follow us:
ఈ మధ్యకాలంలో పాన్ ఇండియా స్థాయి సినిమా తీయడం.. దేశవ్యాప్తంగా సినీ ప్రేక్షకులను మెప్పించడం అనేది చాలా తేలికగా భావిస్తున్నారు. ఇండియన్ బాక్సాఫీస్ వద్ద పాన్ ఇండియా మూవీ అనే ప్రస్తావన వస్తే.. ముందుగా దర్శక ధీరుడు తెరకెక్కించిన ‘బాహుబలి’ మూవీనే అందరికి గుర్తొస్తుంది. ఎందుకంటే.. చారిత్రక కథా నేపథ్యంలో తెరకెక్కిన బాహుబలి చూశాకే సినీ ఫ్యాన్స్ అంతా అసలు రాజుల కథలు, కోటలు, రాజభవనాలు, యువరాణులు, మహారాణి.. రాజ్యాలు, దండయాత్రలు, రాజతంత్రాలు, నాటి ఆటపాటలు తెరపై చూసి అబ్బురపడిపోయారు. అలాగే ప్రపంచవ్యాప్తంగా బాహుబలి సినిమా ఎలాంటి సంచలనాలు సృస్టించిందో ప్రత్యేకంగా చెప్పక్కర్లేదు.
ఇండియన్ సినీ ఇండస్ట్రీలో పాన్ ఇండియా అనే టాపిక్ వస్తే.. బాహుబలికి ముందు, బాహుబలి తర్వాత అని మాట్లాడుకుంటున్నారు. ఎందుకంటే.. ఆ సినిమా వచ్చి ఐదేళ్లు అవుతున్నా, బాహుబలి రికార్డులను ఏ సినిమా బ్రేక్ చేయలేకపోయింది. ఇప్పటివరకు ఇండస్ట్రీ చాలామంది బాహుబలి లాంటి పెద్ద హిట్ కొట్టాలని ట్రై చేశారు. కానీ.. ఎవరు ఏ సినిమా తీసినా బాహుబలితో పోల్చడం కూడా మామూలే అయ్యింది. స్టార్ డైరెక్టర్స్ ఏ భాషలో పెద్ద సినిమాలు తీసినా బాహుబలితో కంపేర్ చేసేస్తుంటారు. అయితే.. జానర్స్ వేరైనా అంతటి ఘనవిజయం సాధించాలంటే.. పర్ఫెక్ట్ స్టోరీ, బలమైన క్యారెక్టర్స్, ఎంటర్టైన్ మెంట్, ట్విస్టులు, ఎలివేషన్స్, సంగీతం, సినిమాటోగ్రఫీ ఇలా ప్రతి అంశంలో బలం కనిపించాలి.
భారీ అంచనాల మధ్య కోలీవుడ్ బాహుబలి అవుతుందని తమిళ ప్రేక్షకులు భావించిన ‘పొన్నియన్ సెల్వన్’ చిత్రం.. బాక్సాఫీస్ వద్ద అంచనాలను క్లియర్ చేయలేకపోయినట్లు తెలుస్తుంది. లెజెండరీ డైరెక్టర్ మణిరత్నం ఎంతో ప్రతిష్టాత్మకంగా స్టార్ కాస్ట్ తో తెరకెక్కించిన ఈ పాన్ ఇండియా పీరియాడిక్ చిత్రం.. డివైడెడ్ టాక్ తో సరిపెట్టుకున్నట్లు సినీవర్గాలు చెబుతున్నాయి. అయితే.. ఏ భాషలో పాన్ ఇండియా సినిమా వచ్చినా.. దాన్ని బాహుబలితో, ఆ డైరెక్టర్ ని రాజమౌళితో కంపేర్ చేయడం మానుకోవాలి. ఎందుకంటే.. అందరూ ప్రయోగాలు చేసేవారే.. కొందరి ప్రయత్నాలు ఫలించి బ్లాక్ బస్టర్స్ అందుకోవచ్చు. అలాగని బాహుబలి కలెక్షన్స్ ని అందుకోలేదని కామెంట్ చేస్తే మూర్ఖత్వం అవుతుంది.
