌ను రిటేన్‌ చేసుకోవాలని భావించినా.. లక్నో ఇచ్చిన ఆఫర్‌ కారణంగానే రాహుల్‌ వెళ్లిపోయాడని విమర్శలు కూడా వచ్చాయి.

ఆ సమయంలో స్పందించని రాహుల్, పంజాబ్‌ను వీడడంపై ఎట్టకేలకు నోరు విప్పాడు. రాహుల్‌ మాట్లాడుతూ.. ‘‘నాలుగేళ్ల పాటు వారితో కలిసి ఉన్నాను. ఐపీఎల్‌ ప్రయాణంలో నేను కొత్తగా ఏం నిరూపించుకోగలనో చూడాలని భావించాను. నిజానికి ఈ నిర్ణయం చాలా కఠినమైనది. ఎందుకంటే సుదీర్ఘ కాలంగా నాకు పంజాబ్‌తో విడదీయలేని బంధం ఉంది. కానీ కొత్తగా ఏదైనా చేయాలన్న తపనతోనే ఈ నిర్ణయం తీసుకున్నా’’ అని రాహుల్‌ అన్నాడు. కాగా రాహుల్‌ను లక్నో రూ.17 కోట్లకు ఐపీఎల్‌ వేలానికి ముందే పిక్‌ చేసుకుంది. తన కెప్టెన్సీతో పంజాబ్‌ను విజేతగా నిలపలేకపోయిన రాహుల్‌.. లక్నోను ఏ మేరకు నడిపిస్తాడో చూడాలి. మరి రాహుల్‌ చెప్పిన వివరణపై మీ అభిప్రాయాలను కామెంట్ల రూపంలో తెలియజేయండి.

ఇదీ చదవండి: విరాట్‌ కోహ్లీ ఏ ఫోన్‌ వాడుతాడో, దాని ధరెంతో తెలుసా?

#BubbleKiBaatein: Aa gaye hai humare Captain on board, taiyaar hai banane naye record 🏏🙌

Welcome aboard, Captain💪👑@klrahul11 #LucknowSuperGiants #KLRahul #TataIPL #Mindset pic.twitter.com/zpLzHTGEo4

— Lucknow Super Giants (@LucknowIPL) March 16, 2022

New colours, same commitment 🎯 pic.twitter.com/nZnggxtZXR

— K L Rahul (@klrahul11) March 20, 2022

మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.