follow us:
టీమిండియా సారధి రోహిత్ శర్మపై పాక్ మాజీ కెప్టెన్ సల్మాన్ బట్ ఆసక్తికర వ్యాఖ్యలు చేశాడు. మాజీ సారధి విరాట్ కోహ్లీకు ఉన్న ఫిట్నెస్ లో రోహిత్ శర్మకు సగమున్నా.. క్రికెట్ ప్రపంచాన్ని శాసించేవాడని తెలిపాడు. పాక్ ప్లేయర్లతో రోహిత్‌ను పోల్చలేం అంటూనే.. అతనికి ఎంత టాలెంట్ ఉన్నా ఫిటెనెస్ లేకుండా ఏం చేయలేడని చెప్పుకొచ్చాడు. సల్మాన్ బట్ వ్యాఖ్యల్లో రెండు విషయాలు అంతుపట్టడం లేదు. నైపుణ్యం పరంగా రోహిత్ ను పొగిడిన బట్.. ఫిట్నెస్ తో పోల్చి ఎందుకు కించపరిచాడన్నది ఒకటి. పాక్ ప్లేయర్లతో రోహిత్‌ను పోల్చలేం.. అన్నప్పుడు రోహిత్ మీద తన అభిప్రాయం ఏంటా? అన్నది మరొకటి. ఆ మాటల వెనుకున్న అర్థమేమిటో ఇప్పుడు చూద్దాం..
అంతర్జాతీయ క్రికెట్ కు వీడ్కోలు పలికాక.. పాకిస్తాన్ క్రికెటర్లు ఒక్కొక్కరు ఒక్కో యూట్యూబ్ ఛానల్ పెట్టుకున్నారు. అంటే.. ఏ పని దొరికనపుడు, ఎవరిమీదో ఒకరిమీద వ్యాఖ్యలు చేసి డబ్బులు సంపాదించడమే మార్గమన్నట్లుగా గుసగుసలు. ఇందుకు ఆద్యం పోసింది మాత్రం.. వివాదాల గురువు, రావల్పిండి ఎక్సప్రెస్ షోయబ్ అక్తర్. ఇప్పుడు ఆ అడుగుజాడల్లోకి సల్మాన్ బట్ కూడా చేరాడు. తన యూట్యూబ్ చానల్‌ వేదికగా మాట్లాడిన సల్మాన్ బట్.. ‘ప్రపంచ నెంబర్ వన్, టూ ర్యాంకుల్లో ఉన్న పాక్ ప్లేయర్లతో రోహిత్‌ను పోల్చలేమని చెప్పాడు. అతనికి ఒక్క ఏబీ డివిలియర్స్‌తోనే పోలిక ఉంటుందని తెలిపాడు.
View this post on Instagram
“బాబర్‌ ఆజామ్, మమమ్మద్ రిజ్వాన్‌తో రోహిత్ ను పోల్చలేం. అతనికి ఉన్న నైపుణ్యానికి విరాట్ కోహ్లీలో సగం ఫిట్నెస్ సాధించినా.. క్రికెట్ ప్రపంచాన్ని శాసించేవాడు. అతనికి పోలిక ఒక్క ఏబీ డివిలియర్స్‌తోనే ఉంటుంది. ఒక వేళ కోహ్లీ స్థాయిలో ఫిట్నెస్ సాధిస్తే.. అతను క్రికెట్ లో ఏం చేస్తాడో అన్నది అంచనాలకు కూడా అందదు” అని సల్మాన్ బట్ చెప్పుకొచ్చాడు.
ప్రస్తుత ఐసీసీ టీ20 ర్యాంకింగ్స్‌లో పాక్ ఆటగాళ్లు బాబర్‌ ఆజామ్, మహమ్మద్‌ రిజ్వాన్‌ తొలి రెండు స్థానాల్లో ఉన్నారు. అయినా.. సల్మాన్ బట్ వారితో రోహిత్ పోల్చేందుకు నిరాకరించడం గమనార్హం. ఆ ర్యాంకింగ్స్‌లో రోహిత్ 14, కోహ్లీ 29వ ర్యాంకుల్లో ఉన్నారు. కాగా, ఇటీవల కాలంలో రోహిత్ శర్మ తన శైలికి భిన్నంగా ఆడుతున్నడని చెప్పొచ్చు. క్రీజులో కుదురుకుంటే కానీ, బ్యాట్ ఝుళిపించని రోహిత్ తొలి బంతి నుంచే ధాటిగా ఆడుతున్నాడు. అందులోనూ.. రోహిత్ శర్మ రాణించడంపైనే టీ20 ప్రపంచకప్‌లో టీమిండియా విజయవకాశాలు ఆధారపడి ఉంటాయి. అంటే.. పవర్ ప్లేలో అతను చేసే పరుగులను బట్టే విజయవకాశాలన్నమాట. సల్మాన్ బట్ వ్యాఖ్యలపై, మీ అభిప్రాయాలను కామెంట్ల రూపంలో తెలియజేయండి.
