follow us:
ఈషా రెబ్బ.. ఈ అచ్చ తెలుగు అందం గురించి టాలీవుడ్‌ ప్రేక్షకులకు ప్రత్యేక పరిచయం అక్కర్లేదు. అందం, అభినయం, అవసరమైతే.. గ్లామర్‌ షోకు కూడా ఓకే అన్నప్పటికి ఈషా కెరీర్‌ మాత్రం ఆశించిన మేర సక్సెస్‌ కాలేదు. 2012లో వచ్చిన లైఫ్ ఈజ్ బ్యూటిఫుల్ సినిమాతో ఇండస్ట్రీకి పరిచయం అయ్యింది ఈషా. ఈ సినిమా తర్వాత ఆమె మోహన కృష్ణ ఇంద్రగంటి దర్శకత్వంలో వచ్చిన అంతకు ముందు ఆ తర్వాత సినిమాతో మంచి గుర్తింపు తెచ్చుకుంది. ఆ తర్వాత అడపాదడపా సినిమాలు చేస్తూ.. లైమ్‌లైట్‌లో ఉండే ప్రయత్నం చేస్తుంది. తాజాగా తమిళ్‌ ఇండస్ట్రీలోకి ఎంట్రీ ఇచ్చింది ఈషా. దాంతో పాటు ఓ మలయాళ చిత్రంలో కూడా నటిస్తుంది. సినిమాల సంగతి అలా ఉంచితే సోషల్‌ మీడియాలో మాత్రం చాలా యాక్టీవ్‌గా ఉంటుంది ఈ అమ్ముడు. ఎప్పటికప్పుడు హాట్ ఫోటో షూట్‌లు చేస్తూ.. సోషల్‌ మీడియాలో హల్చల్‌ చేస్తుంది. ఇక ప్రసుత్తం సినిమాలతో పాటు వెబ్‌ సిరీస్‌లలో కూడా నటిస్తూ.. కెరీర్‌లో ముందుకు సాగుతుంది.
ఇక కెరీర్‌ సంగతి పక్కకు పెడితే.. ఈషా వ్యక్తిగత జీవితానికి సంబంధించి ఓ వార్త ప్రస్తుతం ఫిల్మ్‌ నగర్‌లో జోరుగా ప్రచారం అవుతోంది. అది ఏంటంటే.. త్వరలోనే ఈ ముద్దుగుమ్మ పెళ్లి పీటలు ఎక్కబోతుందట. అది కూడా ఓ తమిళ్‌ స్టార్‌ డైరెక్టర్‌ని ప్రేమ వివాహం చేసుకోబోతుంది అంటూ జోరుగా ప్రచారం సాగుతోంది. ప్రస్తుతం సదరు తమిళ్‌ డైరెక్టర్‌ మంచి హిట్‌ సినిమాలను డైరెక్ట్‌ చేసి తెగ పాపులర్‌ అయ్యాడట.
ఇప్పటికే వీరిద్దరూ తమ ప్రేమ గురించి కుటుంబ సభ్యులకు చెప్పారని.. వారు కూడా గ్రీన్‌ సిగ్నల్‌ ఇవ్వడంతో.. త్వరలోనే పెళ్లి పీటలు ఎక్కేందుకు రెడీ అయ్యారని జోరుగా ప్రచారం సాగుతోంది. మరి ఈ వార్తలో నిజం ఎంతో తెలియాలంటో వేచి చూడాలి. కానీ ఈషా అభిమానులు మాత్రం.. ఆ తమిళ్‌ డైరెక్టర్‌ ఎవరో తెలుసుకునే ప్రయత్నంలో ఉన్నారు. పెళ్లి వార్తలపై ఈషా స్పందిస్తుందో లేదో చూడాలి. మరి దీనిపై మీ అభిప్రాయాలను కామెంట్స్‌ రూపంలో తెలియజేయండి.
