follow us:
ఆమ్ ఆద్మీ పార్టీ జాతీయ కన్వీనర్, ఢిల్లీ ముఖ్యమంత్రి అరవింద్ కేజ్రీవాల్ పై అన్నా హజారే మండిపడ్డారు. దేశవ్యాప్తంగా ప్రకంపనలు సృష్టించిన ఢిల్లీ లిక్కర్ పాలసీపై గాంధేయవాది అన్నా హజారే సైతం ఆగ్రహం వ్యక్తం చేశారు. బహిరంగ లేఖ ద్వారా తన మాజీ శిష్యుడు అరవింద్ కేజ్రీవాల్ పై తీవ్రస్థాయిలో విమర్శలు చేశారు. వారు అనుసరిస్తున్న విధానం సరైంది కాదంటూ వ్యాఖ్యానించారు.
“సీఎం కుర్చీ దక్కిన తర్వాత మీకు నేను రాస్తున్న మొదటి లేఖ ఇది. మద్యం పాలసీపై ప్రభుత్వానికి సంబంధించిన వార్తలు విని నేను ఎంతగానో బాధపడ్డాను. ఆప్ మేనిఫెస్టోలో మీరు చెప్పింది ఏంటి? ఇప్పుడు మీరు చేస్తోంది ఏంటి? ఆప్ మేనిఫెస్టో స్వరాజ్ కు పరిచయం నాతోనే రాయించారు. మద్యం విధానాల్లో నిజాయితీగా ఉంటానన్నారు. స్థానికుల మద్దతు లేకుండా నివాస ప్రాంతాల్లో మద్యం షాపులు పెట్టనన్నారు. కానీ అవన్నీ ఇప్పుడు మర్చిపోయారు” అంటూ ఆవేదన వ్యక్తం చేశారు.
“ఎన్నో ఆదర్శతాలతో మీరు, సిసోడియా ఆప్ ను స్థాపించారు. కానీ, ఇప్పుడు సాధారణ రాజకీయ పార్టీకి మీకు ఏంటి తేడా? ఎంతో బలమైన లోక్ పాల్, అవినీతి వ్యతిరేక బిల్లులకు బదులు.. లిక్కర్ పాలసీ తీసుకొచ్చేందుకు ప్రయత్నించారు. ఒక్క మద్యమే కాదు.. అధికారం కూడా మత్తెక్కిస్తుంది. ఆ మత్తుతో మీరు విషమెక్కిపోయినట్లు స్పష్టమవుతోంది. ఒక గొప్ప ఉద్యమం నుంచి ఉదయించిన పార్టీ ఇలాంటి పనులు చేయడం సరైంది కాదు” అంటూ అన్నా హజారే తీవ్ర స్థాయిలో విమర్శలు గుప్పించారు.
ఎన్నడూ లేని విధంగా కేజ్రీవాల్‌పై అన్నా హజారే విమర్శలు చేయడం, తీవ్ర ఆగ్రహం వ్యక్తం చేయడం చర్చనీయాంశం అవుతోంది. అయితే తన స్వస్థలం రాలేగావున్, మహారాష్ట్రలో మద్యం పాలసీలు ఆదర్శవంతంగా ఉన్నాయంటూ అన్నా హజారే కితాబివ్వటం కొసమెరుపు. అన్నా హజారే లేఖాస్త్రంపై మీ అభిప్రాయాలను కామెంట్స్ రూపంలో తెలియజేయండి.
In every ward, he (CM Kejriwal) opened a liquor shop& age limit reduced to 21yrs from 25yrs. He’s promoting liquor. I felt against it & so for the first time, I wrote to him. When I was protesting, he used to call me his ‘guru’, where are those emotions now?: Activist Anna Hazare https://t.co/8ZHdxSQxGd pic.twitter.com/EXspvjpMDz
— ANI (@ANI) August 30, 2022
