సామాన్య ప్రజలు ఎక్కువగా ఆర్టీసీ బస్సులోనే ప్రయాణిస్తుంటారు. అయితే ఇటీవల ఆర్టీసీ ఛార్జీల బాదుడుతో ప్రయాణికులు అల్లాడిపోతున్నారు. అంతే కాక ఏ రూట్ లలో ఎంతెంత పెరిగాయో, అదే మార్గంలో ప్రయాణాలు చేసే వారికి కూడా అంతు చిక్కడం లేదు. కొన్ని చోట్లు ఆర్టీసీపై ప్రజలు ఫుల కోపంగా ఉన్నారు. ఇదే సమయంలో ఆర్టీసీ తమ సిబ్బందికి రోజు వారి టార్గెట్ ఇస్తుంది. దీంతో టార్గెట్ అందుకునేందుకు కొందరు కండక్టర్లు ఒక స్టాప్ కి బదులు.. తరువాతి స్టాప్ కి అదనంగా టికెట్లు కొడుతూ అధికా ఛార్జీలు వసూలు చేస్తున్నారు. కొందరు ప్రయాణికులు మాత్రం అదనపు ఛార్జీలపై కండక్టర్లను ప్రశ్నిస్తుంటారు. మరి కొందరు అయితే ఏకంగా కండక్టర్ల తో గొడవేసుకుంటారు. అయితే తాజాగా ఓ ప్రయాణికుడు… అదనంగా ఛార్జీ వసూలు చేశాడని కండక్టర్ ను చితక బాదేశాడు. ప్రస్తుతం దీనికి సంబంధించిన వీడియో వైరల్ అవుతోంది. వివరాల్లోకి వెళ్తే..
మధ్యప్రదేశ్ లోని భోపాల్ లో మంగళవారం ఉదయం 10 గంటల సమయంలో ఎన్ సీసీ కి చెందిన ఓ వ్యక్తి.. పోలీస్ క్వార్టర్స్ బస్టాప్ లో బస్సు ఎక్కాడు. అయితే తాను దిగాల్సిన స్టాప్ కు టికెట్ పది రూపాయలే. కండక్టర్ మాత్రం ఆ తరువాత స్టాప్ కి టికెట్ కొట్టాడు. దీంతో పది రూపాయలకు కాస్తా రూ.15 లు వసూలు చేయాలని ప్రయత్నించాడు. అయితే సదరు వ్యక్తి.. ఎందుకు అధిక ఛార్జీ వసూలు చేస్తున్నావు అంటూ నిలదీశాడు. అయిన తాను అదనపు డబ్బులు ఇచ్చే ప్రసక్తి లేదని తేల్చి చెప్పాడు. అయితే ఐదు రూపాయలు ఇవ్వు..లేకుంటే దిగిపోమ్మని కండక్టర్ చెప్పాడు. ఈక్రమంలో ఇద్దరు ఒకరిపై మరొకరు మాటల యుద్దం కొనసాగించుకున్నారు. దీంతో సహనం కోల్పోయిన ఎన్ సీసీకి చెందిన ఆ ప్రయాణికుడు కండక్టర్ పై దాడి చేశాడు.
కండక్టర్ ను సీటులో పడేసి ఉతికారేశాడు. అక్కడే ఉన్న తోటి ప్రయాణికులు ఆ వ్యక్తిని ఆపేందుకు ఎంత ప్రయత్నం చేసిన అతడు ఆగలేదు. కండక్టర్ ను చావబాదేసి బస్సు దిగిపోయాడు. వెంటనే అతడి వెనుకాల కండక్టర్ పరుగులు తీశాడు. ఈ ఘటనపై స్థానిక పోలీస్ స్టేషన్ల లో కండక్టర్ ఫిర్యాదు చేశాడు. దీంతో సదరు ప్రయాణికుడిపై జహాంగీర్ బాద్ పీఎస్ పో కేసు నమోదైంది. అయితే బస్సులో జరిగిన ఈ దాడికి సంబంధించిన వీడియో సోషల్ మీడియాలో వైరల్ అవుతోంది. మరి.. ఘటనపై మీ అభిప్రాయాలను కామెంట్స్ రూపంలో తెలియజేయండి.
NCC cadet thrashed city bus conductor in Bhopal, an argument broke out between the bus conductor and the NCC cadet over the difference of 5 rs. bus fare @ndtv @ndtvindia pic.twitter.com/hnA8B08sBw
— Anurag Dwary (@Anurag_Dwary) September 14, 2022
