follow us:
గాయం కారణంగా దక్షిణాఫ్రికాతో టీ20 సిరీస్‌కు దూరమైన టీమిండియా ప్రధాన పేసర్‌ జస్ప్రీత్‌ బుమ్రా.. టీ20 ప్రపంచకప్‌కు కూడా అందుబాటులో ఉండడం లేదు. ఈ విషయంపై బీసీసీఐ అధికారిక ప్రకటన కూడా చేసింది. వెన్ను నొప్పి కారణంగా జట్టుకు దూరమైన బుమ్రా మెగాటోర్నీ వరకు కోలుకొని తిరిగి వస్తాడని అభిమానులు ఆశించినా.. అతడి గాయం తీవ్రత అధికంగా ఉండటంతో ఇప్పట్లో అది సాధ్యపడట్లేదని, వైద్య బృందం సలహా మేరకు అతడిని టీ20 ప్రపంచకప్ జట్టు నుంచి తప్పించాం..’ అంటూ ప్రకటన చేసింది. తాజాగా ఈ విషయంపై బుమ్రా స్పందించాడు. ఈ క్రమంలో భావోద్వేగానికి లోనయ్యాడు. ఆ వివరాలు..
ప్రపంచ కప్ కు దూరం కావడంపై ట్విటర్ వేదికగా స్పందించిన బుమ్రా.. ఈ మెగా టోర్నీలో ఆడకపోయినా తాను మాత్రం బయిటనుంచి ఉత్సాహపరుస్తా అని ట్వీట్ చేశాడు. “ఈసారి నేను ప్రపచంకప్ ఆడటం లేదు. ఇది నన్ను బాధిస్తోంది. అయినప్పటికీ.. నేను త్వరగా కోలుకోవాలని విష్ చేసిన నా మిత్రులకు, శ్రేయోభిలాషులకు ధన్యవాదాలు. ఈ ప్రపంచ కప్ లో నేను భాగం కాకున్నా భారత జట్టును బయిటనుంచి ఉత్సాహపరుస్తా..” అని ట్వీట్ చేశాడు. బుమ్రా బౌలింగ్ యాక్షన్ కారణంగానే.. వెన్ను ఒత్తిడికి గురవుతుందని వైద్యులు తేల్చారు. సుమారు 6 నెలల వరకు అతను ఆటకు దూరం కానున్నాడు.
I am gutted that I won’t be a part of the T20 World Cup this time, but thankful for the wishes, care and support I’ve received from my loved ones. As I recover, I’ll be cheering on the team through their campaign in Australia 🇮🇳 pic.twitter.com/XjHJrilW0d
— Jasprit Bumrah (@Jaspritbumrah93) October 4, 2022
ప్రస్తుతానికి బుమ్రా స్థానంలో ఇంకెవరినీ ఎంపిక చేయలేదు. స్టాండ్‌బై ఆటగాడిగా ఉన్న మహమ్మద్‌ షమీ, దీపక్‌ చాహర్‌లో ఒకరికి చాన్స్‌ దక్కనుంది. త్వరలోనే ఈ విషయంపై బీసీసీఐ నుంచి అధికారిక ప్రకటన వెలుబడనుంది. కాగా, బుమ్రా టీ20 ప్రపంచకప్ కు దూరం కావడంపై టీమిండియా ఆల్ రౌండర్ హార్ధిక్ పాండ్యా స్పందించాడు. బుమ్రా త్వరగా కోలుకోవాలని ఆకాంక్షించాడు.”మై జస్సీ.. నువ్వు ఎప్పటిలాగే బలంగా తిరిగి రావాలి..” అని ట్వీట్ చేశాడు.
My Jassi 🦁 Come back stronger like you always do 👑❤️❤️ @Jaspritbumrah93
— hardik pandya (@hardikpandya7) October 3, 2022
