follow us:
ఋషులు, మహర్షులు, సాధువులు తలచుకుంటే ఏమైనా చేయగలరు. వారికున్నంత ఓపిక, సహనం మరెవ్వరికీ ఉండదు. అందుకే కృషి ఉంటే మనుషులు ఋషులవుతారు అన్న నానుడి వచ్చింది. పట్టువదలని విక్రమార్కుడుకి వారసులో లేక పట్టు వదలక పోవడం అనేది వీరి రక్తంలో ఉందో తెలియదు గానీ ఎత్తిన చేయిని దించకుండా పదేళ్లు, 50 ఏళ్ళ పాటు ఉండడం అంటే మామూలు విషయమా? మన లాంటి సాధారణ మనుషులకి ఎత్తిన చేతిని దించకుండా ఉండడం అంటే అసాధ్యం అసలు. గట్టిగా 5 నిమిషాలు చేయి ఎత్తి నిలుచుంటే నొప్పి వచ్చేస్తుంది. మహా అయితే అతి కష్టం మీద 15 నుంచి 20 నిమిషాలు ఉండచ్చు. ఒకవేళ తోపు, తురుము అయితే ఒక రోజు ఉంటారేమో. మరీ 10 ఏళ్ళు, 45 ఏళ్ళు ఏంటి సార్.. టూమచ్ కాకపోతే.
ఒక సాధువు ఏకంగా పదేళ్ల నుండి తన కుడి చేతిని పైకి ఎత్తే జీవిస్తున్నది. నమ్మశక్యంగా లేకపోయినా నమ్మి తీరాల్సిన విషయం. ఒక సాధువు శివుడి మీద భక్తితో తన చేతిని పైకి ఎత్తి పదేళ్లుగా అలానే ఉంటున్నారు. నిద్రపోయేటప్పుడు కూడా ఇలానే ఉంటారని, జీవితాంతం ఇలానే ఉంటానని, సాధ్యమైనంత వరకూ ప్రయత్నిస్తానని ఆయన వెల్లడించారు. గతంలో ఇలానే అమర్ భారతి అనే సాధువు కూడా ఎత్తిన చేయిని దించకుండా దాదాపు 50 ఏళ్ల పాటు ఉన్నారు. 1973లో ఎత్తిన చేయిని.. ఆయన ఇప్పటి వరకూ దించలేదు. 70 ఏళ్ల అమర్ భారతికి సంబంధించిన ఈ వార్త గతంలో బాగా వైరల్ అయ్యింది. అయితే సాధువులకి చేయి పైకి ఎత్తి ఉంచితే నొప్పి రాదా అంటే.. మొదట్లో రెండేళ్ల పాటు విపరీతంగా నొప్పి వచ్చిందట. కానీ అది క్రమంగా తగ్గిపోయిందని అప్పట్లో అమర్ భారతి వెల్లడించారు.
తాజాగా ఈయనలానే మరొక సాధువు కూడా పదేళ్లుగా ఎత్తిన చేతిని దించకుండా జీవిస్తున్నారు. శివయ్య మీద భక్తితోనే తాను ఇలా చేయి ఎత్తి ఉంచానని, ఇకపై కూడా అలానే ఉంచుతానని సాధువు చెబుతున్నారు. అయితే ఒకవేళ సాధువు దించాలనుకున్నా అది సాధ్యం కాదని వైద్యులు చెబుతున్నారు. ఎందుకంటే చేతికి చలనం లేదు. మొండిపట్టు పట్టి చేయిని ఎత్తడంతో చేతుల్లో రక్త ప్రసరణ ఆగిపోయింది. దీంతో చేతులకి చలనం లేకుండా పోయింది. అందుకే ఎలాంటి నొప్పి లేదు. మొదట్లో నొప్పి కలిగినప్పుడు భరించారు, ఇప్పుడు అలవాటు అయిపోయింది. అందుకే ఈ ఫీట్ అద్భుతంగా కనిపిస్తుంది. అద్భుతం ఇప్పుడు కాదు నొప్పిని భరించే క్రమంలోనే జరిగింది.
త్రివిక్రమ్ శ్రీనివాస్ అన్నట్టు అద్భుతం జరిగేటప్పుడు ఎవరూ గుర్తించరు. జరిగిన తర్వాత ఎవరూ గుర్తించాల్సిన అవసరం లేదు. అమ్మ ప్రసవ సమయంలో పడే వేదన ఒక అద్భుతం. పిల్లాడికి జన్మనిచ్చే క్రమంలో నొప్పిని భరించడం ఒక అద్భుతం. నొప్పి అని తెలిసి భరించడం మహా అద్భుతం అది. మనిషి అనుకుంటే సాధ్యం కానిది ఏదీ ఉండదు అనుకోవడానికి సాధువే ప్రత్యక్ష ఉదాహరణ. ఏదైనా మొదట్లోనే మనకి నొప్పిగా, బాధగా, అయిష్టంగా ఉంటుంది. ఒక్కసారి దిగి లోతేంటో చూస్తే అన్నీ అలవాటు అయిపోతాయి.
sejak tahun 1973 amar bharati tidak pernah menurunkan tangannya sebagai bentuk pengabdian terhadap dewa shiva. selama itu hingga sekarang sampai tangannya kini sudah mati rasa pic.twitter.com/6UGBAYFa9J
— 𝙅𝙤.𝙣𝙖𝙥 (@jnessy_) September 25, 2022
