follow us:
ఏ రంగంలో అయినా ఇంట్లో ఒకరు సక్సెస్ అయితే ఆ రంగంలోకి తమ కుటుంబ సభ్యులని తీసుకురావాలని భావిస్తారు కొంతమంది ప్రముఖులు. వ్యాపారమైనా, సినిమా రంగమైనా, మరేదైనా గానీ సక్సెస్ ఉంటే తమ వారిని లాగేస్తుంటారు. ఈ విషయంలో గ్లామర్ ఫీల్డ్ కొంచెం ముందుంటుంది. గ్లామర్ ఫీల్డ్ లో సక్సెస్ వస్తే తమ తోడబుట్టిన వాళ్ళని కూడా అందులోకి లాగేయాలని చూస్తారు. చిరంజీవి తమ్ముడు పవన్ కళ్యాణ్, ఓంకార్ తమ్ముడు అశ్విన్, విజయ్ దేవరకొండ తమ్ముడు ఆనంద్ దేవరకొండ, సంతోష్ శోభన్ తమ్ముడు సంగీత్ శోభన్ ఇలా చాలా మంది సెలబ్రిటీల తమ్ముళ్లు ఇండస్ట్రీలోకి వచ్చి ఏలేస్తున్నారు. తాజాగా ఈ జాబితాలోకి స్టార్ యాంకర్ అనసూయ సోదరి కూడా చేరిపోనున్నారు.
అనసూయ భరద్వాజ్ పరిచయం అవసరం లేని పేరు. బుల్లితెర మీద స్టార్ యాంకర్ గా, వెండితెర మీద నటిగా తన సత్తా చాటారు. అతి చిన్న వయసులోనే యాంకర్ గా సక్సెస్ రుచి చూశారు. యాంకర్ గా రాణిస్తూనే.. సినిమాల్లో నటిగా, హీరోయిన్ గా చేసే స్థాయికి ఎదిగారు. తన సక్సెస్ జర్నీలో అనసూయ కొందరి వల్ల కష్టాలను ఎదుర్కొన్నారు. అవన్నీ తట్టుకుని నిలబడ్డారు. సినీ ఇండస్ట్రీ అన్నాక ఇబ్బందులు ఉంటాయి. అందులోనూ ఆడవారికి మరీ ఎక్కువగా ఉంటాయి. అయినప్పటికీ అనసూయ.. తన చెల్లెలు వైష్ణవిని ఇండస్ట్రీలోకి తీసుకొచ్చేందుకు ప్రయత్నాలు చేస్తున్నారట. తన చెల్లెలికి ఇప్పుడు అనసూయ అనే బడా బ్యాక్ గ్రౌండ్ ఉంది కాబట్టి.. కష్టాలను వైష్ణవి కాంపౌండ్ వాల్ దాటి రానివ్వకుండా కాపాడగలనన్న ధీమాతో అనసూయ ఉన్నట్లు తెలుస్తోంది.
అందుకే ఈ ఫీల్డ్ లో వైష్ణవికి బ్రేక్ ఇచ్చేందుకు అనసూయ సిద్ధమవుతున్నారట. అనసూయకి ఇద్దరు చెల్లెళ్ళు ఉన్నారు. వీరిలో వైష్ణవి ఒకరు. అందంలోనూ, చలాకీతనంలోనూ అనసూయని పోలి ఉండే వైష్ణవి కెరీర్ బాధ్యతలు అనసూయ తీసుకున్నారట. ఆ మధ్య అక్క అనసూయతో పాటు బుల్లితెరపై కనిపించిన వైష్ణవి.. యాంకర్ గా కెరీర్ మొదలుపెడితే తిరుగుండదన్న అభిప్రాయాలు వ్యక్తమయ్యాయి. వైష్ణవికి కూడా వ్యాపార రంగంలో అనుభవం ఉంది. మీడియా, ప్రొడక్షన్ తదితర విభాగాల్లో పని చేశారు. అనసూయ మొదట హెచ్ఆర్ గా చేసి.. ఆ తర్వాత మీడియాలో న్యూస్ రీడర్ గా పని చేశారు. ఆ తర్వాత ఎంటర్టైన్మెంట్ ఫీల్డ్ లో యాంకర్ గా సూపర్ సక్సెస్ అయ్యారు.
ఇప్పుడు అక్క బాటలోనే చెల్లెలు కూడా రాబోతున్నట్టు వార్తలు వస్తున్నాయి. అనసూయ తండ్రి మరణంతో చెల్లి వైష్ణవి కెరీర్ బాధ్యతలను అనసూయ తన భుజాన వేసుకున్నారట. తన చెల్లెలికి మంచి భవిష్యత్తు ఇవ్వాలని అనసూయ భావిస్తున్నట్లు ఇండస్ట్రీ టాక్. ఈ నేపథ్యంలోనే వైష్ణవిని ఒక షో కోసం రికమండ్ చేశారట. ప్రముఖ ఎంటర్టైన్మెంట్ ఛానల్ లో ప్రసారం కానున్న ఒక షో ద్వారా వైష్ణవి యాంకర్ గా ఎంట్రీ ఇవ్వబోతున్నారని వార్తలు వస్తున్నాయి. మరి ఇందులో నిజం ఎంత ఉందో తెలియదు గానీ ఒకవేళ నిజమైతే కనుక వైష్ణవి కూడా అనసూయలా స్టార్ యాంకర్ గా రాణించడం పక్కా అని అనసూయ ఫ్యాన్స్ అభిప్రాయాలు వ్యక్తం చేస్తున్నారు.
Kannayyaaaa ❤❤ #myBabySister #LoveYoutoBits #BoomerangFun 😆😍🤓 @vaishukhasba 😘 pic.twitter.com/MjasvdN1mm
— Anasuya Bharadwaj (@anusuyakhasba) March 18, 2017
View this post on Instagram
View this post on Instagram
View this post on Instagram
