follow us:
పాస్‌పోర్టు పొందడం అంటే అంత తేలికైన పని కాదు. అందుకు చాలా పెద్ద ప్రక్రియ ఉంటుంది. అందుకు రోజుల నుంచి వారాల సమయం కూడా పట్టచ్చు. ఈ ప్రక్రియలో ప్రధానంగా పోలీస్‌ క్లియరెన్స్ లెటర్‌ విషయంలో చాలా సమయం పడుతుంది. పోలీస్‌ క్లియరెన్స్ సర్టిఫికెట్‌ కోసం దరఖాస్తు చేసుకున్న వారు చాలా సమయం వేచిచూడాల్సి వస్తుంది. పాస్‌పోర్టు అప్లై చేస్తున్న వ్యక్తికి గతంలో ఏదైనా క్రిమినల్‌ రికార్డు ఉందా అనేది ఈ పోలీస్‌ వెరిఫికేషన్‌ సర్టిఫికెట్‌ ద్వారా తెలుసుకుంటారు. ఒకవేళ ఉంది అని తేలితే మాత్రం పాస్‌ పోర్టు రావడం ఆలస్యం కావచ్చు లేదా కష్టమనే చెప్పాలి. ఈ పోలీస్‌ వెరిఫికేషన్‌ సర్టిఫికేట్‌ కోసం ఎందుకోసం పాస్‌పోర్టు కావాలి? ఉద్యోగమా, లాంగ్‌ వీసాకోసమా? ఇలా అన్ని వివరాలు తెలియజేయాలి.
అయితే ఇప్పుడు ఈ ప్రక్రియ మరింత సులభతరం కానుంది. అవును ఇప్పుడు పోలీస్‌ వెరిఫికేషన్‌ సర్టిఫికెట్‌ కోసం పోస్టాఫీస్‌ పాస్‌ పోర్టు సేవా కేంద్రాల్లో దరఖాస్తు చేసుకోవచ్చు. మీ అడ్రస్‌ ఆధారంగా ఆ పరిధిలోని పోలీస్‌ స్టేషన్లు సర్టిఫికేట్‌ను జారీ చేస్తాయి. ఇప్పుడు ఈ సదుపాయాన్ని అందుబాటులోకి తీసుకురావడం వల్ల పాస్‌పోర్టు పొందడం మరింత సులభతరం కానుంది. పాస్‌పోర్ట్ కు సంబంధించిన సేవల కోసం విదేశీ వ్యవహారాల శాఖ పోస్టల్‌ డిపార్టుమెంట్‌ తీసుకున్న సంయుక్థ నిర్ణయంతోనే ఈ పోస్టాఫీస్‌ పాస్ట్‌ పోర్టు సేవా కేంద్రాలను ప్రారంభించారు. దేశవ్యాప్తంగా ప్రస్తుతం 428 కేంద్రాలను ప్రారంభించారు. పాస్‌ పోర్టు కోసం ఉన్న డిమాండ్‌ని బట్టి ఈ సంఖ్యను పెంచే అవకాశం కూడా ఉంది. పాస్‌పోర్టు తత్కాల్‌ సర్వీస్‌ మాదిరిగానే ఈ ఫాస్ట్ పోలీస్‌ క్లియరెన్స్ సర్టిఫికేట్‌ సదుపాయాన్ని తీసుకొచ్చారు.
Facility to apply for Police Clearance Certificate (PCC) services will be available at all online Post Office Passport Seva Kendras across India, starting from 28.09.22https://t.co/DIufXr4zAx
Courtesy: @MEAIndia@DrSJaishankar @MOS_MEA @IndiaPostOffice #Popsk #passportseva pic.twitter.com/Y1qbiAXom3
— Central Bureau of Communication, Dharmapuri (@CBCDharmapuri) September 27, 2022
