follow us:
మైదానంలో ఆటగాడు ఎంత ప్రశాంతంగా ఉంటే.. అంత మంచిగా ఆడతాడు. అలా కాదని సహనం కోల్పోయి.. ఇతర ఆటగాడి మీద కోపం ప్రదర్శిస్తే.. అది చివరికి జట్టు ఓటమికే దారి తీస్తుంది. ఇప్పటికే స్టువర్ట్ బ్రాడ్-యువరాజ్ సంఘటన విషయంలో ఇది అర్థమైంది. 2007 టీ20 వరల్డ్ కప్ లో భాగంగా ఫ్లింటాఫ్ తో గొడవ కారణంగా బ్రాడ్ బలైయ్యాడు. తాజాగా అలాంటి సంఘటనే లెజెండ్స్ లీగ్ క్రికెట్ లో జరిగింది. ఇండియన్ క్యాపిటల్స్ వర్సెస్ బిల్వారా కింగ్స్ మధ్య జరిగిన మ్యాచ్ లో యూసుఫ్ పఠాన్-మిచెల్ జాన్సన్ మధ్య ఘర్షణ జరిగింది. జాన్సన్.. పఠాన్ ను వెనక్కి నెట్టాడు. ఈ వీడియో ప్రస్తుతం వైరల్ గా మారింది. దీనికి సంబంధించి మరిన్ని వివరాల్లోకి వెళితే..
లెజెండ్స్ క్రికెట్ లీగ్ 2022 లో భాగంగా ఆదివారం ఇండియన్ క్యాపిటల్స్-భిల్వారా కింగ్స్ మధ్య మ్యాచ్ జరిగింది. ఈ మ్యాచ్ లో భిల్వారా బ్యాట్స్ మెన్ యూసుఫ్ పఠాన్, క్యాపిటల్స్ బౌలర్ మిచెల్ జాన్సన్ మధ్య గొడవ జరిగింది. 17వ ఓవర్ వేయడానికి వచ్చిన జాన్సన్.. పఠాన్ కు ఓ బౌన్సర్ వేశాడు. దాన్ని అంపైర్ వైడ్ గా ప్రకటించలేదు. దాంతో అసహనానికి గురైన పఠాన్ అంపైర్ తో ఏమైంది అన్నట్లుగా కోపంగా మాట్లాడాడు. దానికి అంపైర్ బదులిస్తూ.. అది నీ భుజాలపై నుంచి వెళ్లింది అని చెప్పింది. ఈ మధ్యలో జాన్సన్ కలుగజేసుకుని దుర్బాషలాడాడు. దాంతో కోపంతో పఠాన్ ముందుకు రాగా జాన్సన్.. పఠాన్ ను వెనక్కి నెట్టాడు. దాంతో ఒక్కసారిగా గ్రౌండ్ లో ఉద్రిక్త వాతావరణం చోటుచేసుకుంది. అంపైర్లు వచ్చి సర్దిచెప్పి ఇద్దర్ని వెనక్కి తీసుకెళ్లారు. పిచ్చి కోపంతో ఉన్న యూసుఫ్ పఠాన్ తన కోపాన్ని బ్యాట్ ద్వారానే చూపించాడు. తర్వాతి ఓవర్ వేద్దానికి వచ్చిన జాన్సన్ కు చుక్కలు చూపించాడు. వరుసగా 6,4,6 బాది ప్రతీకారం తీర్చుకున్నాడు.
ఈ సిక్స్ లు కొడుతుంటే ఏమీ చేయలేక చూస్తూ ఉన్నాడు జాన్సన్. యూసుఫ్ పఠాన్ సిక్స్ లు బాదుతుంటే.. ఇర్ఫాన్ పఠాన్ డగౌట్ నుంచి అరుస్తూ ఉన్నాడు. ఇక ఈ మ్యాచ్ లో పఠాన్ 24 బంతుల్లో 3 ఫోర్లు, 4 సిక్స్ లు 48 పరుగులు చేశాడు. ఇక పఠాన్ కొట్టిన 4 సిక్సర్లలో 3 జాన్సన్ బౌలింగ్ లో కొట్టినవే విశేషం. చివరికి పఠాన్ అతడి బౌలింగ్ లోనే అవుటవ్వడం గమనార్హం. ఇక ఈ వీడియో చూసిన అభిమానులు తన కోపమే తనకు శత్రువు అన్న సామెత నిజమే అని కామెంట్స్ చేస్తున్నారు. అదీ కాక తగిన బుద్ది చెప్పాడు అని ప్రశంసిస్తున్నారు. ఇక మ్యాచ్ విషయాని వస్తే.. భిల్వారా కింగ్స్ నిర్ణీత 20 ఓవర్లలో 5 వికెట్ల నష్టానికి 226 పరుగులు చేసింది. జట్టులో ఫోర్టర్ ఫీల్డ్ (59), వాట్సన్ కేవలం 39 బంతుల్లో 10 ఫోర్లు, 2 సిక్స్ లతో 65 పరుగులు, బిష్ణోయ్ 11 బంతుల్లో 36 రన్స్ చేశారు. అనంతరం 227 పరుగుల భారీ లక్ష్యంతో బరిలోకి దిగిన క్యాపిటల్స్19.3 ఓవర్లలో 6 వికెట్లు నష్టపోయి లక్ష్యాన్ని ఛేదించింది. రాస్ టేలర్ 39 బంతుల్లో 9 ఫోర్లు, 5 సిక్స్ లతో విధ్వంసం సృష్టించాడు. మిగతా వారిలో అషేల్లీ నర్స్ 28 బంతుల్లో 5 ఫోర్లు, 4 సిక్స్ లతో 60 పరుగులు చేసి విజయంలో కీలక పాత్ర పోషించారు.
Things got heated up between Yusuf Pathan and Mitchel Johnson 🤯 pic.twitter.com/6KODIrqAaF
— Mishra (@the__klingon) October 2, 2022
