follow us:
ఈ మధ్యకాలంలో రొటీన్ లవ్, ఫ్యామిలీ డ్రామా సినిమాలకంటే ప్రయోగాత్మక సినిమాలను ఎక్కువగా ఆదరిస్తున్నారు ప్రేక్షకులు. అందుకే పెద్ద స్టార్ హీరో సినిమా అయినా.. రొటీన్ కంటెంట్ తో వస్తే ప్లాప్ లను మూట కట్టుకోవాల్సిందేనని ప్రూవ్ చేస్తున్నారు. ఒకప్పుడు కంటెంట్ పట్టించుకోకుండా అభిమాన హీరోహీరోయిన్లను తెరపై చూసేందుకు జనాలు భారీ స్థాయిలో ఎగబడేవారు. కానీ.. రోజులు మారుతున్నకొద్దీ ప్రేక్షకులు సినిమాలు చూసే విధానంలో మార్పులు జరుగుతూ వస్తున్నాయి. అందుకే కంటెంట్ ప్రకారమే సినిమాలను చూస్తున్నారు.
ఈ క్రమంలో ప్రయోగాత్మక చిత్రంగా వచ్చి టాలీవుడ్ బాక్సాఫీస్ వద్ద బ్లాక్ బస్టర్ గా నిలిచిన సినిమాలలో ‘బింబిసార‘ ఒకటి. నందమూరి కళ్యాణ్ రామ్ హీరోగా తెరకెక్కిన ఈ చిత్రం టైమ్ ట్రావెలింగ్ కాన్సెప్ట్ తో అందరినీ ఆకట్టుకుంది. త్రిగర్తలను పాలించిన బింబిసార క్యారెక్టర్ చుట్టూ ఫిక్షనల్ స్టోరీ రాసుకొని డెబ్యూ డైరెక్టర్ వశిష్ఠ ఈ సినిమాను రూపొందించాడు. కళ్యాణ్ రామ్ మొదటిసారి పీరియాడిక్ కింగ్ రోల్ ప్లే చేశాడు. అలాగే ఈ సినిమాలో కళ్యాణ్ రామ్ డ్యూయెల్ రోల్ లో మెప్పించడం విశేషం. చాలా కాలం తర్వాత బింబిసారతో మంచి విజయాన్ని అందుకున్నాడు కళ్యాణ్ రామ్.
ఇక బాక్సాఫీస్ వద్ద బింబిసార చిత్రం.. మూడు రోజుల్లోనే బ్రేక్ ఈవెన్ టార్గెట్ పూర్తిచేసి డబుల్ ప్రాఫిట్ ని ఖాతాలో వేసుకుంది. ఈ సినిమాలో కళ్యాణ్ రామ్ సరసన కేథరిన్, సంయుక్త మీనన్ హీరోయిన్స్ గా నటించారు. ఇదిలా ఉండగా.. భారీ అంచనాలు లేకుండా వచ్చిన బింబిసార బ్లాక్ బస్టర్ అయ్యేసరికి.. ఓటిటి ఫ్యాన్స్ కూడా ఎప్పుడెప్పుడు స్ట్రీమింగ్ అవుతుందా? అని ఎదురుచూస్తున్నారు. అయితే.. బింబిసార మూవీ ఓటిటి హక్కులను జీ5 సంస్థ దక్కించుకుంది. తాజా సమాచారం ప్రకారం.. బింబిసార విడుదలైన రెండు నెలలకు అంటే.. అక్టోబర్ 7 నుండి స్ట్రీమింగ్ కాబోతున్నట్లు తెలుస్తుంది. దసరాకి రాబోతుంది కాబట్టి.. ఓటిటి ఫ్యాన్స్ కి పండగే అని చెప్పాలి.
#BimbiSara Will be Stream From October 7 on Zee5 pic.twitter.com/PgGwlmIKkv
— OTT Prime News (@Ottupdates7) September 26, 2022
