follow us:
భారతదేశంలో క్రికెట్ ఉన్న క్రేజ్ గురించి ప్రత్యేకంగా చెప్పకర్లేదు. ఇక మరికొన్ని రోజుల్లో ఆస్ట్రేలియా వేదికగా టీ20 మహా సంగ్రామం జరగబోతోంది. ఈ యుద్ధంలో టీమిండియా తొలి మ్యాచ్ ను చిరకాల ప్రత్యర్థి అయిన పాకిస్థాన్ తో అక్టోబర్ 23 న తలపడనుంది. ఈ నేపథ్యంలోనే ఐనాక్స్ థియేటర్ యాజమాన్యం క్రికెట్ ఫ్యాన్స్ కు గుడ్ న్యూస్ చెప్పింది. టీ20 వరల్డ్ కప్2022 లో పాక్ తో తలపడే తొలి మ్యాచ్ తో సహా.. భారత్ ఆడే అన్ని మ్యాచ్ లను లైవ్ లో ఐనాక్స్ థియేటర్లలో ప్రదర్శించనున్నారు. ఈ మేరకు ఐసీసీతో ఒప్పందం కూడా కుదుర్చుకున్నట్లు ఐనాక్స్ ప్రతినిధులు తెలిపారు. ఈ వార్తకు సంబంధించి మరిన్ని వివరాల్లోకి వెళితే..
సాధారణంగా సినిమాలను థియేటర్లలో చూడాలి.. క్రికెట్ మ్యాచ్ ను గ్రౌండ్ లో చూడాలి.. అప్పుడే మస్త్ మజా వస్తది. కానీ క్రికెట్ ఫ్యాన్స్ కు మరో మజా వచ్చే వార్త చెప్పింది ఐనాక్స్ థియేటర్ యాజమాన్యం. అవును టీ20 వరల్డ్ కప్ లో భారత్ ఆడే అన్ని మ్యాచ్ లను దేశంలో ఎంపిక చేయబడ్డ 25 పట్టణాలలో ప్రదర్శిస్తున్నట్లు వెల్లడించింది. ఈ మేరకు అందుకు సంబంధించిన ICCతో అధికారిక ఏర్పాట్లను పూర్తి చేసినట్లు ఐనాక్స్ తెలిపింది. దీనికి గురించి మరిన్ని వివరాలు వెల్లడించారు ఐనాక్స్ ఛీప్ ఆపరేటింగ్ ఆఫీసర్ ఆనంద్ విశాల్. ఆయన మాట్లాడుతూ..”దేశంలో ఉన్న క్రికెట్ అభిమానుల కోసం మేం ఈ నిర్ణయం తీసుకున్నాం. అద్భుతమైన సౌండ్ తో వెండితెర పై.. క్రికెట్ ను ప్రేక్షకులు చూసి చాలా థ్రిల్ గా ఫీల్ అవుతారని భావిస్తున్నాం.
ఈ క్రమంలోనే టీ20 వరల్డ్ కప్ పై వారికున్న ప్రేమ, ఎమోషన్ ను మేం మరింత దగ్గరగా తీసుకురానున్నాం. ఇది ఒక రకంగా క్రికెట్ లవర్స్ కు పండగనే చెప్పాలి. ఈ లైవ్ మ్యాచ్ లను మేం దేశవ్యాప్తంగా ఎంపిక చేయబడిన 25 నగరాల్లో ప్రదర్శించనున్నాం” అని ఆనంద్ విశాల్ వెల్లడించారు. అయితే ఇలా థియేటర్లలో క్రికెట్ మ్యాచ్ లను ప్రదర్శించడం తొలి సారేం కాదు. గతంలో కొన్ని వరల్డ్ కప్ మ్యాచ్ లను పీవీఆర్ మల్టీప్లెక్స్ ల్లో ప్రదర్శించారు. ఇక ఐనాక్స్ థియేటర్ల విషయానికి వస్తే.. దేశవ్యాప్తంగా 74 నగరాల్లో 165 మల్టీప్లెక్స్ ల్లో.. 705 స్క్రీన్ లు ఉన్నాయి. వీటి మెుత్తం సీటింగ్ కెపాసిటీ వచ్చి 1.57 లక్షల మంది ప్రేక్షకులు సినిమా చూడొచ్చు. ఈ క్రమంలోనే మరో సారి టీమిండియా మ్యాచ్ లను ఈలలు వేస్తూ.. గోల చేస్తూ.. థియేటర్లలో చూసే అవకాశం క్రికెట్ లవర్స్ కు దక్కింది.
Leading multiplex chain #INOX Leisure Ltd will live screen all matches to be played by #India at the upcoming ICC Men’s #T20WorldCup 2022 in its cinema halls across the country. https://t.co/tntIvLXdIW
— Deccan Herald (@DeccanHerald) October 11, 2022
INOX signs agreement with ICC for 8th edition of the ICC Men’s T20 World Cup
📷: ICC#Cricket #T20WorldCup2022 #T20WorldCup #INOX #CricketNews #TeamIndia #IndianCricketTeam #CricketTwitter pic.twitter.com/yvMSnpv5xd
— SportsTiger (@sportstigerapp) October 11, 2022
