follow us:
టీమిండియా మాజీ ఆటగాళ్ల మధ్య గొడవలు మొదలయ్యే సూచనలు ఎక్కువుగా కనిపిస్తున్నాయి. అందుకు కారణాలు కూడా లేకపోలేదు. మాజీ ఆటగాడు, ఓపెనర్ గౌతం గంభీర్ అందుకు తెరలేపాడు. రెండ్రోజుల కిందట టీమిండియా మాజీ సారధి మహేంద్ర సింగ్ ధోనీ చేసిన ‘బిస్కెట్’ ప్రమోషన్.. అందరకి తెలిసిందే. ఏదో చెబుతాడని అనుకుంటే ఓరియో ప్రమోషన్‌తో పెద్ద ‘బిస్కెట్’ వేశాడు. ఈ విషయంపై.. వరల్డ్ కప్ హీరో గౌతమ్ గంభీర్ మరో కాంట్రవర్సీకి తెరదీశాడు. ఆ వివరాలు..
తన పిల్లలతో కలిసి ఆడుకుంటున్న ఓ వీడియోను గంభీర్ తన ఇన్‌స్టాగ్రామ్‌లో షేర్ చేశాడు. అయితే.. ఈ వీడియోలో తన కూతుళ్లతో పాటు.. పెంపుడుకుక్కలు నానా హంగామా చేస్తున్నాయి. అయితే.. అందులో ఓ కుక్క పేరు ఓరియో అని ఉంది. పిల్లలు కూడా ఆ కుక్కను ఓరియో.. ఓరియో.. అని పిలుస్తూ ఆట పట్టించారు. నిజంగానే.. ఆ కుక్క పేరు ‘ఓరియో’ అనుకున్నా.. గంభీర్ ఈ సమయంలో పోస్ట్ చేయడమే.. ధోనీని టార్గెట్ చేశాడనడానికి కారణం.
Gautam Gambhir Uploaded A Video On Instagram Calling His Dog Name Oreo. He Uploaded This Video After MS Dhoni Gave Credit To Oreo For Winning The 2011 World Cup. pic.twitter.com/D8eMvyH18A
— Duck (@DuckInCricket) September 27, 2022
ఇటీవలే ధోనీ సస్పెన్స్ అంటూ ఓరియో బిస్కెట్ లాంఛ్ చేసిన సంగతి తెలిసిందే. ఏదో సీరియస్ మ్యాటర్ అన్నట్లు ముందుగానే ప్రకటన ఇచ్చి ‘ఓరియో బిస్కెట్ల’ ప్రమోషన్ చేశాడు. ఇదే ఓవర్ అనుకుంటే.. “2011లో ఇండియాలో ఓరియో లాంఛ్ అయ్యింది.. అదే ఏడాది టీమిండియా వరల్డ్ కప్ గెలిచింది. ఈసారి కూడా లాంచ్ చేస్తున్నాం కాబట్టి మళ్లీ భారత్ ప్రపంచకప్ గెలుస్తుందంటూ” అంటూ అర్థం లేని వ్యాఖ్యలు చేశాడు. ధోనీ చూపించిన ఈ అత్యుత్సాహామే అతనిపై ట్రోలింగ్ కు కారణమైంది. “2011 వన్డే వరల్డ్ కప్ ఫైనల్‌లో గంభీర్ 97 పరుగులు చేసి టీమిండియా విజయంలో కీలక పాత్ర పోషించినప్పటికీ.. ఒక సిక్సర్‌తో ధోని ఆ క్రెడిట్ అంతా కొట్టేశాడు. దీన్ని మనసులో పెట్టుకున్న గంభీర్ ఇప్పుడిలా చేశాడంటూ నెటిజన్స్ కామెంట్లు చేస్తున్నారు.
Finally the suprise of #Dhoni
Oreo launched in 2011 india won the cup in 2011
Again Oreo launced again india 🤩😍 pic.twitter.com/1AVvR0RCwg
— AAdhf 👑🪓 (@Aadhf123) September 25, 2022
గంభీర్ సోషల్ మీడియాలో కుటుంబానికి సంబంధించిన వీడియోలు కానీ, ఫోటోలు కానీ పెద్దగా పంచుకోడు. అలాంటి గంభీర్ ఇప్పుడు సడెన్‌గా పెంపుడు కుక్కలతో ఆడుకుంటున్న వీడియో షేర్ చేశాడంటే.. దానికి కారణం తన డాగ్ పేరు ‘’ఓరియో’ అని చెప్పి.. మాహీకి కౌంటర్ ఇవ్వాలనే ఉద్దేశంతోనే! అని ప్రత్యేకంగా చెప్పక్కర్లేదు. అసలు ఈ వీడియో ద్వారా గంభీర్ ఏం చెప్పదల్చుకున్నాడో అర్థం కానప్పటికీ.. అది ధోనికి కౌంటర్ అని మాత్రం వెల్లడైంది.
MS Dhoni for an ad – India won the world cup in 2011 because Oreo was launched in 2011.
Gautam Gambhir watching the ad – pic.twitter.com/546URSQRZf— All About Cricket (@allaboutcric_) September 25, 2022