ఎందుకంటే.. బాహుబలి అనేది సినీచరిత్రలో ఓ మైలురాయి. బాహుబలిని చూసిన కళ్లతో పొన్నియన్ సెల్వన్ చూస్తే ప్రేక్షకులకు నిరాశ తప్పదనే అంటున్నారు. ఎందుకంటే.. బాహుబలి సినిమాలో బలమైన స్టోరీ, క్యారెక్టర్స్, ట్విస్టులను రాజమౌళి ఎలాగైతే పర్ఫెక్ట్ గా డీల్ చేశాడో.. పొన్నియన్ విషయంలో మణిరత్నం క్యారెక్టర్స్ ని కరెక్ట్ గా ఎస్టాబ్లిష్ చేయడంలో తడబడ్డట్లు తెలుస్తుంది. టేకింగ్ పరంగా ఎవరి స్టైల్ వారిదే. కానీ.. కంటెంట్ ని తెరపై ఎలా ప్రెజెంట్ చేస్తున్నారనేది ఇప్పుడు హిట్టు ప్లాప్ లను నిర్ణయిస్తోంది. స్టార్ హీరోలకు రోల్స్ ఉన్నప్పుడు ఫ్లాట్ గా స్టోరీ చెప్పేయకుండా మధ్యలో హీరోలను, హీరోయిన్స్ ని ఎలివేట్ చేసే సీన్స్ ఉండాలనేది ఫ్యాన్స్ వాదన.
ఆ విషయంలో రాజమౌళి స్టైల్ ప్రత్యేకం. ఎందుకంటే.. తన సినిమాలో హీరోయిన్స్, రొమాన్స్ లేకపోయినా హీరోలను ఎలివేషన్స్, డైలాగ్స్ తో థియేటర్స్ లో విజిల్స్ వేయించగలడు. కానీ.. మణిరత్నం విషయానికి వచ్చేసరికి పొన్నియన్ సెల్వన్ కథను ఫ్లాట్ గా తీసుకెళ్లాడు. దీంతో అంతమంది స్టార్స్ ఉన్నా విజిల్స్ వేయడానికి స్కోప్ లేకపోవడం గమనార్హం. అయితే.. పొన్నియన్ సెల్వన్ సినిమాలోని క్యారెక్టర్స్ ని తెరపై మరింత హుందాగా, మంచి ఎలివేషన్స్ తో పవర్ ఫుల్ డైలాగ్స్ తో డిజైన్ చేసుంటే ఫలితం ఇంకోలా ఉండేదని కొందరి అభిప్రాయం. అదీగాక పాపులర్ నవల ఆధారంగా తెరకెక్కిన మూవీ కావడంతో పొన్నియన్ సెల్వన్ స్టోరీ దాదాపు అందరికి తెలిసే ఉంటుంది.
కథ ముందే తెలిసినవారికి ఐఫీస్ట్ అనిపించినా.. కథనం స్లో అయ్యేసరికి, ఎక్కడా ఊపు తెప్పించే సాంగ్స్, సన్నివేశాల కొరవయ్యేసరికి బోర్ ఫీల్ అనిపించే అవకాశం ఉందని అంటున్నారు. మరి బాహుబలి చిత్రం డబ్బింగ్ రూపంలో విడుదలై కోలీవుడ్ లోనే నెంబర్ 1 మూవీగా నిలిచింది. మరిప్పుడు పొన్నియన్ సెల్వన్ చూస్తే.. బాహుబలి అనే ప్రస్తావన రాకూడదని అభిప్రాయాలు వెలువడుతున్నాయి. సరే బాహుబలి, రాజమౌళి టాపిక్ వద్దు.. అనుకుంటే తెలుగులో బాహుబలి, కన్నడలో కేజీఎఫ్, హిందీలో దంగల్ లాంటి వరల్డ్ వైడ్ హిట్స్ ఉన్నప్పుడు.. పొన్నియన్ మూవీ కోలీవుడ్ కి అలాంటి హిట్టే అవుతుందేమో అని ఆశాభావం వ్యక్తం చేశారు ప్రేక్షకులు. మరి పొన్నియన్ సెల్వన్ ని తమిళ బాహుబలి అనుకోవడం ఎంతవరకు కరెక్ట్ అంటారు.
