అమ్మ చనిపోయాక కొడుక్కి తెలిసిన నిజం.. కంటతడి పెట్టిస్తున్న ట్విట్టర్ పోస్ట్!

తల్లి ప్రేమ కంటే ఏదీ గొప్పది కాదంటారు. అమ్మ ప్రేమను మించినది ఏదీ లేదంటారు. కల్మషం లేని ప్రేమ అమ్మది మాత్రమేనని చెబుతుంటారు. అందుకే తల్లి ప్రేమకు వెల కట్టలేం. నవమోసాలు మోసి, కని పెంచిన పిల్లలంటే అమ్మకు ఎంత ఇష్టమో, ప్రేమో ప్రత్యేకంగా చెప్పనక్కర్లేదు. తన పిల్లలు ఎంత పెద్దవారైనా ఆమెకు వారు చిన్న పాపాయిలతో సమానం. పిల్లలు ఏదైనా తప్పు చేస్తే దండించే తల్లి, అదే విజయం సాధిస్తే వారి కంటే ఎక్కువ సంతోషిస్తుంది. వారి సక్సెస్ గురించి అందరికీ చెబుతూ ఉప్పొంగిపోతుంది. అలాంటి ఓ తల్లి కథే ఇది. తన తల్లి గురించి ఓ వ్యక్తి సోషల్ మీడియాలో చేసిన పోస్ట్ అందర్నీ కంటతడి పెట్టిస్తోంది. భౌతికంగా తన అమ్మ దూరమైనా.. ఆమె జ్ఞాపకాన్ని తలచుకుని తీవ్ర ఆవేదనకు గురయ్యాడో వ్యక్తి.

తల్లి మరణం తర్వాత తనకు తెలిసిన ఓ అద్భుతమైన నిజాన్ని గురించి ఎమోషనల్ పోస్ట్ చేశాడు. విక్రమ్ అనే ఆ వ్యక్తి తల్లి 24 ఏళ్ల పాటు ఒకే కంచంలో భోజనం చేసిందట. ఈ ప్లేట్ ఆమెకు చాలా స్పెషల్ అని విక్రమ్ తన ట్వీట్​లో రాసుకొచ్చాడు. అయితే, ఆ ప్లేట్​ను ఆమె అంతగా ఇష్టపడటం వెనుక హృదయం చలించిపోయే ఓ కారణం ఉందట. విక్రమ్ 7వ తరగతిలో ఉన్నప్పుడు స్కూలులో బహుమతిగా ఈ ప్లేట్​ను అందుకున్నాడట. కొడుకుకు ప్రైజ్​గా వచ్చిన ప్లేటులోనే విక్రమ్ తల్లి ఇన్నాళ్లూ భోజనం చేసిందట. ఈ విషయాన్ని విక్రమ్​కు ఆమె సోదరి చెప్పింది. దీంతో అతడు ఎమోషనల్ అయ్యాడు. ఈ ట్వీట్ చూసి నెటిజన్స్ కంటతడి పెడుతున్నారు. తల్లి ప్రేమను మించినది లోకంలో మరేదీ లేదంటూ కామెంట్స్ పెడుతున్నారు.

This is Amma’s plate.. she used to eat in this for the past 2 decades.. it’s a small plate.. she allowed only myself and chulbuli (Sruthi, my niece) only to eat in this other than her.. after her demise only I came to know through my sister, that this plate was a prize won by me pic.twitter.com/pYs2vDEI3p

— Vikram S Buddhanesan (@vsb_dentist) January 19, 2023