Arshdeep Singh: పాపం.. అర్షదీప్‌ సింగ్‌కు ఆ రాత్రి కంటిపై కునుకులేదు: కోచ్‌

ఆసియా కప్‌ 2022లో హాట్‌ ఫేవరేట్‌గా బరిలోకి దిగిన టీమిండియా గ్రూప్‌స్టేజ్‌లో అదరగొట్టినా.. సూపర్‌ ఫోర్‌లో చతికిలపడింది. టాస్‌ కీలకమైన పిచ్‌లపై వరుసగా అన్ని మ్యాచ్‌ల్లో టాస్‌ ఓడిపోవడం టీమిండియా కొంపముంచింది. అలాగే టీమిండియా యువ బౌలర్‌ అర్షదీప్‌ సింగ్‌ బౌలింగ్‌ పరంగా ఆకట్టుకున్నా.. పాకిస్థాన్‌తో సూపర్‌ ఫోర్‌లో జరిగిన కీలక మ్యాచ్‌లో ఒక సులువైన క్యాచ్‌ను నేలపాలుచేసి విమర్శలు ఎదుర్కొన్నాడు. ఈ క్యాచ్ అనంతరం అర్షదీప్‌పై దారుణంగా ట్రోలింగ్‌ జరిగింది. ఏకంగా కేంద్ర ప్రభుత్వం సైతం అర్షదీప్‌కు మద్దతుగా నిలిచింది. ఈ నేపథ్యంలో అర్షదీప్‌ కోచ్ జస్వంత్ రాయ్ అర్షదీప్‌ క్యాచ్‌ డ్రాప్‌పై స్పందిస్తూ చేసిన వ్యాఖ్యలు ప్రాధాన్యతను సంతరించుకున్నాయి.

ఆయన మాట్లాడుతూ.. ‘క్యాచ్ మిస్ అవ్వడంపై అర్షదీప్ తీవ్ర నిరాశకు గురయ్యాడు. ఆ రోజు రాత్రి అర్షదీప్‌ అసలు నిద్రపోలేదు. కానీ.. అతను క్యాచ్‌ వదిలేసిన మ్యాచ్‌లోనే చివరి ఓవర్‌లో 7పరుగులు డిఫెండ్ చేయాల్సిన తరుణంలో అర్షదీప్ అద్భుతంగా బౌలింగ్ చేశాడు. నిజానికి ఆ రోజు అందరి ఆటగాళ్లలాగే అర్ష్‌దీప్ కూడా కొంచెం టెన్షన్‌గా ఉన్నాడు. పాకిస్థాన్‌తో మ్యాచ్ అంటేనే ఆ టెన్షన్‌ ఉంటుంది.’ అని రాయ్ పేర్కొన్నాడు.

కాగా.. సోషల్ మీడియాలో ట్రోల్స్ గురించి అర్షదీప్ పట్టించుకోలేదని కానీ చివరి ఓవర్‌లో యార్కర్లను కచ్చితంగా సంధించకపోవడంపై మాత్రం చాలా బాధపడ్డాడని జస్వంత్‌ తెలిపాడు. తన ఆటపై అర్షదీప్‌ ఎప్పుడు పాజిటివ్‌గానే ఉంటాడని అన్నారు. అలాగే అర్షదీప్‌ టీ20 ప్రపంచకప్‌‌కు ఎంపికవ్వడంపై సంతోషం వ్యక్తం చేస్తునే.. అతను టీమిండియాకు మేలు చేస్తాడని జస్వంత్‌ ఆశాభావం వ్యక్తం చేశారు. మరి ఈ విషయంలో మీ అభిప్రాయాలను కామెంట్లరూపంలో తెలియజేయండి.

ఇది కూడా చదవండి: బౌలర్ అర్షదీప్ వ్యవహారంపై కేంద్రం సీరియస్… సమన్లు జారీ

Arshdeep Singh in 20th over in this Asia Cup 2022:-

•Defend 7 of 6 vs PAK – 1,4,0,W,2
•Defend 7 of 6 vs SL – 1,1,2,1,2B

He has given just 12 runs in 10 balls in 20th overs – What a bowler, The Star. pic.twitter.com/lkOH4Ghg5u

— CricketMAN2 (@ImTanujSingh) September 6, 2022

I Stand With Arshdeep Singh. #arshdeepsingh #INDvsPAK2022 #khalistani #BCCI pic.twitter.com/i3rdP087vG

— 𝐀𝐫𝐣𝐮𝐧 𝐕𝐢𝐬𝐡𝐰𝐚𝐤𝐚𝐫𝐦𝐚 (@arjun35175) September 5, 2022