follow us:
భారత జట్టుకు నిరసన సెగ ఎదురైంది. ఆస్ట్రేలియాతో 2-1 తేడాతో సిరీస్ కైవసం చేసుకున్న టీమిండియా సౌతాఫ్రికాతో మూడు టీ20ల సిరీస్‌కు తిరువనంతపురం చేరింది. ఈ సమయంలో అభిమానుల నుంచి ఊహించని షాక్ తగిలింది. ప్రభాస్ హీరోగా నటించిన బాహుబలి సినిమాలో “బాహు.. బాహు..” అనే నామస్మరణ ఎలాగో.. “సంజూ.. సంజూ.. ” అంటూ అలా మార్మోగిపోయింది. అభిమానుల నినాదాల నడుమ ఆటగాళ్లు కూడా చేసేదేమిలేక మిన్నకుండిపోయారు. ఆ వివరాలు..
టీ20 వరల్డ్ కప్ కు ముందు భారత జట్టు స్వదేశంలో సౌతాఫ్రికాతో మూడు టీ20ల సిరీస్ ఆడాల్సిఉంది. ఈ నెల 28 నుంచి ప్రారంభం కానుండగా, ఆటగాళ్లు తొలి టీ20 పోరు కోసం త్రివేండ్రం చేరుకున్నారు. ఈ సమయంలో అభిమానుల నుంచి ఊహించని షాక్ తగిలింది.. టీ20 ప్రపంచకప్‌కు ఎంపిక చేసిన జట్టులో సంజూ శాంసన్‌కు చోటు దక్కని కారణంగా అతని అభిమానులు నానా రచ్చ చేశారు. సంజూకు అన్యాయం చేశారని ఆగ్రహం వ్యక్తం చేస్తూ తమ నిరసను తెలియజేశారు. ఎయిర్‌పోర్ట్‌ నుంచి భారత ఆటగాళ్లు బయటకు రాగానే ‘సంజూ.. సంజూ..’ అని బిగ్గరగా నినాదాలు చేశారు.
“Sanju… Sanju… Sanju.. ” chants all over when Indian team landed at Trivandrum🔥
Welcome to the fort 🇮🇳🔥🤝@SanjuSamsonFP | #SanjuSamson | @IamSanjuSamson | @rajasthanroyals pic.twitter.com/rX1RkLnIru
— Sanju Samson Fans Page (@SanjuSamsonFP) September 26, 2022
కేరళకు చెందిన సంజూ శాంసన్‌కు రాష్ట్ర వ్యాప్తంగా భారీగా అభిమానులు ఉన్నారు. సంజూకు అవకాశం ఇవ్వకపోవడాన్ని నిరసిస్తూ ఆందోళన చేపట్టారు. సౌతాఫ్రికాతో జరిగే తొలి మ్యాచ్‌లోనూ ఈ నిరసన కొనసాగే అవకాశం ఉంది. అయితే.. తమ నిరసనను నినాదాల వరకే పరిమితం చేయడంతో భారత ఆటగాళ్లూ ఊపిరి పీల్చుకున్నారు. ఈ క్రమంలో సూర్యకుమార్ యాదవ్, సంజూ ఫ్యాన్స్‌ను ఆకట్టుకునే ప్రయత్నం చేశారు. తన మొబైల్‌లో ఉన్న సంజూ శాంసన్ ఫొటోను అభిమానులను చూపిస్తూ కూల్ చేసే ప్రయత్నం చేయబోయాడు. మరోవైపు.. అశ్విన్, చాహల్ తమ ఇన్‌స్టా స్టోరీలో త్రివేండ్రంలో సంజూ పేరు దద్దరిల్లుతుందని పేర్కొన్నారు. ప్రస్తుతం నిరసనకు సంబంధించిన ఫొటోలు సోషల్ మీడియాలో వైరల్‌గా మారాయి.
Suryakumar Yadav Showing SanjuSamson’s Picture To fans😍 Indian cricket 🏏 Team have Reached Trivandrum Ahead Of 1st T20 Against SouthAfrica #IndianCricketTeam #INDvsSA #CricketTwitter #Cricket #SanjuSamson #INDvAUS #SuryakumarYadav #sky @CricCrazyJohns @rajasthanroyals pic.twitter.com/NUCyqjRSZ2
— Vaishnav Hareendran (@VaishnavHari11) September 26, 2022
రోహిత్ శర్మ(కెప్టెన్), కేఎల్ రాహుల్(వైస్ కెప్టెన్), విరాట్ కోహ్లీ, సూర్యకుమార్ యాదవ్, రిషబ్ పంత్(కీపర్), దినేశ్ కార్తిక్(కీపర్), దీపక్ హుడా, రవిచంద్రన్ అశ్విన్, యజువేంద్ర చాహల్, అక్షర్ పటేల్, మహ్మద్ షమీ, జస్ప్రీత్ బుమ్రా, అర్షదీప్ సింగ్, హర్షల్ పటేల్, దీపక్ చాహర్.
